បើចង់ដឹងថាមនុស្សស្រីមានសំណាងឬអត់ មើលតែមាត់ទៅដឹងហើយ
ការនិយាយស្តី គឺជាផ្នែកដ៏សំខាន់មួយនៃឆាកជីវិតរបស់មនុស្សស្រី ក៏ជាការតាក់តែងដ៏ជាក់ស្តែងរបស់នាង ដែរ ដូច្នេះការនិយាយស្តី គឺជាសិល្បៈមួយ ហើយវាក៏អាចធ្វើឱ្យយើងចៀសផុសគ្រោះថ្នាក់ដែលបណ្តាលមកពីមាត់របស់យើងដែរ នោះឆាកជីវិតទើបអាចរឹតតែមានសំណាង និងរលូនជោគជ័យបាន។
និយាយចំពោះមនុស្សស្រីម្នាក់មានសំណាង និងជោគវាសនា សុទ្ធតែមកពីមាត់ទាំងអស់។ មានមាត់ដែលប៉ិនប្រសប់ប្រៀបដូចជាមានថង់សំណាងមួយអញ្ចឹង យកសំណាង និងសុភមង្គលច្រកចូលទៅក្នុងថង់នោះ។
មនុស្សស្រីមានសំណាងឬអត់ មើលតែមាត់នាងទៅគឺដឹងហើយ មនុស្សស្រីដែលមានវោហារចេះដឹងពីរបៀបនៃការនិយាយភាគច្រើនមានសំណាងល្អ។
សង្កេតមើលមនុស្សដែលនៅជុំវិញខ្លួនយើង មនុស្សស្រីដែលមានគេចូលចិត្ត និងសំណាងខ្លាំងសុទ្ធតែមានលក្ខណៈពិសេសមួយគឺ ចេះប្រើពាក្យពេចន៍ និយាយដោយយល់ពីកាលៈទេសៈ។
ប្រាកដណាស់ ភាពមានវោហារនេះ គឺមិនមែនចង់និយាយថាមាត់និយាយមិនឈប់នោះទេ ហើយមិនថានៅក្នុងកាលៈទេសៈណា គឺចេះបត់បែនតាមស្ថានភាពជាក់ស្តែង ពេលនិយាយមានភាពច្បាស់លាស់ និងនឹងធឹង។ ការគិតរបស់ពួកនាងរឹតតែខ្លាំង និងពូកែក្នុងការសរុបសេចក្តី ហើយការគ្រប់គ្រងអារម្មណ៍របស់នាងក៏ខ្ពស់ខ្លាំងណាស់ដែរ ដោយនាងចេះពីសិល្បៈក្នុងការនិយាយ។
មនុស្សស្រីដែលចេះនិយាយតែងតែដឹងពីពេលវេលាណាគួរនិយាយ និងពេលដែលគួរបង្ហាញពីគំនិតរបស់ខ្លួន ហើយបើនាងចង់និយាយបញ្ឆៀងទៅរករឿងអ្វីមួយនោះ ដាច់ខាតមិនអាចនិយាយពាក្យដែលធ្វើឱ្យរបួសដល់អ្នកដទៃឡើយ ផ្ទុយមកវិញ ពេលដែលចង់បង្ហាញពីគោលជំហររបស់ខ្លួន ពួកនាងមិនអឹមអៀនលាក់លៀមបន្តិចណាឡើយ គឺនិយាយត្រង់ៗចេញពីគំនិតរបស់ខ្លួនតែម្តង។
ពួកនាងពូកែក្នុងការធ្វើឱ្យបរិយាកាសស្រស់បំព្រង ក៏តែងតែប្រើនូវភាពកំប្លែងស្ងួតរបស់ខ្លួនទៅបម្លែងបរិយាកាសដែលអាប់អួរ ញុំាងឱ្យការជជែកគ្នាស្ថិតនៅក្នុងភាពធូរស្រាលមិនតាន់តឹង។
មានពេលខ្លះ នារីដែលពូកែនិយាយមិនសូវជាស្រស់ស្អាតនោះទេ ប៉ុន្តែមាត់របស់ពួកនាងពិតជាស្អាតខ្លាំងណាស់ ស្តាប់ពួកនាងនិយាយ គឺជាការសោយសុខមួយប្រភេទ ហើយក៏ស្តាប់ធុញទ្រាន់ដែរ៕
ប្រភព ៖ .christinatan703. / ប្រែសម្រួល ៖ Mythical Bird
ព័ត៌មានថ្មីៗ
