ជីវិតអ្នកកំពុងលំបាកណាស់មែនទេ? ជ្រើសរើសកាតមួយ ដើម្បីដឹងថាអ្នកគួរធ្វើអ្វីនៅពេលនេះ
ជីវិតរបស់យើង ពេលខ្លះធ្លាក់ក្នុងស្ថានភាពមួយដែលពិបាកនឹងសម្រេចថាគួរដើរទៅផ្លូវណា ធ្វើអ្វីទុកអ្វី ហើយម្តងៗសឹងតែលែងចង់បន្តទៅមុខទៀត និងត្រឹមចង់នៅស្ងប់ស្ងាត់តែម្នាក់ឯង។
យ៉ាងណាសុំក្រោកឈរបន្តទៅទៀត ហើយគួរតែសម្លឹងមើលនៅរឿងរ៉ាវជាច្រើនដែលយើងបានឆ្លងកាត់ ទម្រាំបានឈានមកដល់ចំណុចនេះ។ តាមរយៈការធ្វើតេស្ត យើងសូមឲ្យអ្នកជ្រើសរើសកាតមួយក្នុងចំណោមកាតទាំង ៣ ដើម្បីទទួលបានចម្លើយដូចខាងក្រោម៖
កាតទី ១
បញ្ហារបស់អ្នកត្រូវបានបាត់ចេញពីអារម្មណ៍របស់អ្នកនៅពេលឆាប់ៗខាងមុខនេះ សូមអ្នកធ្វើវាដោយកុំតក់ក្រហល់ខ្លាំងពេក ហើយទុកពេលសម្រាកសម្រាប់ខ្លួនឯងខ្លះផង។
រឿងខ្លះអ្នកមិនអាចបន្ថែមល្បឿនបានទេ ដោយវាត្រូវការពេលវេលាជាអ្នកកំណត់ដែរ បែបនេះត្រឹមតែធ្វើអ្វីដែលអាចធ្វើបាននៅពេលនេះឲ្យល្អបំផុត ហើយចុងក្រោយវានឹងក្លាយជារបស់អ្នក។ ការតស៊ូរបស់អ្នកកន្លងមក នឹងតបស្នងមកឲ្យអ្នកវិញនូវជោគជ័យ និងដំណោះស្រាយបញ្ហាដែលកំពុងជាប់គាំង។
កាតទី ២
ទ្វារបានបើករង់ចាំអ្នកហើយ គឺរង់ចាំតែអ្នកចាប់យកឱកាសមាសមួយនេះតែប៉ុណ្ណោះ។ អ្នកមិនត្រូវអស់សង្ឃឹមនោះទេ ចូរត្រដាងស្លាបដ៏ធំរបស់អ្នក ឆ្ពោះបន្តទៅមុខទៀត ហើយអមដោយឆន្ទៈនៃការខិតខំប្រឹងប្រែង ទោះសត្រូវមកពីខាងណា ក៏មិនអាចរារាំងអ្នកឲ្យឈានដល់ចំណុចខ្ពស់បំផុតនោះបានដែរ។
កាតទី ៣
ប្រសិនអ្នកចង់ទទួលបានជោគជ័យ កុំព្យាយាមធ្វើឲ្យមានការចាប់អារម្មណ៍ខ្លាំងពេកពីមនុស្សជុំវិញខ្លួន។ ធ្វើវាដោយល្មមៗ ហើយមានផែនការណ៍អ្វីត្រូវលាក់ទុកសិន កុំទាន់ប្រាប់គេទាំងអស់ បើអ្នកមិនទាន់បានបោះជំហានចេញច្បាំងផងនោះ។
ពេលខ្លះដោយសារការទម្លាយចេញនូវគ្រប់ផែនការណ៍អស់ហ្នឹងហើយ នាំឲ្យអ្នកប្រាប់តម្រុយទៅអ្នកខាងក្រៅ ដែលគេមិនសុទ្ធតែល្អជាមួយអ្នកទាំងអស់ទេ ហើយអ្នកខ្លះមិនបានធ្វើអ្វី ក៏គេចាំតែសើច និងមិនងាយសាទរអ្នកនោះដែរ។
ពេលនេះចូរអភិវឌ្ឍខ្លួនឯងដោយភាពស្ងាត់ស្ងៀម ហើយសឹមពេលបានផ្លែផ្កាធំ យើងបង្ហាញតាមក្រោយក៏មិនហួសពេលដែរ។
កាតទី ៤
អ្នកកំពុងជួបបញ្ហាហិរញ្ញវត្ថុនៅពេលនេះ មានរឿងជាប់គាំងមួយចំនួនដែលអ្នកដោះស្រាយពេលនេះមិនទាន់បាន ហើយក៏មិនច្បាស់ថាគួរដើរតាមផ្លូវណា។
សារមួយចង់ណែនាំទៅអ្នក ត្រូវស្គាល់ពីខ្លួនឯងឲ្យច្បាស់ កុំវង្វេងខ្លួនឯង ហើយកុំឲ្យពាក្យអ្នកដទៃអូសទាញអ្នកបានឲ្យសោះ។ អ្វីដែលអ្នកបានព្យាយាមកន្លងមក ចូរបន្តវាទៀត ទោះពេលនេះលំបាកបន្តិច តែពេលឆាប់ៗខាងមុខ នឹងមានភ្លើងខៀវ ភ្លើងជោគជ័យបញ្ឆេះមកក្នុងជីវិតអ្នកវិញហើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
