ជ្រើសរើសទ្វារមួយ ដើម្បីស៊ីជម្រៅថាតើអ្នកកំពុងមានរឿងអ្វីលាក់ទុកក្នុងចិត្ត
ការជ្រើសរើសពណ៌នៃទ្វារដែលអ្នកចង់បើកដើម្បីទទួលបានសារក្នុងអត្ថបទនេះ ក៏អាចលាតត្រដាងច្បាស់នូវអារម្មណ៍ដែលអ្នកកំពុងលាក់ទុកផងដែរ។ រវាងទ្វារទាំង ៤ តើអ្នកសម្រេចជ្រើសរើសយកទ្វារណាមួយ?
ទ្វារពណ៌ខៀវ
ទ្វារពណ៌ខៀវ គឺតំណាងនៅភាពខ្មៅងងឹតដែលអ្នកនៅតែចងចាំទុកក្នុងចិត្ត ហើយពេលខ្លះបានបណ្តាលឲ្យអ្នកខូចអារម្មណ៍ និងគេងមិនសូវលក់ស្កប់ស្កល់។ ក្នុងរឿងរ៉ាវនេះ អ្នកគួរតែសម្រេចចិត្តរៀនកាត់ចិត្តពីវាទៅ ហើយរៀនបំភ្លេចវាចោលតាមដែលអាចធ្វើទៅបាន។
ទ្វារពណ៌លឿងចាស់
វាក៏តំណាងនៅការចងចាំមួយដែរ ប៉ុន្តែជាការចងចាំបែបវិជ្ជមាន។ ជាក់ស្ដែងដូចជាការបានជួបមនុស្សណាម្នាក់ ស្នាមញញឹមរបស់នរណាម្នាក់ ដែលអ្នកមិនអាចបំភ្លេចបាន ហើយវាជាការចងចាំដ៏ល្អនៅក្នុងអត្ថន័យនៃពណ៌លឿងមួយនេះ។
ទ្វារពណ៌បៃតង
អ្នកកំពុងលាក់បាំងភាពសោកសៅក្នុងខ្លួន ហើយកំហុសពីអតីតកាលមួយចំនួនបានបន្តលងបន្លាចអ្នកមកទល់បច្ចុប្បន្ន។ អ្នកត្រូវចាំថា គ្មាននរណាដែលមិនចេះខុសនោះទេ ចូរកុំមានវិប្បដិសារីចំពោះខ្លួនឯងពេកអី ហើយចូរយកកំហុសនោះមករាប់ជាបទពិសោធន៍ និងកែប្រែទៅថ្ងៃមុខវិញល្អជាង។
ទ្វារពណ៌ក្រហម
ប្រសិនអ្នកបានជ្រើសរើសនូវទ្វារពណ៌ក្រហមនេះ គឺមានន័យថា អ្នកជាមនុស្សរឹងមាំ និងមានការគិតវិជ្ជមានល្អៗច្រើនក្នុងជីវិត។ អារម្មណ៍ដែលអ្នកកំពុងលាក់ទុកពេលនេះ ពុំមែនជារឿងអាក្រក់អ្វីនោះទេ ផ្ទុយទៅវិញវាជាភាពរីករាយ ដែលរឿងខ្លះមិនទាន់ចង់បង្ហាញទៅមជ្ឈដ្ឋានខាងក្រៅ និងខ្លះជាចំណង់ចំណូលចិត្តដែលដឹងលឺតែម្នាក់ឯង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
