ស្រលាញ់ខ្លាំងប៉ុណ្ណា តែបើបានលឺពាក្យទាំងនេះចេញមកហើយ ស្រីៗប្រាកដជាដើរចេញដោយមិនស្ទាក់ស្ទើរ
ជឿទេ ពាក្យសម្តីអាចសម្លាប់ទឹកចិត្តមនុស្សបាន? ក្នុងទំនាក់ទំនងស្នេហាក៏ដូចគ្នា បើមនុស្សដែលយើងស្រលាញ់ សុខៗនិយាយនូវពាក្យពេចន៍ដែលពិបាកនឹងទទួលយកច្រើនលើកច្រើនសារ នោះយើងក៏ពិបាកនឹងបន្តជាមួយគេដែរ ហើយផ្លូវចាកចេញគឺជាជម្រើសល្អបំផុត ជៀសវាងឈឺចាប់កាន់តែខ្លាំង។
សម្រាប់នារីៗភាគច្រើនគេជឿថា ប្រសិនបានលឺពាក្យទាំងនេះពីបុរសដែលខ្លួនស្រលាញ់ ទោះនាងស្រលាញ់ពួកគេខ្លាំងប៉ុណ្ណា ក៏នឹងចាកចេញទៅដោយមិនស្ទាក់ស្ទើរនោះដែរ៖
៤) អ្នកគ្មានតំណែងអ្វីក្នុងបេះដូងរបស់ខ្ញុំទៀតទេ
ពាក្យនេះស្មើនឹងគេលែងស្រលាញ់អ្នកតទៅទៀតហើយ ការដែលអ្នកបន្តនៅ ក៏ប្រៀបដូចជាស្រលាញ់គេតែម្នាក់ឯង ហើយកាន់តែរំខានជីវិតគេអ៊ីចឹង។
៣) សូមអ្នកឈប់ពាក់ព័ន្ធនឹងជីវិតខ្ញុំទៀតទៅ
នេះក៏មានន័យថា គេអស់ការអត់ធ្មត់ជាមួយអ្នក គេលែងរាប់អ្នកជាចំណែកនៃជីវិតរបស់គេ។ ការដែលបុរសម្នាក់និយាយពាក្យនេះចេញមក យើងជានារី ក៏មិនគួរទៅអង្វរគេទៀតដែរ បើយើងមិនបានធ្វើអ្វីខុសផងនោះ។
២) អ្នកគ្មានអ្វីសំខាន់សម្រាប់ខ្ញុំទេ
នេះជាមនុស្សស្រលាញ់មើលឃើញតែប្រយោជន៍ នៅពេលដែលគេបានរបស់អ្វីមួយដែលគេចង់បានពីយើងហើយ គេក៏ចាកចេញទៅ។ ពាក្យមួយឃ្លាចុងក្រោយដែលគេបន្សល់ទុក "អ្នកគ្មានអ្វីសំខាន់សម្រាប់ខ្ញុំទៀតទេ" សមល្មមឲ្យយើងវិនិច្ឆ័យបានច្បាស់ណាស់ថាគេជាមនុស្សប្រុសបែបណា។
១) ខ្ញុំមិនយល់អ្វីទាំងអស់ ខ្ញុំសូមនៅស្ងប់ស្ងាត់តែម្នាក់ឯង
ក៏មានន័យថា គេលែងចង់អើពើ គេលែងចង់ដោះស្រាយអ្វីទាំងអស់ គេសុំទុករឿងហ្នឹងចោល ហើយដើរចេញដោយភាពស្ងប់ស្ងាត់។ នេះស្តាប់ទៅដូចជាមនុស្សឈាមត្រជាក់ តែគ្រាន់ថា ការដែលគេនិយាយបែបនេះគឺស្តាប់ទៅរាងសមរម្យជាង ៣ ឃ្លាពីខាងលើបន្តិច៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
