ជ្រើសរើសនិមិត្តសញ្ញាមួយ ដើម្បីដឹងថាតើក្តីសុខពិតរបស់អ្នកកើតចេញពីណា?
តើភាពរីករាយឬក្តីសុខពិតប្រាកដរបស់អ្នក កើតឡើងទៅបានដោយរបៀបណា? តាមរយៈការជ្រើសរើសនិមិត្តសញ្ញានាំសំណាងខាងលើ ចម្លើយរបស់អ្នកនឹងអាចលាតត្រដាងការពិតដូចខាងក្រោម៖
១) កាក់
សុភមង្គលរបស់អ្នកកើតចេញពីខ្លួនអ្នកផ្ទាល់នោះឯង បើអ្នកមិនព្យាយាមបង្កើតវា មិនឲ្យតម្លៃទៅលើជីវិតរស់នៅនាពេលបច្ចុប្បន្ន នោះអ្នកក៏មិនអាចទទួលវាមកបានដែរ។
មធ្យោបាយពិតប្រាកដដើម្បីបង្កើតភាពរីករាយ នោះគឺបញ្ឈប់ការមើលឃើញនូវភាពអវិជ្ជមានក្នុងជីវិត ដោយសម្លឹងពីភាពវិជ្ជមានឲ្យបានច្រើន ហើយចូរលើកទឹកចិត្តនិងសាទរចំពោះអ្វីដែលខ្លួនឯងធ្លាប់បានឆ្លងកាត់និងសម្រេចកន្លងមក។
២) ស្លឹកឈើបួនសន្លឹក
ជាប្រភេទស្លឹកឈើកម្រ ដែលមានស្លឹក ៤ ហើយវាបង្ហាញថាអ្នកជាមនុស្សម្នាក់ ដែលមិនសូវចេះស្រមៃច្រើន និងចេះចាប់យកឱកាសដែលមាននឹងមុខនោះទេ។ ក្តីសុខរបស់អ្នកគឺនៅត្រង់ចន្លោះប្រហោងនៃជីវិតហ្នឹងហើយ ពេលខ្លះមានឱកាស មានពេលវេលាល្អដែលគេផ្តល់ឲ្យ តែអ្នកបែរជាមិនចាប់យក។
កុំបារម្ភឬគិតអំពីផលលំបាកច្រើនពេក រហូតដល់លែងហ៊ានសាកល្បងរបស់ថ្មី សាកល្បងរបស់ដែលអាចបង្កើតក្តីសុខដល់អ្នក។ បន្ថែមពីនេះចូរឆ្លៀតពេល ធ្វើដំណើរកម្សាន្តជាកាដូសម្រាប់ខ្លួនឯងខ្លះផង ព្រោះមួយរយៈនេះអ្នកហត់ច្រើនហើយ។
៣) ទ្រនាប់ជើងសេះដែក
ព្យាយាមធ្វើឲ្យមនុស្សញញឹម និងរីករាយ នោះហើយជាក្តីសុខពិតប្រាកដរបស់អ្នក។ បើទោះបីជាឧបសគ្គធំប៉ុណ្ណា ក៏ត្រូវដើរទៅមុខទាំងស្នាមញញឹម ហើយថ្ងៃមួយអ្នកនឹងឃើញមនុស្សដែលល្អនឹងអ្នកពិតប្រាកដ គេមកហុចដៃជួយលើកអ្នកឡើង ទង្វើហ្នឹងហើយជាភាពរីករាយក្នុងជីវិតពិតប្រាកដ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
