អត្ថបទល្អសម្រាប់មនុស្សស្រីគួរតែអាន ដើម្បីជាមេរៀនក្នុងការជ្រើសរើសដៃគូជីវិត!
សម្រាប់នារីវ័យក្មេងដើម្បីជួបបុរសល្អ
វាមិនចាំបាច់ទេ ដែលថាអ្នកត្រូវមានភាពចាស់ទុំឱ្យបានគ្រប់គ្រាន់។
ព្រោះថា ប្រសិនបើអ្នកមានភាពច្បាស់ទុំគ្រប់គ្រាន់ រឹងមាំអាចពឹងផ្អែកខ្លួនឯងបានហើយនោះ អ្នកក៏នឹងមិនអាចមើលឃើញបុរសណាម្នាក់ល្អក្នុងភ្នែកអ្នកឡើយ ព្រោះអ្នកអាចស្រឡាញ់ និងមើលថែខ្លួនឯងបាន។
អ្នកត្រូវតែចងចាំថា ការជ្រើសរើសដៃគូជីវិត គឺមិនមានលក្ខខណ្ឌផ្សេង ឬច្រើននាំឱ្យស្មុគស្មាញនោះឡើយ។ សំខាន់អ្នកត្រូវតែជ្រើសយកមនុស្សម្នាក់ដែលគាត់ស្រលាញ់អ្នកយ៉ាងពិតប្រាកដ។
- ទោះគាត់ជាអ្នកមានទ្រព្យស្ដុកស្ដម្ភប៉ុនណា!
- ជាមនុស្សចិត្តល្អ ចេះជួយយកអាសារអ្នកដទៃយ៉ាងណា!
- មានរូបរាងស្រស់សង្ហាបែបណា!
- មានចំណេះដឹងខ្ពស់កម្រិតណា!
- ពូកែធ្វើការ រកលុយបានច្រើនយ៉ាងណា!
- ជាកូនល្អចេះដឹងគុណឪពុកម្ដាយ ចេះជួយបងប្អូនបែបណា!
- ជាមនុស្សពូកែវោហាស្ដី ចរិតលក្ខណៈល្អបែបណា!
- ជាមនុស្សយល់ការណ៍ មានទំនាក់ទំនងល្អក្នុងសង្គមបែបណា!
តែបើគេមិនបានស្រឡាញ់អ្នក គេមិនមានចិត្តឱ្យអ្នក សោះនោះ គេក៏មិនមែនជាមនុស្សល្អ ដែលអាចផ្ដល់ក្ដីសុខ សុភមង្គលដល់អ្នកពេញមួយជីវិតបានដែរ ... ត្រូវចាំថា បុរសដែលមិនបានស្រឡាញ់អ្នក ទោះគេល្អចំពោះក្រុមគ្រួសារ និងអ្នកដទៃប៉ុនណា ក៏មិនប្រាកដថា គេអាចជាស្វាមីដ៏ល្អ ជាមេគ្រួសារដ៏ល្អសម្រាប់អ្នកបានដែរ។
ការដែលអ្នកគ្មានដៃគូ ហើយត្រូវរស់នៅម្នាក់ឯង វាមិនមែនជាភាពឯកានោះទេ តែផ្ទុយទៅវិញ អ្នកជាមនុស្សដែលអាចមានសេរីភាពគ្រប់គ្រាន់ក្នុងការដើរហើរចេញទៅពិភពខាងក្រៅដោយខ្លួនឯង។
- អ្នកអាចនិយាយ ឬមានទំនាក់ទំនងក្នុងភាពជាមិត្ត ឬបងប្អូនជាមួយបុរសគ្រប់វ័យ។
- អ្នកអាចជ្រើសរើសទៅផ្ទះ ឬដើរទៅផ្សារបានដោយសេរី។
- អ្នកងាចធ្វើអ្វីបានទៅតាមចិត្តដែលអ្នកចង់។
ភាពឯកាពេលនៅលីវ មិនគួរឱ្យខ្លាចដូចអ្នកគិតទេ អ្វីដែលគួរឱ្យខ្លាចបំផុតនោះគឺ…
នៅពេលមានដៃគូ មានស្នេហា ប៉ុន្តែអ្នកបែរជាមានអារម្មណ៍ថាឯកោ នោះហើយទើបជារឿងគួរឱ្យខ្លាចពិតប្រាកដ។
ឪពុកម្នាក់បានរំឭកកូនស្រីរបស់គាត់ថា …
មនុស្សខ្លះសក្តិសម ហើយក៏មានកូន តែគេមិនដែលស្រឡាញ់កូនៗទេ ចំណែកមនុស្សខ្លះទៀត មិនមានកូន តែគេបែរជាស្រឡាញ់ក្មេងៗជាខ្លាំង។
ប្រសិនបើអ្នកចង់ដឹងថា តើគាត់ស្រឡាញ់កូនរបស់អ្នកឬអត់?
កុំប្រើត្រចៀកទៅស្ដាប់ តែអ្នកត្រូវប្រើភ្នែកក្នុងការមើល!
តើគាត់មានការលះបង់ច្រើនប៉ុនណាដើម្បីកូនៗ
ប្រសិនបើអ្នកចង់ដឹងថាតើគាត់សក្តិសមជាឪពុកឬក៏អត់?
កុំមើលលើអ្វីដែលគាត់មាន? ប៉ុន្តែត្រូវវិនិច្ឆ័យដោយស្នាមញញឹមរបស់ពេលនៅក្បែរគាត់ និងទឹកភ្នែកគាត់ស្រក់ដើម្បីកូនៗ។
អ្នកដែលតែងតែធ្វើឱ្យកូនអ្នកយំ
ទោះគាត់ជាមនុស្សល្អ ឬក៏ស្អាតសង្ហាយ៉ាងណាក៏ដោយ កុំបន្តនៅទៀតអី ព្រោះគាត់មិនសក្តិសមជាឪពុករបស់កូនអ្នកទេ។
អ្នកដែលធ្វើឱ្យកូនអ្នកញញឹម មិនថាឋានៈទាបប៉ុនណាទេ
វាពិតជាមានប្រយោជន៍ក្នុងការផ្ញើជីវិតរបស់អ្នកជាមួយគាត់ណាស់។
- ជ្រើសរើសហត់នឿយដោយសារតែការសើច កុំជ្រើសរើសដោយស្រួលប៉ុន្តែត្រូវយំរាល់ថ្ងៃ” !
- ជ្រើសរើសអ្នកដែលហ៊ានរក្សាទុករូបថតរបស់អ្នកនៅក្នុងកាបូប!
- ជ្រើសរើសនរណាម្នាក់ដែលហ៊ានដាក់រូបភាពរបស់អ្នកនៅលើអេក្រង់ទូសព្ទ។
- ជ្រើសរើសអ្នកដែលហ៊ានឱ្យអ្នកដឹងគ្រប់រឿងដែលពាក់ព័ន្ធនឹងគាត់។
- ជ្រើសរើសមនុស្សដែលគាត់ហ៊ានលះបង់ដើម្បីស្នេហារបស់នាង។
កុំជ្រើសឱ្យសោះ មនុស្សដែលតែងតែហាមប្រាមអ្នកក្នុងការស្លៀកពាក់ ឬការតុបតែងខ្លួន ព្រោះតែការប្រចណ្ឌ ខ្លាចអ្នកស្អាត មានអ្នកតាមចែចង់អ្នក។
- បុរសខ្លះដែលស្រលាញ់អ្នក គាត់ចង់ចំណាយពេលពេញមួយជីវិតរបស់គាត់ជាមួយអ្នក។
- បុរសខ្លះដែលស្រលាញ់អ្នក គ្រាន់តែចង់ចំណាយពេលមួយភ្លែតជាមួយអ្នកតែប៉ុណ្ណោះ។
អ្នកដែលចង់ចំណាយពេលពេញមួយជីវិតជាមួយអ្នកប្រហែលជាមិនទិញរបស់របរឱ្យអ្នកច្រើនឡើយ ហើយក៏មិននិយាយពាក្យថា ស្រឡាញ់ ទៅកាន់អ្នករាល់ថ្ងៃដែរ។
ដោយសារតែគាត់ព្យាយាមបង្កើតខ្លួនឯងសម្រាប់អ្នក និងគ្រួសារអ្នកមនុស្សដែលគ្រាន់តែចង់ចំណាយពេលមួយភ្លែតជាមួយអ្នក គាត់នឹងប្រគល់អ្វីគ្រប់យ៉ាងសម្រាប់អ្នក ដើម្បីយកចិត្តអ្នកមួយគ្រា។
គ្មាននរណាម្នាក់ស្លាប់ដោយសារតែស្នេហានោះទេ តែមានមនុស្សច្រើនណាស់ដែលត្រូវរស់នៅឈឺចាប់ជាងស្លាប់ ព្រោះតែការជ្រើសរើសមនុស្សខុសមកធ្វើជាដៃគូ។
ដូច្នេះ មនុស្សដែលស្រឡាញ់អ្នកពិត គាត់នឹងចំណាយពេលជជែក និងគិតគូរអំពីជីវិតទៅអនាគតជាមួយនឹងអ្នក។ ចំណែកមនុស្សដែលមិនស្រឡាញ់អ្នក គាត់ប្រាកដជាដេកស្រមុក ដោយមិនខ្វល់ពីអ្វីទាំងអស់។
ក្មេងស្រី
តើអ្នកស្រឡាញ់ខ្លួនឯងខ្លាំងប៉ុនណា?
អ្នកឱ្យតម្លៃខ្លួនឯង និងមានការគោរពចំពោះអ្នកដទៃកម្រិតណា?
កុំផ្គាប់ចិត្តអ្នកណា រហូតដល់គាត់ភ្លេចថែរក្សាខ្លួនឯង
ជីវិតមួយមិនយូរទេ…
សូមចាំថា "ស្រឡាញ់ខ្លួនឯងឱ្យច្រើន មើលថែខ្លួនឯងឱ្យល្អ កុំឱ្យនរណាចូលមកបំផ្លាញជីវិតរបស់អ្នកឱ្យសោះ !!!"
ប្រភព ៖ สิ่งเล็กๆที่เรียกว่ารัก / ប្រែសម្រួល ៖ មនុស្សចុងក្រោយ (ក្នុងស្រុករក្សាសិទ្ធិ)
ព័ត៌មានថ្មីៗ
