ជ្រើសរើសរមូរសំបុត្រមួយ ដើម្បីដឹងនូវអ្វីដែលកំពុងរង់ចាំអ្នកនៅពេលដ៏ខ្លីខាងមុខ
ជីវិតគឺមិនអាចទាយទុកមុនបាននោះទេ ជារឿយៗយើងបានជួបរឿងដែលមិនបានរំពឹងទុកជាច្រើន មិនថាតែរឿងល្អនិងរឿងអាក្រក់ ហើយវាគឺជាអ្វីដែលព្រេងវាសនាបានកំណត់ឲ្យ ពោលអ្នកមិនអាចរត់គេចនោះឡើយ។
តើអ្នកនឹងអាចជួបរឿងអ្វីនៅពេលដ៏ខ្លីខាងមុខ? តាមរយៈការតេស្តបែបវិទ្យាសាស្រ្តមួយនេះ ត្រឹមឲ្យអ្នកជ្រើសរើសរមូរសំបុត្រមួយ ដើម្បីបើកមើលសារដូចខាងក្រោម៖
រមូរសំបុត្រទី ១
ពេលវេលាបានមកដល់ហើយ អ្នកមានគម្រោងនិងផែនការណ៍ជាច្រើនដែលអ្នកតែងតែបោះបង់ ដោយគិតថាវាមិនទាន់ដល់ពេលដែលគួរតែចាប់ផ្តើម។ អ្នកតែងតែលេចពាក្យលេសមកថា "ខ្ញុំមិនទាន់ត្រៀមខ្លួនរួចរាល់" “ខ្ញុំគ្មានលុយគ្រប់គ្រាន់" “ពេលនេះមិនមែនជាពេលរបស់ខ្ញុំ" បើនៅតែបែបហ្នឹង កន្លងទៅមួយខែ មួយឆ្នាំរឿងនោះយូរទៅក៏ត្រូវបានបំភ្លេច។
សារណែនាំដ៏ល្អសម្រាប់អ្នក រឿងអ្វីដែលអ្នកចង់ធ្វើ បើគិតល្អិតល្អន់ហើយ នេះគឺជាពេលវេលាដ៏សក្តិសមបំផុតសម្រាប់អ្នកក្នុងការចាប់ផ្តើម។ ដោយអ្នកនៅក្មេងនៅឡើយ បើទោះបីផែនការណ៍នេះមិនអំណោយផលក៏អ្នកបានទទួលបទពិសោធន៍ ដើម្បីស្តារភាពក្លាហានទៅជម្នះរឿងខាងមុខ ហើយមានអត្រាជោគជ័យខ្ពស់តែម្តង។
រមូរសំបុត្រទី ២
បន្តធ្វើសកម្មភាព ដោយភាពជឿជាក់ ជីវិតគឺដូចជាការសិក្សានៅសាលារៀនអ៊ីចឹង ដោយមានមេរៀនថ្មីជាច្រើនដែលបង្រៀនអ្នក ហើយឲ្យអ្នកធ្វើការសាកល្បង។ ឥឡូវនេះគឺជាពេលវេលាដែលអ្នកមិនត្រូវស្ទាក់ស្ទើរទៀតនោះទេ ហើយចូរពាំនាំភាពជឿជាក់ទៅជាមួយខ្លួនឯងឲ្យបានច្រើន។
ជាសារណែនាំដ៏ល្អ សុំអ្នកកុំបោះបង់អ្វីដោយងាយ ចូរងើបឈរបន្តទៅមុខទៀត កុំចុះចាញ់នឹងព្រេងវាសនា ព្រោះរឿងល្អៗកំពុងរង់ចាំអ្នក គ្រាន់តែវាមិនទាន់មកដល់។
រមូរសំបុត្រទី ៣
ចាំថាគ្រប់យ៉ាងនឹងល្អប្រសើរឡើងណា! រំលងទៅមួយថ្ងៃ មួយសប្ដាហ៍ ភាពអួអាប់និងការកើតទុក្ខទាំងអំបាលម៉ាននឹងត្រូវរសាត់បាត់ទៅ។
អ្នកត្រូវចាំថា គ្រប់យ៉ាងវាត្រូវការពេលវេលា មិនថាតែក្នុងកិច្ចការងារអ្វី អាជីវកម្មអ្វី ក៏ទាមទារពេលវេលាបន្ទាប់ពីការខិតខំប្រឹងប្រែង។ អ្នកមិនអាចគិតចង់បានអ្វី បាននៅនឹងមុខត្រឹមមួយពព្រិចភ្នែកនោះទេ។
ជាសារណែនាំដ៏ល្អ ចូរខិតខំប្រឹងប្រែងឈរលើគោលដៅរួមបន្តទៅទៀត រឿងល្អៗនឹងឈានចូលមកដល់ក្នុងជីវិតអ្នក ហើយដរាបណាថ្ងៃស្អែកព្រះអាទិត្យនៅតែរះ អ្នកត្រូវតែមានក្តីសង្ឃឹម៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
