ជ្រើសរើសកាំជ្រួចមួយ ដើម្បីទម្លាយនូវរឿងដែលអ្នកអាចនឹងជួបនៅពេលឆាប់ៗនេះ
ជីវិតតែងតែថ្មី លាយឡំនឹងអាថ៌កំបាំងដែលយើងមិនអាចដឹងទុកមុនកើតឡើងជារៀងរាល់ថ្ងៃ។ រឿងខ្លះក៏ល្អ រឿងខ្លះក៏មិនល្អ តែពុំមានន័យថាយើងត្រូវតែបោះបង់ត្រឹមហ្នឹងនោះដែរ។
តាមរយៈការធ្វើតេស្តបែបវិទ្យាសាស្រ្តមួយនេះ សូមអ្នកជ្រើសរើសរូបភាពកាំជ្រួចមួយ ដើម្បីទម្លាយឲ្យដឹងនូវរឿងរ៉ាវដែលអាចនឹងកើតឡើងក្នុងជីវិតអ្នកនៅពេលដ៏ខ្លីខាងមុខ៖
កាំជ្រួចទី ១
ឆាប់ៗនេះអ្នកនឹងកត់សម្គាល់ឃើញថា ផែនការណ៍រយៈពេលយូររបស់អ្នក នឹងចាប់ផ្តើមចេញផលជាបណ្តើរៗ ដោយផែនការណ៍នេះអ្នកបានហែលកាត់ខិតខំជាមួយវាយូរណាស់មកហើយ ហត់នឿយខ្លាំងណាស់ហើយ។
យ៉ាងណាបើទោះបានផ្លែផ្កាបន្តិចហើយក៏ដោយ តែសុំកុំបញ្ឈប់ត្រឹមប៉ុណ្ណឹង ចូរបន្តប្រើប្រាស់មហិច្ឆតាដែលអ្នកមាន ហើយដើរទៅមុខបន្តទៀត។ មានតែអ្នកខ្លួនឯងទេ ដឹងច្បាស់ពីវិធីធ្វើឲ្យខ្លួនឯងសប្បាយរីករាយ និងឈានទៅដល់ចំណុចជោគជ័យពិតប្រាកដ។
កាំជ្រួចទី ២
របស់ជាច្រើននៅក្នុងជីវិតយើងនេះ មិនស្ថិតស្ថេរជារៀងរហូតឡើយ។ វាពុំមែនជាការបាត់បង់អ្វីដែលធំបំផុតនោះទេ ប៉ុន្តែរបស់ប្រើប្រាស់មួយចំនួនរបស់អ្នកនៅពេលខាងមុខ អាចនឹងត្រូវខូចខាត ឬខូចទ្រង់ទ្រាយផ្អែកទៅតាមអាយុកាលដែលអ្នកបានប្រើប្រាស់វា។
យ៉ាងណាសូមណែនាំឲ្យអ្នកកុំចំណាយលើសលប់ពេកទៅលើសម្ភារៈនិយមដែលមិនចាំបាច់ រាប់បញ្ចូលទាំងរបស់របរបច្ចេកវិទ្យាមួយចំនួន ដែលពុំមែនជាតម្រូវការសំខាន់ផ្ទាល់ខ្លួនអ្នក។ សារលើកទឹកចិត្តមួយ "របស់ខ្លះក្នុងលោក មិនអាចយកលុយទៅទិញបាននោះទេ ជាពិសេសគឺ ស្នាមញញឹម មិនសុទ្ធតែលុយអាចទិញបានគ្រប់ពេលឡើយ"៕
កាំជ្រួចទី ៣
ចូរអ្នកបន្ថែមភាពជឿជាក់លើខ្លួនឯង ព្រោះឆាប់ៗខាងមុខនេះនឹងមានឱកាសល្អមួយចូលមកក្នុងជីវិតរបស់អ្នក។
បើអ្នកមានភាពស្ទាក់ស្ទើរ មិនជឿជាក់លើខ្លួនឯង របស់នោះវាប្រឈមនឹងអាចបាត់បង់ ហើយវាក៏មិនចេះតែមករហូតនោះដែរ។
កាំជ្រួចទី ៤
អ្នកនឹងទទួលបានការគាំទ្រពីមនុស្សជាទីស្រលាញ់របស់អ្នក ហើយអ្នកសក្តិសមនឹងទទួលបានវា ព្រោះអ្នកបានលះបង់ច្រើនណាស់មកហើយសម្រាប់គេ រហូតដល់ពេលកន្លងមក ជួនខ្លះសឹងតែភ្លេចគិតពីខ្លួនឯង។
នៅពេលខាងមុខ មិនថាជួបរឿងលំបាក ឬរឿងថ្មីបែបណាក៏ដោយ អ្នកនឹងមានការគាំទ្រជុំវិញខ្លួនជានិច្ច ហើយរមែងមានមនុស្សល្អចាំជួយ មិនឲ្យអ្នកដើរតែម្នាក់ឯងនោះទេ។ ក្តីស្រលាញ់និងការយោគយល់ ប្រាកដជានឹងកើតមានសម្រាប់អ្នក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
