តិចនិកទទួលទានបាយ ៣ ប្រភេទ មានប្រសិទ្ធភាពបំផុតសម្រាប់អ្នកចង់ស្រកទម្ងន់
ការទទួលទានបាយ គឺជាតម្រូវការចាំបាច់សម្រាប់ប្រជាជននៅតំបន់អាស៊ី ដែលវាជាអាហារប្រចាំថ្ងៃខ្វះពុំបាន។ ប៉ុន្តែការទទួលទានដែលមិនត្រឹមត្រូវ ក៏ជាដើមហេតុនាំឲ្យយើងឡើងទម្ងន់ ឬពិបាកក្នុងការសម្រកទម្ងន់ផងដែរ។
តាមការស្រាវជ្រាវពីគេហទំព័របរទេស យើងសូមចែករំលែកតិចនិក ៣ ក្នុងការទទួលទានបាយ ដែលមានប្រសិទ្ធភាពខ្ពស់សម្រាប់អ្នកចង់សម្រកទម្ងន់ ដែលគួរតែយកទៅអនុវត្តតាម៖
៣) ត្រូវជ្រើសរើសការទទួលទានអង្ករមិនទាន់កែច្នៃ
នៅលើទីផ្សារយើង គឺរមែងលក់នៅអង្ករដែលកែច្នៃជាផលិតផលសម្រេចហើយ ព្រោះវាអាចរក្សាទុកបានយូរ។
យ៉ាងណាតាមការណែនាំពីអ្នកជំនាញ អ្នកដែលចង់សម្រកទម្ងន់ទទួលបានផលលឿនបំផុត គួរជ្រើសរើសយកគ្រាប់ស្រូវដែលមិនទាន់កែច្នៃមកទទួលទាន ឬយើងនិយមស្គាល់ថា ជាអង្ករសម្រូប។ ប្រភេទគ្រាប់អង្ករនេះជួយឲ្យរាងកាយឆាប់ទទួលបានភាពឆ្អែតលឿនជាងអង្ករធម្មតា។
២) ទទួលទាននៅបរិមាណកំណត់ និងធ្វើសកម្មភាពក្រោយពេលទទួលទាន
វាជារឿងដែលត្រូវតែធ្វើ នៅពេលទទួលទាន អ្នកគួរកំណត់នៅបរិមាណសមស្របជាទម្លាប់ប្រចាំមួយ។ ល្អបំផុតគួរជ្រើសរើសបរិភោគដោយប្រើប្រាស់ចានជាមួយចង្កឹះ ជាជាងការប្រើប្រាស់ស្លាបព្រា ព្រោះការលំបាកនៃការចាប់គ្រាប់បាយដោយប្រើប្រាស់ចង្កឹះ នឹងទម្លាប់ឲ្យអ្នកមិនសូវបរិភោគច្រើនឡើយ។
មួយផ្សេងទៀតក្រោយបរិភោគរួច ចូរកុំទម្លាប់អង្គុយមួយកន្លែង អ្នកគួរធ្វើសកម្មភាពស្រាលៗមួយចំនួន ដូចជាការដើរទៅនេះទៅនោះ ការលើកដៃលើកជើង កុំស្ពឹកនៅមួយកន្លែងនាំឲ្យបាយដែលយើងទទួលទានទៅវារំលាយមិនបានល្អ ហើយឆាប់នាំឲ្យឡើងទម្ងន់។
១) កុំទទួលទានបាយយប់ ឬមុនចូលដំណេក
ព្រឹកនិងថ្ងៃ អ្នកអាចទទួលទានបាន តែពេលយប់គួរតែជៀសវាង ពោលគឺអាហារពេលល្ងាចតែម្តង។ អ្នកអាចជំនួសពីការទទួលទានបន្លែផ្លែឈើ តែត្រូវកាត់បន្ថយការទទួលទានបាយ ព្រោះវានឹងមិនរំលាយបានល្អនោះទេ ក្រោយអ្នកចូលដំណេក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
