ភាពស្ងៀមស្ងាត់របស់មនុស្សស្រី គឺមានន័យថា នាងកំពុងតែឈឺចាប់ខ្លាំងបំផុត ក៏ជាពេលដែលនាងបញ្ចប់ទំនាក់ទំនងស្នេហាផងដែរ
នៅក្នុងជីវិតស្នេហា និងជីវិតអាពាហ៍ពិពាហ៍ ប្រសិនបើថ្ងៃណាមួយនាងស្រាប់តែស្ងាត់ស្ងៀម ហើយមិនចង់ពិភាក្សាបញ្ហាអ្វីជាមួយនឹងដៃគូ វាក៏មានន័យថានាងចាត់ទុកដៃគូរបស់នាង ដូចជាអ្នកដទៃអ៊ីចឹង។
កុំគិតថានៅពេលដែលមនុស្សស្រីម្នាក់ខូចចិត្តក្នុងរឿងស្នេហា ឬជីវិតរៀបការ នាងនឹងបង្ហាញនូវសកម្មភាពអវិជ្ជមានដូចជាការយំ ការស្រែក ឬការនិយាយរៀបរាប់ពីការឈឺចាប់។
ផ្ទុយទៅវិញស្ត្រីភាគច្រើនដែលធ្លាក់ចូលក្នុងស្ថានភាពស្ងៀមស្ងាត់ ស្ងប់ស្ងៀមបំផុត ដែលគ្មាននរណាម្នាក់ អាចស្មានដឹងទេថា ក្នុងចិត្ត និងអារម្មណ៍របស់នាង កំពុងតែមានរឿងអ្វី?
១. ស្ត្រីស្ងៀមស្ងាត់ក្នុងអាពាហ៍ពិពាហ៍ ចិត្តនាងត្រជាក់ដូចជាទឹក
គេអាចនិយាយបានថាវាគឺជា "ភាពស្ងៀមស្ងាត់នៃភាពអស់សង្ឃឹម" ។ ភាពស្ងប់ស្ងាត់ក៏ជាលទ្ធផលនៃដំណើរការនៃក្តីសង្ឃឹមសម្រាប់មនុស្សស្រីម្នាក់ ដែលនឹងទទួលបានការខកចិត្តយ៉ាងខ្លាំង ចំពោះដៃគូរបស់នាង។
ដូច្នេះ ប្រសិនបើមនុស្សស្រីនាងចាប់ផ្ដើមស្ងៀមស្ងាត់ហើយនោះ វាក៏ជាសញ្ញាមួយ ដែលបង្ហាញពីផលលំបាក ដែលអ្នកមិនអាចស្រោចស្រង់ទំនាក់ទំនងឡើងវិញបានឡើយ។ កាលដែលនៅស្ងៀម ព្រោះមនុស្សស្រីដឹងថា ទោះបីនាងព្យាយាមយ៉ាងណាក៏ដោយ រាល់ការខិតខំរបស់នាងនឹងក្លាយជាគ្មានន័យ។
នៅក្នុងស្នេហានៅពេលដែលស្ត្រីមានភាពស្ងប់ស្ងាត់ ពួកគេមិនចង់និយាយច្រើនទេ នាងអាចនឹងចាកចេញដោយមិននិយាយអ្វីសូម្បីតែមួយម៉ាត់។ នៅក្នុងជីវិតអាពាហ៍ពិពាហ៍ ក្នុងគ្រួសារ នៅពេលដែលស្ត្រីនៅស្ងៀម ពួកគេមិនចង់និយាយអ្វី ដែលមានន័យថាពួកគេចាត់ទុកប្តី មិនខុសពីអ្នកដទៃនោះឡើយ។
ទោះជាយ៉ាងណាក៏ដោយ វាមិនមែនមួយយប់ទេ ដែលស្ត្រីដែលមានស្នេហាអាចផ្លាស់ប្តូរអាកប្បកិរិយារបស់នាងបានយ៉ាងឆាប់រហ័ស។ វាគឺជាការធ្វេសប្រហែស ភាពហួសហេតុរបស់បុរស ដែលជះឥទ្ធិពលលើពួកគេបន្តិចម្ដងៗ ពីមួយថ្ងៃទៅមួយថ្ងៃ ដូច្នេះហើយជំនឿលើសេចក្តីស្រឡាញ់ ការជឿទុកចិត្តលើអាពាហ៍ពិពាហ៍ និងគ្រួសាររបស់ស្ត្រីនឹងរសាត់ទៅតាមពេលវេលាដែរ។
២. ស្ត្រីដែលនិយាយច្រើន ក៏ជាពេលដែលនាងស្រលាញ់បំផុតដែរ
គេអាចមើលឃើញថា ភាពព្រងើយកន្តើយរបស់ស្វាមី ភាពស្ងប់ស្ងាត់ និងអាកប្បកិរិយាមិនគោរព បានធ្វើឱ្យស្ត្រីរងទុក្ខវេទនាជារៀងរាល់ថ្ងៃ។ ប្រហែលជានាងដូចជាមនុស្សគ្រប់គ្នាបានដឹង នាងនិយាយច្រើន យំច្រើន ហើយយំសោកខ្លាំង ប៉ុន្តែថ្ងៃណាមួយ បើដល់ពេលគ្រប់យ៉ាងឡើងដល់កំពូល នាងស្រាប់តែស្ងាត់ៗតែម្នាក់ឯង។
គ្មានអ្វីគួរឱ្យសោកស្តាយទេ ហើយស្ត្រីនឹងនៅស្ងៀមទាំងស្រុង ជូតទឹកភ្នែកក្រោកឡើងហើយចាប់ផ្តើមជីវិតរបស់នាងម្តងទៀត ដោយគ្មានវត្តមានអ្នកឡើយ។
ផ្ទុយទៅវិញ ស្ត្រីដែលនិយាយច្រើនក៏ជាពេលដែលនាងស្រលាញ់បំផុតដែរ នាងឱ្យតម្លៃបុរសក្នុងជីវិតរបស់នាងខ្លាំងបំផុត និងយកចិត្តទុកដាក់ដល់ដៃគូរបស់នាងខ្លាំងណាស់។ ដោយសារតែស្នេហា ដូច្នេះស្ត្រីតែងតែចង់ចែករំលែករាល់សេចក្តីអំណរ និងទុក្ខសោកក្នុងជីវិតជាមួយស្វាមី ហើយដោយសារតែពួកគេឱ្យតម្លៃដៃគូ ស្ត្រីនោះត្អូញត្អែរពីទម្លាប់អាក្រក់របស់ស្វាមី ដើម្បីឱ្យគាត់ផ្លាស់ប្តូរ និងកែខ្លួនឡើងវិញ។
អាចនិយាយបានថា ប្រសិនបើអ្នកត្រូវបានផ្គូរផ្គងជាមួយនារីប្រភេទនេះ ស្ត្រីអាចយំសម្រាប់អ្នក បុរសគួរតែអរគុណដល់ជីវិតកាន់តែច្រើន។ ដោយសារតែនាងយំព្រោះតែអ្នក នាងតែងតែរអ៊ូរទាំ និយាយច្រើននឹងអ្នក វាបញ្ជាក់ថា នាងនៅស្រឡាញ់អ្នក។
ដូច្នេះហើយ សូមកុំធ្វើឱ្យមនុស្សស្រីក្លាយជាមនុស្សដែលស្ងៀមស្ងាត់ឱ្យសោះ ព្រោះភាពស្ងៀមស្ងាត់របស់នាង គឺមានន័យថា ស្នេហា ឬជីវិតគូរបស់អ្នក បានឈានដល់ចំណុចបញ្ចប់ទៅហើយ៕
ប្រភព ៖ Bestie / ប្រែសម្រួល ៖ Knongsrok
ព័ត៌មានថ្មីៗ
