កំហុសឆ្គងដ៏ធំទាំង៦ ដែលធ្វើឱ្យដៃគូបាត់បង់ជំនឿចិត្ត និងសេចក្ដីអំណត់បន្តក្នុងទំនាក់ទំនងស្នេហា
ការស្រឡាញ់ ពេលខ្លះវាងាយស្រួល ប៉ុន្តែការរក្សាទំនាក់ទំនងឱ្យរឹងមាំមិនមែនជារឿងដែលងាយស្រួលឡើយ។ មិនថាមនោសញ្ចេតនារបស់គូស្នេហ៍មានភាពងប់ងល់យ៉ាងណាក៏ដោយ ប៉ុន្តែប្រសិនបើអ្នកហ៊ានតែបណ្ដោយ ឱ្យមានការធ្វើខុសក្នុងរឿងទាំងនេះ វានឹងនាំឱ្យមានសេចក្តីស្នេហាឆាប់ថ្នាំងថ្នាក់ មនោសញ្ចេតនា ការស្រឡាញ់ ប្រាកដជាត្រូវរលុប ឬរសាយបន្តិចម្ដងៗមិនខានឡើយ។
១. ការនិយាយកុហកជាលើកដំបូង
ការនិយាយកុហក គឺជារឿងមួយក្នុងចំណោមបញ្ហាផ្សេងៗទៀតដែលនឹងកើតឡើង។ ប៉ុន្តែនៅតែមានគូស្វាមីភរិយាជាច្រើននិយាយកុហកគ្នាដោយសារមូលហេតុផ្សេងៗគ្នា មូលហេតុមួយក្នុងចំណោមហេតុផលទូទៅបំផុត គឺបង្កើតចំណាប់អារម្មណ៍ ឬផ្គាប់ចិត្តដៃគូ។ នេះងាយស្រួលយល់ ប៉ុន្តែបន្ទាប់មកជាអ្វី? កុហកព្រោះរឿងអ្វី វាប្រាកដជាមានការកើតឡើងម្ដងហើយម្ដងទៀត ចំណែកឯហេតុផល វាប្រាកដជាកាន់តែធ្ងន់ធ្ងរឡើងមិនខាន។ ហើយបន្ទាប់មកនៅពេលសេចក្តីពិតចេញមក ភាគីម្ខាងទៀតប្រាកដជាបាត់បង់ការទុកចិត្តលើអ្នក ហើយទំនាក់ទំនងនឹងត្រូវបញ្ចប់។
ការជឿទុកចិត្ត គឺជាកត្តាសំខាន់ក្នុងទំនាក់ទំនងរបស់គូស្នេហ៍គ្រប់រូប។ គិតមើលទៅប្រសិនបើគ្រឹះដំបូងមិនរឹងមាំហើយ តើអ្នកអាចរក្សាទំនាក់ទំនងនោះឱ្យរឹងមាំបានយ៉ាងដូចម្តេច? ម្ជុលក្នុងកាបូបនឹងចេញមកនៅថ្ងៃណាមួយ កុំព្យាយាមលាក់បាំងអ្វីទាំងអស់ ព្រោះនៅពេលដែលអ្វីៗបែកបាក់ វានឹងមានគម្លាតរវាងអ្នកទាំងពីរ។ ពីទីនោះស្នេហានឹងតែងតែមានការមិនទុកចិត្តគ្នា ធ្វើឱ្យអារម្មណ៍ទាំងពីរហាក់ស្រងាកពីគ្នា។ ការភ្នាល់ល្អបំផុតរបស់អ្នក គឺចែករំលែកអ្វីគ្រប់យ៉ាងដែលអ្នកគិតដោយស្មោះត្រង់ រួមទាំងអារម្មណ៍ឈឺចាប់ និងកំហឹងជាមួយមនុស្សផ្សេងទៀត។ ការស្មោះត្រង់ក្នុងសេចក្តីស្រឡាញ់ គឺជារបស់ដែលមានតម្លៃបំផុតសម្រាប់ទំនាក់ទំនងស្នេហា។
២. ច្បាប់វិន័យតឹងតែងពេក
មានកំហុសធ្ងន់ធ្ងរជាច្រើនដែលគូស្វាមីភរិយាធ្វើ ទាក់ទងនឹងការប្រាស្រ័យទាក់ទងគ្នា។ រឿងអាក្រក់បំផុតមួយគឺការរិះគន់និ ងទទួលការរិះគន់។ អ្នកត្រូវរៀនទទួលយកយោបល់ណាដែលគួរឱ្យធុញទ្រាន់ ដោយមិនធ្វើឱ្យឈឺចាប់ទេ ដរាបណាភាគីម្ខាងទៀតផ្តល់យោបល់វិជ្ជមាន និងស្ថាបនាអ្នក។ តែយ៉ាងណា មិនត្រូវប្រកាន់ខ្ជាប់នូវវិន័យតឹងតែងជ្រុលនិយមខ្លាំងពេក រហូតដល់ធ្វើឱ្យម្ខាងទៀតមានអារម្មណ៍ថាមានគំនាប ឬមានសម្ពាធឡើយ។
៣. មិនដឹងពីរបៀបស្តាប់
នេះអាស្រ័យលើថា តើអ្នកជាអ្នកទំនាក់ទំនងល្អឬអត់? អ្នកទំនាក់ទំនងល្អ នឹងដឹងពីរបៀបស្តាប់ច្រើនជាងអ្វីដែលអ្នកត្រូវនិយាយ។ មនុស្សម្នាក់ៗមានភាសាស្នេហាខុសៗគ្នា អ្នកត្រូវយល់ថា ប្រសិនបើដៃគូរបស់អ្នកគឺជាមនុស្សដែលទុកចិត្ត ឬជាមិត្តភក្តិដ៏ល្អរបស់អ្នក បំណងប្រាថ្នាខាងអារម្មណ៍មិនតែងតែបង្ហាញទេ ដូច្នេះអ្នកដែលពូកែស្តាប់នឹងយល់គ្នាកាន់តែច្បាស់។ តើអ្នកដឹងទេថា ការយល់ដឹងក៏ជាទម្រង់នៃសេចក្តីស្រឡាញ់ដែរឬទេ?
៤. ផ្លាស់ប្តូរខ្លួនឯងសម្រាប់មនុស្សដែលអ្នកស្រលាញ់
អ្នកអាចផ្លាស់ប្តូរបន្តិចបន្តួចអំពីរូបរាងរបស់អ្នក ឬទម្លាប់ផ្ទាល់ខ្លួន ... ចាប់តាំងពីការណាត់ជួបជាមួយម្នាក់នោះ ប៉ុន្តែអ្នកត្រូវរក្សាបុគ្គលិកលក្ខណៈផ្ទាល់ខ្លួនជាប់ជានិច្ច។ វាជាការខុសក្នុងការលាក់បាំងភាពពិតប្រាកដ ហើយធ្វើការផ្លាស់ប្តូរទាំងស្រុងដើម្បីផ្គាប់ចិត្តដៃគូ រហូតធ្វើឱ្យខ្លួនឯងលែងមានភាពជាខ្លួនឯង។ ការដែលអ្នកព្យាយាមផ្លាស់ប្ដូរខ្លួនឯងទាំងស្រុង វាក៏ស្មើនឹងអ្នកកំពុងតែព្យាយាមកុហក និងលាក់បាំងម្ខាងទៀតដូចគ្នាុ។
៥. អនុញ្ញាតឱ្យមានការលើកលែងជានិច្ច
មនុស្សជាច្រើនដឹងថា សង្សារគឺជាមនុស្សដែលពូកែរអាក់រអួល ឬនៅពេលពួកគេដឹងថាគាត់កំពុងលួច ឬទាក់ទង មានទំនាក់ទំនងខាងក្រៅ។ មិនថាអ្នកជានរណាក៏ដោយ អ្នកសមនឹងទទួលបានសេចក្តីស្រឡាញ់ និងការគោរព ព្រមនឹងភាពស្មោះត្រង់។ នៅពេលដែលអ្នកអនុញ្ញាតឱ្យមានករណីលើកលែងនៅក្នុងទំនាក់ទំនងរបស់អ្នក អ្នកក៏ពុងផ្តល់ឱកាសឱ្យអតីតអ្នកលេងសើចជាមួយអារម្មណ៍របស់អ្នក ហើយគេនឹងក្បត់អ្នកម្ដងហើយម្ដងទៀតមិនខាន។
៦. ព្យាយាមលើក និងនិយាយពីតម្លៃរបស់ខ្លួនខ្លាំងពេក
អ្នកមានតម្លៃគ្រប់គ្រាន់ អ្នកខ្លួនឯងក៏ដឹងខ្លួនឯងច្បាស់ណាស់ហើយ ដូច្នេះ ប្រសិនបើអ្នកចេះតែលើកនិយាយពីគុណសម្បត្តិរបស់អ្នកប្រាប់ដៃគូខ្លាំងពេក ឧទាហរណ៍ដូចជា អ្នកតែងលើក ឬរំឭកពីអ្វីដែលខ្លួនបានធ្វើដើម្បីគេ បែបនេះ ឬបែបនោះ " ចំណុចនេះហើយ ដែលធ្វើឱ្យម្ខាងទៀត នឹងកើតមានអារម្មណ៍ធុញទ្រាន់ ជាមួយនឹងការលើកអួត ឬអំនួតនឹងគុណសម្បត្តិរបស់អ្នក។ សូមចាំថា មនុស្សស្រឡាញ់គ្នា គេដឹងពេកហើយថា ដៃគូរបស់ខ្លួនបានធ្វើអ្វីខ្លះដើម្បីគេ មានគុណសម្បត្តិបែបណាខ្លះ មិនបាច់អ្នកលើកយកមកនិយាយដដែលៗទេ។
យើងអាចនិយាយបានថា ដោយសេចក្ដីស្រឡាញ់ យើងច្រើនតែប្រព្រឹត្ដតាមសភាវគតិ តាមអ្វីដែលយើងជឿថាត្រឹមត្រូវ។ ប៉ុន្តែ "មនុស្សច្រើនតែនិយាយថាពេលណាយើងស្រលាញ់ខ្លាំងពេក នឹងធ្វើឱ្យមនុស្សយើងខ្វាក់ភ្នែក" ដូច្នេះយើងពិបាកគ្រប់គ្រងសកម្មភាពរបស់យើងណាស់ ដែលនាំឱ្យមានមានឆ្គាំឆ្គងព្រោះតែការស្រឡាញ់ដោយមិនដឹងខ្លួន៕
ប្រភព ៖ Bestie / ប្រែសម្រួល ៖ Knongsrok
ព័ត៌មានថ្មីៗ
