ជ្រើសរើសកាតមួយ ដើម្បីទទួលបានសារណែនាំដ៏ល្អបំផុតសម្រាប់ជីវិតអ្នកនៅពេលនេះ
ជីវិតរបស់មនុស្សយើងម្នាក់ៗ ពេលខ្លះកំពុងដើរនៅលើផ្លូវត្រង់ដែលគ្មានឧបសគ្គ តែសុខៗក៏ធ្លាក់ចូលក្នុងអន្លង់ដែលមិនធ្លាប់គិតទុក ហើយធ្វើឲ្យយើងមានអារម្មណ៍ថាឈឺចាប់និងត្រូវការជំនួយជាខ្លាំង។
តាមរយៈអត្ថបទនេះ សូមអ្នកធ្វើការជ្រើសរើសនូវកាតមួយសន្លឹក ដើម្បីទទួលបាននូវសារអប់រំចិត្តដែលអ្នកគួរតែទទួលបាននៅពេលដ៏តានតឹងនេះ៖
កាតទី ១
គ្រប់ពេលអ្នកត្រូវគ្រប់គ្រងខ្លួនឯងឲ្យបានល្អនៅការប្រើប្រាស់អារម្មណ៍ ការទប់កំហឹង ហើយត្រូវរក្សានៅជោគជ័យដែលធ្លាប់សម្រេចបាន និងបន្តការកោតសរសើរចំពោះខ្លួនឯងលើរឿងដែលបានឆ្លងកាត់។
ក្នុងពេលវេលានេះអ្នកត្រូវប្រុងប្រយ័ត្នឲ្យមែនទែននូវការសេពគប់មនុស្សជុំវិញខ្លួន មិនថាតែអ្នកជិតស្និទ្ធ ឬអ្នកឆ្ងាយខ្លួន ហើយត្រូវឈរលើគោលជំហរមើលតែមុខឲ្យបានឆ្ងាយ ជៀសវាងគិតខ្លីៗតែមួយពេលៗ។ គ្មានវាសនាណាមកកំណត់អ្នកនោះទេ ដោយបច្ចុប្បន្នកាលដែលអ្នកកំពុងធ្វើនេះហើយ ជាអ្នកកំណត់អនាគតកាលនៃព្រេងវាសនារបស់អ្នក។
កាតទី ២
អ្នកត្រូវស្វាហាប់ជាងនេះបន្តិច រឹងមាំជាងនេះបន្តិច ព្រោះមួយរយៈចុងក្រោយអ្នកហាក់ដូចជាអស់កម្លាំង និងទន់ខ្សោយបន្តិចហើយ។
ចូរពង្រឹងស្មារតីឲ្យបានល្អប្រសើរជាងនេះ ហើយមុនធ្វើការសម្រេចចិត្តអ្វីមួយត្រូវគិតឲ្យបានល្អិតល្អន់ និងឆ្លងកាត់ទាំងបេះដូងនិងខួរក្បាល។ បន្តប្រើកម្លាំងបញ្ញាមកថ្លឹងថ្លែងរឿងនោះ ហើយចូរបង្កើតតុល្យភាពនៃការសម្រេចចិត្តនោះ ឲ្យល្អចំពោះខ្លួនឯងនិងមនុស្សជុំវិញខ្លួន ធ្វើបែបណាកុំលះបង់សម្រាប់អ្នកដទៃខ្លាំងពេក។
កាតទី ៣
មនុស្សយើងម្នាក់ៗមុននឹងចង់ឲ្យអ្នកដទៃជួយយើង យើងត្រូវចេះរៀនជួយខ្លួនឯងជាមុនសិន។ មុនស្តាប់យោបល់អ្នកដទៃ ចូរបង្កើតយោបល់ណែនាំដល់ផ្លូវចិត្តរបស់ខ្លួនឯងជាមុនសិន។
យោបល់របស់អ្នកដទៃ គឺល្អហើយ តែផលដែលទទួលបាន គេមិនជាបារម្ភខ្លាំងដូចការដែលយើងគិតខ្លួនឯងផ្ទាល់នោះទេ។ បែបនេះចូរប្រើប្រាស់ពេលវេលានេះ ផ្តល់ដំបូន្មានសម្រាប់ខ្លួនឯងជាមុន សឹមទៅទទួលយកដំបូន្មានពីអ្នកដទៃ ហើយមកវិភាគថ្លឹងថ្លែងមើល ថាមួយណាល្អ មួយណាមិនល្អ និងគួរជៀសវាង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
