ជ្រើសរើសស្លាបបក្សីមួយ ដើម្បីទទួលបានសារណែនាំដ៏ល្អបំផុតសម្រាប់ជីវិតអ្នក
ក្នុងរូបភាពនៃស្លាបបក្សីទាំង ៣ ខាងលើនេះ តើអ្នកពេញចិត្តរូបភាពណាមួយជាងគេ? តាមរយៈការជ្រើសរើសមួយរបស់អ្នក នឹងអាចទទួលបានសារណែនាំដ៏ល្អបំផុតសម្រាប់ជីវិត៖
ស្លាបបក្សីទី ១
ដោយសារតែភាពភ័យខ្លាចរបស់អ្នក ជារឿយៗបានបំផ្លាញនូវឱកាសល្អជាច្រើន និងពេលវេលារីករាយដែលគួរតែមានជាច្រើនលើកច្រើនសារ។
ជាងនេះឱកាសនៃការអភិវឌ្ឍខ្លួននានា ក៏ត្រូវបានរសាត់បាត់ទៅ ដោយសារតែអ្នកចេះតែខ្លាចនេះ ខ្លាចនោះ ខ្លាចថាខ្លួនឯងធ្វើមិនបាន ខ្លាចថាត្រូវមាត់អ្នកដទៃ តាមពិតអ្នកត្រូវចាំថា គ្មាននរណាដែលចេះគ្រប់យ៉ាងនោះទេ ហើយគ្មានបុគ្គលជោគជ័យណាដែលមិនធ្លាប់ឆ្លងកាត់ការស្តីបន្ទោសនោះដែរ ចូរកុំភ្លេច ហើយប្រឈមនឹងវាទើបជារឿងល្អ។
ស្លាបបក្សីទី ២
ពេលខ្លះដោយសារអារម្មណ៍របស់អ្នកគិតខ្លាំងពេក ចេះតែឃាត់ឃាំងមិនឲ្យនរណាម្នាក់ធ្វើបែបនេះ ធ្វើបែបនោះ រហូតដល់គេមានអារម្មណ៍នឿយណាយនឹងអ្នក។
ជាសារណែនាំបើទោះបីអ្នកចង់ឃើញគេល្អ ឃើញគេបានសុខ ប៉ុន្តែក្នុងស្ថានភាពខ្លះអ្នកត្រូវតែបើកចិត្តឲ្យទូលាយ ដើម្បីអនុញ្ញាតឲ្យគេមានការសម្រេចចិត្តដោយខ្លួនឯង និងរៀនមានទំនួលខុសត្រូវចំពោះខ្លួនឯងខ្លះ។ ហើយមនុស្សគឺខុសគ្នារឿងខ្លះ អ្នកគិតថាពិបាកនិងមិនគួរធ្វើ តែធាតុពិតសម្រាប់គេគឺជារឿងដែលគេស្រលាញ់គេចង់បាន គេគិតថាអាចអនុវត្តទៅបាន បែបនេះគួរតែអនុញ្ញាតដោយស្នាមញញឹម និងកុំមានភាពតឹងតែងពេក។
ស្លាបបក្សទី ៣
អ្នកជាមនុស្សមានទេពកោសល្យ មានសមត្ថភាពហើយ តែអ្នកមិនទាន់បានបង្ហាញវា រហូតដល់ពេលខ្លះឱកាសដែលគេចង់ផ្តល់ឲ្យក៏ត្រូវអ្នកផ្សេងមកកាត់មុខប្រជែងយកវាទៅបាត់។
អ្នកត្រូវចាំថា ទេពកោសល្យដែលមានអ្នកត្រូវចេះពីរបៀបប្រើប្រាស់វាឲ្យចំគោលដៅ ឲ្យបានក្លាយជាផ្លែផ្កា ជាជាងទុកចោល។ កិច្ចប្រាស្រ័យទាក់ទងអ្នកគួរតែទម្លាប់ចាប់ផ្តើមខ្លះ ព្រោះមនុស្សទោះមានសមត្ថភាពប៉ុណ្ណា បើមិនទៅរត់រកគេខ្លះ ក៏ពិបាកនឹងឲ្យគេមករកយើងវិញដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
