(Girl Notice) ស្រីៗមិនចាំបាច់សង្កេតច្រើនទេ បើមនុស្សប្រុសចេញសញ្ញា ៤ នេះស្មើនឹងគេស្រលាញ់អ្នកហើយ
ក្នុងទំនាក់ទំនងមនុស្សពីរនាក់ រវាងបុរសនិងស្រ្តី ពេលខ្លះអ្នកមិនច្បាស់នោះទេ ថារាល់ថ្ងៃជាអ្វីនឹងគ្នា គេគិតមកយើងបែបណា ត្រឹមជាអ្នកស្គាល់គ្នាធម្មតា ឬជាទំនាក់ទំនងពាក់កណ្តាលមិត្តពាក់កណ្តាលស្នេហា?
សម្រាប់មនុស្សស្រីដែលចង់សម្គាល់ថា បុរសម្នាក់នោះបានបាក់ចិត្តស្រលាញ់អ្នកឬអត់? គឺងាយទេ ដោយត្រឹមសង្កេតមើល ៤ ចំណុចដូចខាងក្រោមនេះ៖
៤) ព្យាយាមចូរមកក្បែរអ្នក
នៅពេលគេបាក់ចិត្តលើអ្នក គឺគ្រប់ពេលគេព្យាយាមចង់មកនៅក្បែរអ្នក ហើយចង់ជួបអ្នកឲ្យបានញឹកញាប់តាមដែលអាចធ្វើទៅបាន។
៣) ចេះមានការអៀនខ្មាស
អារម្មណ៍នៅពេលស្រលាញ់ គឺចាប់ផ្តើមចេះមានការអៀនខ្មាសបន្តិចហើយ បែបនេះនៅពេលអ្នកនិយាយអ្វីរាងស៊ីជម្រៅបន្តិច ឬមានកាយវិការផ្អែមល្ហែមណាបន្តិច គេប្រាកដជាចេញប្រតិកម្មអារម្មណ៍បែបអៀនខ្មាសមកភ្លាម។
២) គេនឹកអ្នក
ពេលខ្លះមិនចាំបាច់តែនិយាយថា ខ្ញុំនឹកអ្នក ទើបអ្នកដឹងថាគេនឹកអ្នកនោះទេ។ ត្រឹមតែគ្រប់សកម្មភាពរបស់គេ ឬលេសមួយចំនួនរបស់គេ ដែលគេព្យាយាមចង់បានជួបយើង ឬបាត់យើងយូរគេសួររក ហ្នឹងហើយគេនឹកយើងច្បាស់ណាស់។
១) ព្យាយាមធ្វើចរិតដែលអ្នកចូលចិត្ត
នៅពេលគេដឹងថា អ្នកចូលចិត្តមនុស្សប្រុសរបៀបណា គេនឹងព្យាយាមពង្រឹងឬផ្លាស់ប្តូរខ្លួនឯងសម្របទៅតាមចំណូលចិត្តរបស់អ្នក។ ជាងនេះនៅពេលគេដឹងថា អ្នកចូលចិត្តទទួលទានអី ចូលចិត្តទៅកន្លែងណា គ្រប់ការសម្រេចចិត្តនៅពេលជុំមិត្តភក្តិ ឬតែ ២ នាក់គេរមែងជ្រើសរើសចំណុចទាំងនោះជាអាទិភាពដើម្បីផ្គាប់ចិត្តអ្នកជាមិនខាន។
សរុបមកមានតែមនុស្សដែលស្រលាញ់អ្នក ឬលួចមើលឃើញអ្នកក្នុងចិត្តគេនោះទេ ទើបគេចេញសញ្ញាទាំង ៤ ដូចរៀបរាប់ខាងលើ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
