ស្រីៗត្រូវដឹង បើជួបមនុស្សប្រុស ៤ ប្រភេទនេះ ទោះស្អាតទោះមានប៉ុណ្ណាក៏កុំបាក់ចិត្តលើគេអី
ការជ្រើសរើសយកបុរសណាម្នាក់មកធ្វើជាគូស្នេហ៍ មិនជារឿងងាយនោះទេ ដោយត្រូវទាមទារពេលវេលាយូរ ដើម្បីយល់ពីចិត្តគេ ដឹងថាគេជាមនុស្សប្រភេទណា អាចចាប់ដៃវិនិយោគលើវិថីស្នេហាជាមួយអ្នកបានយូរឬអត់។
ដើម្បីជៀសវាងជ្រើសរើសបុរសខុស សម្រាប់នារីៗគួរតែអានអត្ថបទនេះ ហើយបញ្ចៀសឲ្យបាននៅប្រភេទមនុស្សប្រុស ៤ បែបនេះ ដើម្បីកុំឲ្យខាតទឹកភ្នែក ខាតអារម្មណ៍ទៅឲ្យគេឥតអំពើ៖
៤) គ្មានផែនការណ៍ជីវិតច្បាស់លាស់
បើខ្លួនគេរៀបចំជីវិតខ្លួនគេមិនទាន់ចេញផង ឲ្យគេមកក្លាយជាទីពឹងផ្អែកសម្រាប់អ្នកបានដោយរបៀបណា? ទំនាក់ទំនងយូរអង្វែង គឺអ្នកត្រូវការមនុស្សប្រុសម្នាក់ដែលមានផែនការណ៍ជីវិតទៅថ្ងៃអនាគតច្បាស់លាស់ ហើយបើទោះបីជាមិនមានទ្រព្យស្តុកស្តមដូចគេ តែឲ្យតែច្បាស់លាស់ពីគោលដៅ កុំឲ្យចិត្តរេដូចខ្យល់ ចង់នេះបន្តិច ចង់នោះបន្តិច បែបនេះមិនជាជម្រើសដ៏ល្អនោះឡើយ។
៣) ស្រលាញ់គ្នាមើលឃើញផលប្រយោជន៍
អ្នកខ្លះរមែងសម្លឹងឃើញផលប្រយោជន៍ពីអ្នក ពេលខ្លះឃើញអ្នកមានជំនួញក្នុងដៃ ឃើញអ្នកមានលុយចាយវាយច្រើន ចង់មកតោងអ្នកកៀបយកទ្រព្យទាំងនោះពីអ្នក។ ប្រភេទមនុស្សបែបហ្នឹងអាត្មានិយមបំផុត បើដឹងលឺហើយ កុំទៅចំណាយពេលជាមួយគេ ដោយសូម្បីតែថ្ងៃ Date ដំបូង។
២) មិនគោរពមនុស្សស្រី
អ្នកខ្លះស្គាល់គ្នាមិនបានប៉ុន្មានផង ហ៊ានប៉ះលើប៉ះក្រោម ហើយបើសម្តីវិញនិយាយគំរោះគំរើយ មិនគោរពឲ្យតម្លៃដល់ស្រ្តី។ បុរសដែលល្អពិតប្រាកដ ការនិយាយស្តីរបស់គេគឺមានក្បាលមានកន្ទុយ និងចេះយល់ពីអារម្មណ៍អ្នកបំផុត។
១) មនុស្សប្រុសចិត្តរេ
មិនថាអ្នកល្អប៉ុណ្ណា មុននិងក្រោយគេគង់តែបោកប្រាស់អារម្មណ៍អ្នក ហើយទៅរកអ្នកផ្សេងទៀតជាក់ជាមិនខាន។ បែបនេះមុនដាក់ចិត្តស្រលាញ់នរណាម្នាក់ ត្រូវមើលប្រវត្តិគេឲ្យបានច្បាស់ ហើយចំណាយពេលសិក្សាពីគេសិន កុំអាងអីឃើញគេស្អាត ឃើញគេមាន ឆាប់បាក់អារម្មណ៍ឲ្យគេនោះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
