ស្ទើតែមិនគួរឲ្យជឿ ថាលោកជា ស្រួច អតីតតារាសម្តែង និង កីឡាករប្រដាល់ធ្លាក់ខ្លួនដល់ថ្នាក់នេះ
ប្រិយមិត្តមួយចំនួនធំប្រាកដជាបានស្គាល់ហើយ ព្រោះអតីតកាលរបស់លោក ជា ស្រួច គាត់គឺជាកីឡាករ ប្រដាល់ដែលមានឈ្មោះបោះសម្លេងមួយរូប រហូតដល់អ្នកដឹកនាំសម្តែងជ្រើសរើសគាត់ មកសម្តែងជាតួអង្គឯកក្នុងបទ បេះដូងអ្នកប្រដាល់ របស់ លោក ខេមរៈ សិរីមន្ត។
លោក ជា ស្រួច បានចាកចេញពីរង្វង់សិល្បៈ និង បោះបង់អាជីពជាអ្នកប្រដាល់របស់ខ្លួនចោល ព្រមទាំងចាកចេញពីក្រុងភ្នំពេញទាំងភាពឈឺចាប់បំផុតដែលពិបាកនឹងបរិយាយ ក្រោយពេលត្រូវបានបែបបាក់គ្នាជាមួយអតីតភរិយារបស់លោក ដែលលោកស្រលាញ់អស់ពីបេះដូង។
តាំងពីអ្នកប្រដាល់លំដាប់ប្រទេស ធ្លាក់ខ្លួនជាងកម្មករសំណង់ រសាត់អណ្តែតមកដល់ខេត្តរតនគិរី ឥលូវគាត់ស្ទើរតែគ្មានបាយហូប សុំផ្ទះគេជ្រក នៅភូមិជ្រៃសង្កាត់យក្សឡោម។
ពេលនេះផងដែរ លោក ជា ស្រួច គឺកំពុងស្ថិតនៅក្នុងគ្រាដែលពិបាកខ្លាំង ដែលមនុស្សគ្រប់គ្នានឹកស្មានមិនដល់ ដោយសារបច្ចុប្បន្ន លោកមានជំងឺប្រចាំកាយ ព្រមទាំងភរិយាទើបតែសម្រាលកូនទៀត។
ខ្សែជីវិតរបស់មនុស្សយើងពិតជាមើលមិនឃើញពិតមែន ជួនក៏ឡើង ជួនក៏ធ្លាក់ចុះ ហើយការសម្រេចចិត្តក៏ដូចគ្នា ពេលយើងសម្រេចចិត្តត្រូវជីវិតរបស់យើងនិងស្រស់បំព្រង តែបើសម្រេចចិត្តខុសវិញ ជីវិតនឹងធ្លាក់ដល់សូន្យស្ទើតែហៅមិឮតែម្តង។
អត្ថបទ៖ Mr. Fun Cambodia
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
