តិចនិក ៤ នេះ ឪពុកម្ដាយអាចអនុវត្តបាន ត្រឹមតែប៉ុន្មាននាទីធានាកូនតូចនឹងគេងលក់ស្កប់ស្កល់
ការដែលបំពេឲ្យទារក ឬកូនតូចៗគេងលក់ គឺមិនមែនជារឿងងាយស្រួលនោះទេសម្រាប់ម្តាយឪពុក។ ដោយពេលខ្លះក្មេងរពឹស ពួកគេមិនចង់គេង ហើយចូលចិត្តលេងច្រើន និងពេលខ្លះយំរករឿងមិនព្រមទទួលការគេងគ្រប់គ្រាន់ទាល់តែសោះ។
មកអានអត្ថបទនេះគឺត្រូវហើយ សម្រាប់អាណាព្យាបាលដែលចង់ប្រើប្រាស់តិចនិកងាយៗជួយឲ្យក្មេងគេងលក់លឿនហើយស្កប់ស្កល់ អាចសាកល្បងវិធីទាំង ៤ ដូចខាងក្រោម៖
១) ព្យាយាមធ្វើឲ្យក្មេងផ្តោតតែលើរបស់មួយ
នេះជាតិចនិកដំបូង ដែលជាទូទៅក្មេងៗគឺច្រើនតែរពឹសហើយភ្នែករបស់ពួកគេគឺក្រវែលមើលរបស់ជុំវិញខ្លួនឥតឈប់។ បែបនេះប្រសិនអ្នកអាចព្យាយាមទាញឲ្យក្មេងនោះចាប់អារម្មណ៍តែលើរបស់ម្យ៉ាងឬរបស់ណាមួយ ហើយភ្នែករបស់ពួកគេផ្តោតតែលើរបស់នោះ ត្រឹមតែប៉ុន្មាននាទីភ្នែករបស់ពួកគេនឹងចាប់ផ្តើមស្រទន់ ហើយមានអារម្មណ៍ថាហត់នឿយចង់បិទភ្នែកសម្រាក។
២) យកដៃទៅបាំងមុខរបស់ពួកគេយឺតៗនិងថ្នមៗ
តិចនិកទីពីរ គឺអ្នកត្រូវផ្តើមយកដៃទៅបក់ចុះឡើងថ្នមៗ យឺតៗ ដោយមិនឲ្យប៉ះចំផ្ទៃមុខរបស់ពួកគេ ហើយសាកល្បងធ្វើបែបនេះពីរទៅបីដៃនោះពួកគេនឹងងងុយគេងហើយ។
៣) បីគ្រវីថ្នមៗឲ្យពួកគេគេង
តិចនិកបន្ទាប់គឺបីពួកគេថ្នមៗ ហើយគ្រវីដូចជាការរំយោលថ្នមៗ។ ដោយយើងត្រូវយកទារកមកដាក់នៅលើដៃទាំងសងខាង ហើយដៃរបស់អ្នកស្ថិតនៅក្រោមគូថរបស់ទារក និងចាប់ផ្តើមរំយោលថ្នមៗ ដែលនេះនឹងនាំឲ្យអារម្មណ៍របស់គេដូចទទួលបានការសណ្តំ ហើយងាយនឹងឆាប់ងងុយខ្លាំងណាស់។
៤) អនុវត្តវិធីទាំងបីបញ្ចូលគ្នា
បើអ្នកបានអាន ៣ ចំណុចខាងលើហើយ ចង់ទទួលបានផលរហ័សបំផុត គឺអនុវត្តវិធីទាំង ៣ ជាបន្តបន្ទាប់ នោះក៏បន្ថែមនឹងល្បឿនឲ្យពួកគេងងុយគេងលឿនផងដែរ។ ត្រូវចាំថា ក្មេងៗឬទារកត្រូវទទួលបានការគេងឲ្យបានគ្រប់គ្រាន់ ព្រោះនោះគឺជាវ័យដែលពួកគេត្រូវពង្រឹងប្រព័ន្ធប្រសាទឲ្យដំណើរការបានល្អ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
