ជ្រើសរើសប្រភេទបង្អួចមួយ អាចទាយដឹងច្បាស់ៗពីបុគ្គលលក្ខណៈរបស់អ្នក
តាមរយៈរូបភាពបង្អួចដូចបង្ហាញទាំង ៤ ចូរអ្នកសូមធ្វើការជ្រើសរើសយកមួយ ដើម្បីលាតត្រដាងនូវអត្តចរិតនិងបុគ្គលលក្ខណៈរបស់អ្នកពីកំណើត៖
បង្អួចទី ១
អ្នកជាមនុស្សដែលប្រើប្រាស់អារម្មណ៍បែបរ៉ូមែនទិក ហើយពេលខ្លះការស្រមើស្រមៃរបស់អ្នក អាចធ្វើឲ្យអ្នកសប្បាយតែឯងនៅរយៈពេលខ្លី។ ជាទូទៅដៃគូស្នេហារបស់អ្នកមិនងាយនឹងធុញទ្រាន់នឹងអ្នកឡើយ ព្រោះអ្នកតែងតែបង្កើតអារម្មណ៍ល្អៗដល់គេ និងធ្វើរឿងភ្ញាក់ផ្អើលបែបមនោសញ្ចេតនាជាបន្តបន្ទាប់។
បង្អួចទី ២
អ្នកជាមនុស្សដែលស្រលាញ់គ្រួសារជាងអ្វីៗទាំងអស់ រហូតដល់ពេលខ្លះសឹងតែលះបង់អ្វីដែលខ្លួនមាន ឲ្យតែសមាជិកគ្រួសារមានក្តីសុខ។ គ្មានអ្វីដែលធ្វើឲ្យអ្នករីករាយ ជាងភាពស្ងប់ស្ងាត់និងសន្តិភាពនៅខាងក្នុងផ្ទះនោះទេ អ្នកចង់បានគ្រួសារមួយដែលមិនចេះទាស់ពាក្យទាស់សម្តីច្រើន ហើយបើបានក្លាយជាឪពុកឬម្តាយ អ្នកគឺជាអាណាព្យាបាលដ៏ល្អបំផុត ដែលជនដទៃចង់យកគំរូតាម។
បង្អួចទី ៣
អ្នកជាមនុស្សឯករាជ្យ ដែលធ្វើអ្វីដោយឯកឯង មិនចង់មានគ្នាមកចូលរួមច្រើនឡើយ។ មិនថាតែដំណើរកម្សាន្តក៏ចូលចិត្តភាពស្ងាត់ស្ងៀម ហើយបើអាចចង់ទៅតែម្នាក់ឯងទៀតផង។ នៅក្នុងការងារវិញ បើការងារនោះអ្នកធ្វើតែឯងបាន គឺមិនចង់ឲ្យមានអ្នកផ្សេងមកលូកដៃជួយឡើយ យ៉ាងណាវាស៊ីសងលើស្ថានភាពជាក់ស្តែងដែរ។
បង្អួចទី ៤
អ្នកមានទំនោរទៅរកសហគ្រិនភាព ដោយតាំងពីចំណុចចាប់ផ្តើមក្រោយបញ្ចប់ការសិក្សា អ្នករមែងចង់មានអាជីវកម្ម ជាងការចាប់ផ្តើមបម្រើការងារនៅតាមស្ថាប័ន។
ដូចគ្នានេះផងដែរអ្នកមានទំនោរ ដោយមិនបង្ហាញអារម្មណ៍ស្រលាញ់ ឬចូលចិត្តទៅកាន់មនុស្សណាម្នាក់ចំៗឬខ្លាំងពេកនោះទេ។ ប្រសិនអ្នកមានមិត្តភក្តិ គឺពួកគេរមែងចូលចិត្តនិងកោតសរសើរអ្នក ព្រោះបានឃើញរឿងល្អៗដែលអ្នកបានធ្វើ ហើយយោបល់របស់អ្នកតែងត្រូវបានគេឲ្យតម្លៃនិងយកទៅអនុវត្តតាម៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
