ជ្រើសរើសរូបភាពថ្ងៃរះមួយ ដែលវាជាពន្លឺបង្ហាញថានឹងមានអ្វីកើតឡើងលើជីវិតអ្នកនៅពេលខាងមុខ
នៅក្នុងរូបភាពថ្ងៃរះទាំង ៦ ដូចបង្ហាញខាងលើ តើអ្នកពេញចិត្តរូបភាពណាមួយជាងគេ? ពន្លឺព្រះអាទិត្យដែលរះចេញមក គឺជាពន្លឺដែលនឹងបង្ហាញថាអ្វីត្រៀមកើតឡើងក្នុងជីវិតរបស់អ្នកនៅពេលខាងមុខ៖
ថ្ងៃរះទី ១
ការពិតដែលអ្នកបានជ្រើសរើសរូបភាពទី ១ នេះ អាចបង្ហាញថា អ្នកកំពុងត្រូវការសេរីភាព ដោយចង់ដកខ្លួនចេញពីភាពនឿយហត់ ភាពអ៊ូអរក្នុងទីក្រុងមួយរយៈ។ អ្នកមានអារម្មណ៍ចង់ទៅរកកន្លែងស្ងប់ស្ងាត់មួយរយៈ ដើម្បីប៉ះប៉ូវសន្តិភាពផ្លូវចិត្ត។
បើមិនមានការរាំងស្ទះអ្វីទេ អ្នកអាចនឹងទៅធ្វើដំណើរកម្សាន្តនៅកន្លែងណាមួយក្នុងពេលឆាប់ៗនេះ។
ថ្ងៃរះទី ២
ជីវិតរបស់អ្នកនឹងមានការផ្លាស់ប្តូរដ៏ធំមួយ ដែលវារង់ចាំរយៈពេលយូរមកហើយ ទើបនឹងសម្រេចមកត្រៀមកើតឡើងនៅពេលដ៏ខ្លីខាងមុខ។ ការផ្លាស់ប្តូរនោះ មានទាំងភាពវិជ្ជមាន និងអវិជ្ជមាន ហើយខ្លះក៏ជារឿងភ្ញាក់ផ្អើលសម្រាប់ជីវិតឯកជនរបស់អ្នកផងដែរ។ បើជួបរឿងល្អ ក៏កុំភ្លេចទាញយកឱកាសនោះកែច្នៃជីវិតឲ្យបានល្អប្រសើរច្រើនផង។
ថ្ងៃរះទី ៣
អ្នកជាមនុស្សសុទិដ្ឋិនិយម រមែងមើលឃើញភាពវិជ្ជមានច្រើននៅក្នុងជីវិត។ អនាគតរបស់អ្នកនៅពេលខាងមុខ គឺនឹងមានពន្លឺឆ្វាត់ឆ្វែងដ៏ល្អមួយចូលមក ចូរបន្តស្រូបយកថាមពលវិជ្ជមានសម្រាប់ជីវិតបន្តទៅទៀត។
ថ្ងៃរះទី ៤
នៅប៉ុន្មានថ្ងៃបន្ទាប់នេះ អ្នកត្រូវព្យាយាមអូសទាញខ្លួនឯងឲ្យរត់ចេញពីអន្ទាក់នៃជីវិត ដែលអ្នកកំពុងជាប់គាំង និងកំពុងលងបន្លាចខ្លួនឯង ហើយប្តូរមកវិញនៅជីវិតថ្មី ដោយចាប់ផ្តើមពីមួយជំហានម្តង។ ពេលវេលាល្អបំផុតនៃការចាប់ផ្តើម អ្នកអាចធ្វើវាបានចាប់ពីពេលនេះទៅក៏ល្អដែរ។
បើទោះបីត្រូវផ្លាស់ប្តូរគន្លងដើរ ក៏ត្រូវចាំថា នរណាខ្លះធ្លាប់បានជួយយើង ហើយត្រូវរីករាយនូវអ្វីដែលធ្លាប់ឆ្លងកាត់និងសម្រេចបានកន្លងមក។
ថ្ងៃរះទី ៥
អ្នកជាមនុស្សដែលមានការគិតធំទូលាយ និងបើកចំហគំនិតជានិច្ច។ អ្នកតែងតែត្រៀមខ្លួនរួចរាល់ដើម្បីទទួលយកការប្រកួតប្រជែងថ្មី។
នៅពេលខាងមុខនេះ នឹងមានក្តីស្រមៃមួយដែលអ្នកធ្លាប់គិតធ្លាប់ចង់បាន ឈានចូលមកដល់ ហើយចូរប្រើប្រាស់ភាពជាខ្លួនឯងទៅឈោងយកវាឲ្យបាន និងចាំថាត្រូវចេះបត់បែនតាមកាលៈទេសៈផង។
ថ្ងៃរះទី ៦
អ្នកជាមនុស្សដែលរមែងមានភាពរីករាយ និងទទួលបានការស្រលាញ់រាប់អានពីមនុស្សជុំវិញខ្លួន។ រឿងសំខាន់បំផុតសម្រាប់អ្នក គឺត្រូវបន្តភាពជាខ្លួនឯង ហើយរីករាយបែបហ្នឹងបន្តទៅទៀត។
នៅរយៈពេល ៣០ ថ្ងៃបន្ទាប់ អ្នកនឹងត្រូវបានរារាំងពីការចាប់ផ្តើមផែនការណ៍ថ្មីណាមួយនោះទេ មិនថាតែការជួបមនុស្ស បង្កើតទំនាក់ទំនងថ្មីណាមួយ ក៏ជាពេលវេលាល្អបំផុតដែលអ្នកអាចធ្វើទៅបាន ហើយមនុស្សដែលអ្នកនឹងជួប ក៏ជាមនុស្សល្អសម្រាប់ជីវិតអ្នកផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
