ជ្រើសរើសសត្វទីទុយមួយ ដើម្បីលាតត្រដាងនូវនិស្ស័យពីកំណើតរបស់អ្នក
តាមរយៈរូបភាពដ៏សាមញ្ញមួយនេះ សូមអ្នកធ្វើការជ្រើសរើសមួយ ដោយវានឹងអាចបង្ហាញនូវចំណុចជាច្រើនអំពីអ្នក។ ក្រោយជ្រើសរើសហើយ សូមផ្ទៀងផ្ទាត់ចម្លើយដូចខាងក្រោម៖
សត្វទីទុយទី ១
អ្នកជាមនុស្សដែលមានភាពរឹងមាំ ហើយអាចយកឈ្នះឬជម្នះបញ្ហាណាមួយដោយមានភាពងាយស្រួលជាងអ្នកដទៃ។ សំបកក្រៅមើលទៅមិនជាខ្លាំងទេ តែការពិតអ្នកជាមនុស្សល្អិតល្អន់ខ្លាំងណាស់ ហើយធ្វើការងារអ្វីគឺរមែងចង់បានលទ្ធផលល្អឥតខ្ចោះ។
បើទោះបីជាពេលខ្លះអ្នកមានការបាក់ទឹកចិត្ត តែអ្នកតែងតែអាចដាស់តឿនខ្លួនឯងឲ្យបន្តទៅមុខទៀតរហូតដល់អាចសម្រេចនូវគោលដៅ។
សត្វទីទុយទី ២
សមត្ថភាពក្នុងការអភិវឌ្ឍខ្លួនឯង គឺជាចំណុចខ្លាំងមួយរបស់អ្នក ដោយមិនចាំបាច់មាននរណាមកប្រាប់ មកណែនាំអ្នកច្រើននោះទេ តែខ្លួនឯងបង្រៀនខ្លួនឯង ខ្លួនឯងជំរុញខ្លួនគឺជាអំណោយទានដែលធម្មជាតិផ្តល់ឲ្យ។
អ្នកជាមនុស្សស្ងៀមស្ងាត់មិនសូវចូលចិត្តមានគ្នាច្រើនទេ យ៉ាងណាបើក្នុងទំនាក់ទំនងស្នេហា ពេលមានដៃគូហើយ ម្នាក់នោះគឺរមែងយល់ពីអ្នកខ្លាំងណាស់ ហើយរាល់ការសម្រេចចិត្តរបស់អ្នក គេច្រើនតែឯកភាពនិងនៅចាំលើកទឹកចិត្តអ្នកពីក្រោយ។
សត្វទីទុយទី ៣
អ្នកពូកែលើផ្នែកទំនាក់ទំនងជាមួយសហគ្រិនភាព ហើយអាចយល់ច្បាស់ពីផែនការណ៍និងគម្រោងផ្សេងៗដោយងាយនិងរហ័ស។
អ្នកជាមនុស្សដែលមិនសូវចូលចិត្តនៅទំនេរដៃនោះទេ ដោយចូលចិត្តធ្វើឲ្យខ្លួនឯងសកម្មនឹងអ្វីមួយ ប៉ុន្តែពេលខ្លះខំខ្លាំងពេក រហូតដល់ភ្លេចគោលដៅច្បាស់លាស់របស់ខ្លួនឯង នាំឲ្យពេលខ្លះរាងវង្វេងផ្លូវបន្តិចបន្តួចដែរ ពោលមិនដឹងថាខ្លួនឯងកំពុងធ្វើអ្វី។
សត្វទីទុយទី ៤
ជាមនុស្សដែលមានភាពច្នៃប្រឌិតខ្ពស់ ហើយរមែងមានស្នាមញញឹមជាប់លើមុខ ដោយចូលចិត្តធ្វើឲ្យមនុស្សជុំវិញខ្លួនរីករាយ។
ចំណុចមួយដែលអ្នករាងចន្លោះប្រហោង គឺការជឿជាក់លើខ្លួនឯង ហើយរហូតដល់អ្នកជោគជ័យលើរឿងអ្វីមួយទើបគិតថាខ្លួនឯងពិតជាធ្វើបានល្អ ប៉ុន្តែបើរាប់ពីចំណុចចាប់ផ្តើមច្រើនតែមិនសូវឲ្យតម្លៃខ្លួនឯងខ្ពស់នោះទេ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
