ជ្រើសរើសផ្ទះមួយ ដើម្បីបង្ហាញថាអ្វីដែលនឹងកើតឡើងលើអ្នកសប្តាហ៍នៅសប្តាហ៍ក្រោយ
តាមរយៈការទស្សន៍ទាយបែបវិទ្យាសាស្រ្តមួយនេះ គ្រាន់តែឲ្យអ្នកធ្វើការជ្រើសរើសនៅផ្ទះមួយក្នុងចំណោមផ្ទះទាំង ៤ ដើម្បីទទួលបានសារនូវរឿងដែលអាចកើតឡើងទៅលើអ្នកនៅសប្តាហ៍បន្ទាប់៖
ផ្ទះលេខ ១
ដំណឹងល្អនឹងមានចូលមកដល់អ្នក ដោយវាអាចជាមានការកោតសរសើរពីគុណសម្បត្តិរបស់អ្នក។ ជារឿយៗអ្នកបានធ្វើរឿងល្អជាច្រើនក្នុងជីវិត ហើយជាការពិតវានឹងត្រលប់មកវិញជាមួយការតបស្នងដែលគ្មានការរំពឹងទុក។
ចូរបន្ថែមការខិតខំ និងភាពស្មោះត្រង់ទៅក្នុងកិច្ចការងាររបស់អ្នក ហើយជារឿយៗដំណឹងល្អនឹងបន្ថែមចូលមកដល់ទៀត ជាពិសេសនៅកន្លែងការងារ នឹងមានថ្នាក់លើកោតសរសើរឲ្យតម្លៃ និងបន្ថែមគុណប្រយោជន៍ដល់អ្នក។
ផ្ទះលេខ ២
នឹងមានការឈ្លោះប្រកែកគ្នាក្នុងផ្ទះរបស់អ្នកនៅសប្តាហ៍ក្រោយ ប៉ុន្តែកុំបារម្ភខ្លាំងអី ចានក្នុងរាវមិនអាចថាមិនទង្គិចខ្លះនោះទេ បែបនេះវាជារឿងតូចតាចតែប៉ុណ្ណោះ។ អ្វីគ្រប់យ៉ាងគឺតែងតែមានទីបញ្ចប់ ហើយការឈ្លោះប្រកែកនេះវាកើតឡើងនៅរយៈពេលបណ្តោះអាសន្នមួយតែប៉ុណ្ណោះ។ ប៉ុន្តែត្រូវចាំថារឿងខ្លះខ្លួនអ្នកផ្ទាល់ទេ ជាអ្នកសម្រេច ជាអ្នកគូសវាសវា បែបនេះលទ្ធផលដែលកើតឡើងក៏ជាទំនួលខុសត្រូវរបស់អ្នក។
ផ្ទះលេខ ៣
កុំចាប់យកឱកាសណាមួយឲ្យសោះនៅសប្តាហ៍ក្រោយ បើអ្នកគិតថាអ្នកជាមនុស្សសំណាងក៏ដោយ តែសប្តាហ៍ក្រោយនេះគឺមិនមែនជាពេលវេលាសម្រាប់អ្នកនោះទេ។ លទ្ធផលបរាជ័យ ការខកចិត្តអាចនឹងកើតមាន អ៊ីចឹងការសម្រេចចិត្តណាមួយត្រូវធ្វើដោយប្រុងប្រយ័ត្ន ហើយបើលើកពេលបានគួរតែលើក។
ផ្ទះលេខ ៤
សប្តាហ៍ក្រោយជាសប្តាហ៍ដ៏សំណាងមួយរបស់អ្នក ហើយជាមួយការសំណាងនេះដែរ ក៏វាមានលាយឡំដោយសារការខិតខំប្រឹងប្រែងរបស់អ្នកផ្ទាល់ ក៏ដូចជាការជ្រោមជ្រែងពីមនុស្សជុំវិញខ្លួនខ្លះៗផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
