និយាយគុណសម្បត្តិគឺលើសគេ តែគុណវិបត្តិក៏មានដែរសម្រាប់មនុស្សមានឈាមប្រភេទ O
មនុស្សយើងម្នាក់ៗ ខ្លះមានសរីរាង្គដូចគ្នា តែជឿថាប្រភេទឈាមគឺមិនអាចដូចគ្នាទាំងអស់នោះទេ។ អ្នកខ្លះទៅមានឈាមប្រភេទ A ប្រភេទ B ប្រភេទ O ឬប្រភេទ AB។ បើសួរថាតើធ្វើបែបណាដើម្បីដឹងថាអ្នកឈាមប្រភេទអី នោះមធ្យោបាយល្អបំផុតគឺទៅធ្វើការបរិច្ចាគឈាម ឬ Check សុខភាពនោះអ្នកនឹងទទួលបានចម្លើយពីលោកគ្រូពេទ្យហើយ។
យ៉ាងណាសម្រាប់ឈាមទាំង ៤ ប្រភេទខាងលើ គឺឈាមប្រភេទ O ជាប្រភេទដែលគេឲ្យតម្លៃខ្ពស់បំផុត ព្រោះវាមានគុណសម្បត្តិខ្ពស់ដាច់គេ តែក្នុងនោះក៏មានគុណវិបត្តិមួយចំនួនផងដែរ។
គុណសម្បត្តិអ្នកមានឈាមប្រភេទ O
ត្រូវបានគេកត់សម្គាល់ថាជាប្រភេទឈាមកម្រ ដែលជាទូទៅគឺជាមនុស្សមានភាពឈ្លាសវៃទាំងក្នុងការគិត និងការដោះស្រាយបញ្ហានានា ហើយក្រុមឈាមប្រភេទនេះ គឺទំនេរទៅរកភាពជាអ្នកដឹកនាំ ដែលពោរពេញដោយថាមពល និងឥរិយាបថសកម្ម។ ជាងនេះពួកគេក៏មានការប្តេជ្ញាចិត្តខ្ពស់ ហើយការគិតពោរពេញដោយភាពវិជ្ជមាន និងអ្វីដែលពិសេសនោះគឺមានអាយុវែង។
តាមការឲ្យដឹង ភាពជាក់ស្តែងក្នុងប្រទេសជប៉ុន នៅស្ថាប័នខ្លះគេជ្រើសរើសយកបុគ្គលិកដែលមានឈាមប្រភេទ O ជាអាទិភាព ព្រោះគេជឿថាមនុស្សប្រភេទនេះ គឺមានការប្រុងប្រយ័ត្នខ្ពស់ ហើយជាមនុស្សមានហេតុផល និងឆ្លាតវាងវៃ។
គុណវិបត្តិអ្នកមានឈាមប្រភេទ O
ពិតហើយគ្មានអ្វីដែលល្អទាំងអស់នោះទេ បើនិយាយពីគុណវិបត្តិវិញ គឺថាអ្នកមានឈាមប្រភេទ O រមែងងាយនឹងទទួលរងការប៉ះពាល់អារម្មណ៍ ហើយងាយនឹងស្រ្តេសលឿនបំផុត។ កត្តាទាំងនេះនាំឲ្យជះឥទ្ធិពលដល់រាងកាយ ជាពិសេសគឺប្រព័ន្ធរំលាយអាហារ និងការចុះថយនូវភាពធន់នឹងអាំងស៊ុយលីន នាំឲ្យឆាប់ទទួលយកជាតិខ្លាញ់ចូលក្នុងខ្លួន។
បែបនេះមានន័យថា ពួកគេឆាប់មានជំងឺធាត់ ឬឡើងទម្ងន់ ហើយនៅក្នុងក្រពះវិញគឺមានកម្រិតអាស៊ីតខ្ពស់ជាងអ្នកមានប្រភេទឈាមដទៃ បណ្តាលឲ្យអាចមានជំងឺរលាកក្រពះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
