ធុងសំរាមក្នុងផ្ទះហាមផ្តាច់ដាក់បែរទៅទិស ២ នេះ ព្រោះនាំឲ្យគ្រួសារបែកបាក់ និងខ្សត់ទ្រព្យ
ធុងសំរាមជារបស់ដែលមិនអាចខ្វះបាននៅក្នុងផ្ទះរបស់មនុស្សម្នាក់ៗ ប៉ុន្តែការកំណត់ទីតាំងដាក់ធុងសំរាមក៏ជារឿងសំខាន់មួយដែរ បើផ្អែកតាមក្បួនច្បាប់ហុងស៊ុយ។ ដោយឡែក ៤ ទីតាំងខាងក្រោមនេះអ្នកត្រូវតែជៀសឲ្យបាន៖
៤) ហាមបែរមុខទៅទិសពាយព្យ
ការដែលដាក់ធុងសំរាមបែរមុខទៅទិសពាយព្យ គឺស្មើនឹងប្រឆាំងទ្រព្យ ប្រឆាំងកេរឈ្មោះរបស់ម្ចាស់ផ្ទះ។ ធុងសំរាមមិនមែនជារបស់នាំលាភនោះទេ បែបនេះបើដាក់របស់ស្អុយ របស់រលួយបាញ់ទៅទិសពាយព្យ ដែលជាទិសត្រូវនាំលាភនាំលុយ នោះស្មើនឹងអ្នកបំផ្លាញលាភសំណាងខ្លួនឯងហើយ។
រាល់ការធ្វើការងារអ្វីក៏ពិបាកនឹងឡើងតំណែង ហើយការប្រកបអាជីវកម្មដាក់ទៅរមែងខាត និងមិនសូវបានផលចំណេញស្រួលឡើយ។
៣) ហាមបែរមុខទៅទិសឦសាន
ទិសនេះជាទិសតំណាងឲ្យភាពសុខដុមរមនាក្នុងគ្រួសារ និងសេចក្តីស្រលាញ់នៃគ្រួសារទាំងមូល។ បែរម្ចាស់ផ្ទះដាក់ធុងសំរាមបែរមុខទៅទិសឦសាន ស្មើនឹងកំពុងបំផ្លាញក្តីសុខក្នុងគ្រួសារខ្លួនឯងហើយ។
ជាញឹកញយអ្នកនឹងឧស្សាហ៍ជួបប្រទះបញ្ហាទាស់ពាក្យទាស់សម្តី ជាមួយភរិយាស្វាមី និងសមាជិកគ្រួសារផ្សេងៗ ហើយអាចឈានដល់ការបែកបាក់ ដោយសារមានអ្នកទីបីចូលមករំខានទៀតផង។
២) ហាមដាក់ក្នុងបន្ទប់ទទួលភ្ញៀវ
បន្ទប់ទទួលភ្ញៀវជាបន្ទប់ដែលគេតំណាងឲ្យកន្លែងប្រមូលលាភពីខាងក្រៅចូលមកក្នុងផ្ទះ ហើយអ្នកមិនត្រូវដាក់ធុងសំរាមនៅទីតាំងនេះឡើយ។ ក្រៅពីក្បួនហុងស៊ុយដែលអ្នកគួរតែអនុវត្តតាម អ្នកក៏គួរគិតដល់ផ្នែកសុខភាព ដែលវាអាចប៉ះពាល់ដូចគ្នា។
១) ហាមដាក់នៅជាប់តុការិយាល័យ
តុការិយាល័យជាតុដែលអ្នកប្រើប្រាស់ពាក់ព័ន្ធនឹងអាជីព ឬអាជីវកម្មរបស់អ្នក។ បែបនេះមិនគួរមានរបស់មិនល្អ នៅក្បែរតុនេះឡើយ។ ប្រសិនបើមានអាចប្រើបានសម្រាប់ការចោលក្រដាសឯកសារនានា តែហាមផ្តាច់ការចោលនំចំណីឬអាហារស្អុយទៅក្នុងនោះ ព្រោះវានាំឲ្យបាត់ទ្រព្យ និងងាយស្អុយកេរ្តិ៍ឈ្មោះខ្លាំងណាស់។
ត្រូវដាក់ធុងសំរាមនៅទីណា?
អ្នកអាចដាក់នៅខាងក្រៅផ្ទះ តែកុំជាប់មាត់ទ្វារធំនៃផ្ទះ ដោយអាចដាក់នៅខាងក្រៅរបងអ្វីជាដើម។ ជាងនេះត្រូវដាក់វាបែរទៅទិសខាងអាគ្នេយ៍ ហើយជៀសវាងដាច់ខាតទិសពាយព្យ និងឦសានដូចបញ្ជាក់ពីខាងលើ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
