នារីៗចាំសង្កេតមើលទៅ បើបុរសចេញសញ្ញា ៣ នេះ ស្មើនឹងគេអេះអុញចង់បែកហើយ
ការដែលចង់រក្សាទំនាក់ទំនងស្នេហាមួយឲ្យយូរអង្វែងគឺមិនមែនជារឿងងាយឡើយ។ មនុស្សពីរនាក់នៅក្បែរគ្នា យូរទៅក៏គង់តែមានរឿងចម្រូងចម្រាស ទាស់ពាក្យទាស់សម្តី តែអ្វីដែលសំខាន់គឺចេះផ្សះផ្សានិងទាញគ្រប់យ៉ាងឲ្យត្រលប់មកល្អប្រសើរវិញ ទើបអាចបន្តទៅមុខជាមួយគ្នារួច។
យ៉ាងណាសម្រាប់នារីៗ បើអ្នកសង្ស័យថា បុរសដែលអ្នកស្រលាញ់គេកំពុងមានចិត្តចង់បែក ឬចង់ដកចិត្តពីអ្នក អ្នកអាចចាំសង្កេតមើល ៣ ចំណុចនេះបើ បើគេបង្ហាញមកច្បាស់ណាស់អ្នកត្រូវត្រៀមចិត្តឲ្យហើយទៅ៖
៣) លែងផ្ញើសារសួរនាំ ពេលខ្លះមិនទាំងឆ្លើយតបសារ
ជាទូទៅនៅពេលមនុស្សប្រុសម្នាក់ស្រលាញ់អ្នក ដំបូងៗគឺគេរមែងផ្ញើសារសួរនាំឥតឈប់ តាំងពីព្រឹកដល់ព្រលប់។ តែបើពេលគេអស់ចិត្តហើយ មួយថ្ងៃ ២៤ ម៉ោង តែសារ ១ មិនឃើញលោតចូលទូរសព្ទអ្នកផង។
ពេលខ្លះអ្នកផ្ញើសារទៅគេ គេលែងទាំង Reply ទៀត ហើយហេតុផលរបស់គេ ប្រាកដជាលើកឡើងមកថា គេរវល់ គេភ្លេចមើល គេទុកទូរសព្ទចោល និយាយទៅសកម្មភាពរបស់គេជាមួយអ្នកលែងអើពើច្រើនដូចមុន។
២) លែងមានពេលសម្រាប់អ្នក
យូរទៅរកតែពេលមកជួបអ្នកលែងបាន តែបែរជាមានពេលផ្តល់ឲ្យមិត្តភ័ក្ដិ។ រហូតដល់ពេលមួយ គេហ៊ានទាំងទុកអ្នកចោល ហើយយកពេលទៅផឹកស៊ីសប្បាយជាមួយមិត្តភ័ក្ដិរបស់គេវិញ។
បើជួបបុរសប្រភេទហ្នឹងហើយ កុំព្យាយាមទៅតាមទ្រគេពេក ព្រោះទៅមុខអ្នកនឹងកាន់តែឈឺចាប់លើសដើម។
១) លែងចែករំលែករឿងឲ្យអ្នកដឹងលឺដូចមុន
ពីដំបូងវិញឲ្យតែមានរឿងរ៉ាវអីបន្តិច តែងតែលើកយកមកនិយាយ លើកមកពិភាក្សាហើយ តែពេលនេះគេលែងប្រាប់អ្នកដូចមុន គេចង់ធ្វើអី ជាសិទ្ធរបស់គេ ជាការសម្រេចចិត្តរបស់គេ ដោយពុំបានឆ្លងកាត់យោបល់របស់អ្នកទៀតឡើយ។
សញ្ញាទាំង ៣ ខាងលើនេះហើយបង្ហាញច្បាស់ៗថា គេហាក់នឿយហត់នូវការបន្តទំនាក់ទំនងស្នេហាជាមួយអ្នក ហើយបើអ្នកបន្តទៅមុខ គឺមានតែទឹកភ្នែក មានតែការរងនូវអារម្មណ៍ឈឺចាប់តែម្នាក់ឯងប៉ុណ្ណោះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
