អ្នកឧស្សាហ៍ភ្លេចភ្លាំង ការចងចាំមិនសូវល្អ ត្រូវទម្លាប់ងាកមកទទួលទានអាហារ ១០ ប្រភេទនេះ
និយាយដល់ការប្រលង គឺសំដៅដល់ពេលវេលាដែលអ្នកត្រូវប្រើប្រាស់ខួរក្បាលខ្លាំងបំផុត ហើយអ្វីដែលសំខាន់គឺទាមទារការចងចាំនិងការគិតខ្ពស់។
យ៉ាងណាមិនសុទ្ធតែមនុស្សគ្រប់គ្នាកើតមកមានដំណើរការប្រព័ន្ធប្រសាទ និងខួរក្បាលល្អទាំងអស់នោះទេ ខ្លះក៏ត្រូវការរបស់ជំនួយ ដើម្បីឲ្យការចងចាំមានប្រសិទ្ធភាពជាងមុន និងបំប៉នដល់ការគិតឲ្យមានភាពរហ័ស។
ខាងក្រោម Knongsrok បង្ហាញអាហារទាំង ១០ ប្រភេទដែលល្អចំពោះខួរក្បាល ជាពិសេសសម្រាប់អ្នកត្រៀមប្រលង និងអ្នកដែលត្រូវការគិតច្រើន៖
១០) សូកូឡាខ្មៅ
នៅក្នុងសូកូឡាខ្មៅ ក៏មានលាយឡំនៅជាតិកាហ្វេអ៊ីនផងដែរ ដោយវាល្អចំពោះខួរក្បាល ជួយឲ្យខួរក្បាលងើបឡើងនិងមានភាពរហ័ស ហើយល្អបំផុតចំពោះអ្នកចូលចិត្តស្មិងស្មាធិ៍អារម្មណ៍លើការអាន។
៩) នំប៉័ងស្រូវសាលីទាំងមូល
ប្រភេទនំប៉័ងស្រូវសាលី គឺមានផ្តល់នូវថាមពលដល់រាងកាយ ហើយជាងនេះវាក៏មានសារធាតុចិញ្ចឹមដែលអាចបម្លែងទៅជាម្សៅម្យ៉ាង ដែលជួយបំបាត់ភាពទ្រមក់ ពោលគឺជួយឲ្យអ្នកមានការផ្តោតអារម្មណ៍បានល្អ។
៨) ប្រភេទគ្រាប់ធញ្ញជាតិ
ប្រភេទគ្រាប់ធញ្ញជាតិផ្សេងៗ ដែលមានសារធាតុចិញ្ចឹមចាំបាច់សម្រាប់ជួយពង្រឹងដំណើរការនៅប្រព័ន្ធប្រសាទ។ ជាពិសេសសារធាតុប្រូតេអ៊ីនខាងក្នុងនោះ ក៏ជួយឲ្យរាងកាយមានថាមពលល្អផងដែរ។
៧) គ្រាប់ល្ពៅ
គ្រាប់ល្ពៅគឺអាចជួយបំប៉នខួរក្បាល ព្រោះវាមានផ្ទុកសារធាតុចិញ្ចឹមដូចជាជាតិដែក ដែលមានតួនាទីលើកម្ពស់ដល់ការយល់ដឹងនិងការគិត។
៦) ផ្លែប៉ោម
ផ្លែប៉ោមគឺជាផ្លែឈើមួយប្រភេទដែលមានផ្ទុកសារធាតុ Neurotransmitter ដែលគេហៅថា អាស៊ីតអាសេទិក អាចជួយឲ្យកោសិកាខួរក្បាលភ្ញាក់។ វាក៏ធ្វើឲ្យប្រសើរឡើងវិញនូវការចងចាំ សម្រាប់ការសិក្សានិងជំនាញនានាផងដែរ។
៥) ស៊ុតស្ងោរ
ស៊ុតស្ងោរគឺជាអាហារដែលជួយបំប៉នខួរក្បាលបានល្អបំផុត ជាពិសេសនៅតំបន់ស៊ុតលឿង ដែលមានផ្ទុកវីតាមីន B និង Choline ជាសារធាតុបង្កើតប្រព័ន្ធបញ្ជូនសរសៃប្រសាទល្អបំផុតសម្រាប់ខួរក្បាល ពាក់ព័ន្ធនឹងការចងចាំនិងទំនាក់ទំនងប្រសាទ។
៤) ត្រី
ត្រីសមុទ្រដូចជា ត្រីសាម៉ុងជាដើម គឺមានផ្ទុកអាស៊ីតខ្លាញ់ Omega-3 ដែលវាជាសារធាតុចិញ្ចឹមខួរក្បាល និងសរសៃប្រសាទ ហើយវាក៏មានផ្ទុកអាស៊ីត DHA ដែលល្អសម្រាប់ការចងចាំរបស់យើង។
៣) ទឹកដោះគោ
ទឹកដោះគោមានប្រូតេអ៊ីននិងអាស៊ីតអាមីណូ ដែលល្អចំពោះមុខងាររបស់ខួរក្បាល ដូច្នេះកំឡុងពេលកៀកប្រលង អ្នកគួរទទួលទានវា ១ កែវរៀងរាល់ថ្ងៃ ដោយល្អបំផុតការជ្រើសរើសទឹកដោះគោសុទ្ធ ដើម្បីបន្ថែមប្រសិទ្ធភាព។
២) យ៉ាអួរ
យ៉ាអួរ ឬគ្នាយើងខ្លះហៅថា ទឹកដោះគោជូរ គឺជាមានប្រូតេអ៊ីនខ្ពស់ដូចគ្នា និងមានថាមពលចំពោះរាងកាយ។ វាក៏ជួយឲ្យខួរក្បាលស្រស់ថ្លា និងបំបាត់ភាពងងុយគេង។
១) អង្ករសំរូប
អង្ករសំរូបមានផ្ទុកនូវវីតាមីនដែលខួរក្បាលត្រូវការបំផុត ដោយវាមានផ្ទុកនូវសារធាតុចិញ្ចឹមដែលមានប្រយោជន៍ខ្ពស់សម្រាប់ដំណើរការប្រព័ន្ធប្រសាទ ជួយឲ្យការចងចាំមានភាពល្អប្រសើរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
