សញ្ញាទាំង១៤បង្ហាញថា គេពិតជាចង់បាន ទំនាក់ទំនងច្បាស់លាស់ និងយូរអង្វែងជាមួយនឹងអ្នកពិតប្រាកដមែន
១៤សញ្ញាបង្ហាញថា មនុស្សម្នាក់ដែលអ្នកកំពុងតែទាក់ទង ទំនងជាច្បាស់លាស់ និងចង់បានចំណងពិតប្រាកដ យូរអង្វែងជាមួយនឹងអ្នក។
១. ធ្វើឱ្យអ្នកមានអារម្មណ៍ថា អ្នកជាស្ត្រីតែម្នាក់គត់នៅលើពិភពលោក
បុរសដែលចង់បានអនាគតជាមួយអ្នក នឹងធ្វើឱ្យអ្នកមានអារម្មណ៍ដូចជាស្ត្រីតែម្នាក់គត់នៅលើពិភពលោក។ នៅក្នុងគំនិតរបស់គាត់ មិនមានស្ត្រីផ្សេងទៀតនៅលើពិភពលោកដែលសំខាន់ដូចអ្នកឡើយ។
២. គាត់មានផែនការអនាគតជាមួយអ្នក
បុរសដែលចង់រួមដំណើរជាមួយអ្នក និងឃើញអ្នកនាពេលអនាគតរបស់គាត់ នឹងមិនស្ទាក់ស្ទើរក្នុងការរៀបចំផែនការនាពេលអនាគតជាមួយអ្នកទេ។
៣. គាត់ប្រើពាក្យ "យើង" និង "របស់យើង"
វិធីដែលគាត់និយាយអំពីបច្ចុប្បន្ន និងអនាគត អាចបង្ហាញពីចេតនារបស់គាត់ ដើម្បីមានទំនាក់ទំនងយូរអង្វែងជាមួយអ្នក។ បុរសដែលចង់បានអនាគតជាមួយអ្នក នឹងប្រើពាក្យ "យើង" និង "របស់យើង" ជំនួសឱ្យ "អ្នក" និង "របស់អ្នក" នៅពេលនិយាយអំពីបច្ចុប្បន្ន និងអនាគតជាមួយនឹងអ្នក។
៤. មិនដែលលាក់លៀមនឹងអ្នកទេ
គាត់នឹងបើកចំហអ្វីៗគ្រប់យ៉ាងចំពោះអ្នក ប្រសិនបើគាត់មើលឃើញអនាគតជាមួយអ្នក។ គាត់មិនលាក់ពីមិត្តភក្តិ ឬការប្រព្រឹត្ដរបស់គាត់ចំពោះអ្នក ហើយគាត់ចូលចិត្តចែករំលែកអ្វីៗគ្រប់យ៉ាងដែលកើតឡើងនៅក្នុងជីវិតរបស់គាត់ជាមួយអ្នក។
៥. គាំទ្រអ្នកជានិច្ច
បុរសដែលចង់និយាយជាមួយអ្នកក្នុងរយៈពេលវែង តែងតែគាំទ្រអ្នកព្រោះគាត់មើលឃើញថាអ្នកទាំងពីរជាក្រុម។ គាត់នឹងគាំទ្រអ្នកដោយអស់ពីដួងចិត្តនៅពេលអ្នកត្រូវការ។ គាត់នឹងនៅជាមួយអ្នកជានិច្ចហើយនឹងមិនបោះបង់ចោលអ្នកនៅពេលមានរឿងលំបាកនោះឡើយ។
៦. យកមតិរបស់អ្នកយ៉ាងយកចិត្តទុកដាក់
បុរសដែលចង់បានអនាគតជាមួយអ្នក នឹងទទួលដំបូន្មានពីអ្នកជានិច្ច។ វាជាសញ្ញាមួយដែលគាត់កោតសរសើរអ្នកនៅពេលស្វែងរកគំនិតរបស់អ្នក លើអ្វីដែលសំខាន់ចំពោះគាត់។
៧. ចែករំលែកពាក្យសម្ងាត់របស់អ្នក
គាត់មិនចាំបាច់ចែករំលែកលេខសម្ងាត់របស់អ្នកនៅលើទូរស័ព្ទ អ៊ីម៉ែល ឬប្រព័ន្ធផ្សព្វផ្សាយសង្គមរបស់អ្នកទេ ប៉ុន្តែប្រសិនបើគាត់សប្បាយចិត្តក្នុងការចែករំលែកលេខសម្ងាត់របស់គាត់ជាមួយអ្នក នោះគឺជាសញ្ញាដ៏ធំមួយនៃការជឿទុកចិត្តរបស់គាត់។ វាគឺសម្រាប់អ្នកនៅកម្រិតខ្ពស់ និងមនុស្សដែលគាត់ជឿជាក់ប៉ុណ្ណោះ។ នេះគឺជាសញ្ញាដ៏ធំមួយដែលគាត់ចង់មានអនាគតជាមួយអ្នក។
៨. គាត់ចំណាយពេលជាមួយមនុស្សដែលអ្នកយកចិត្តទុកដាក់
គាត់ប្រហែលជាមិនចុះសម្រុងនឹងពួកគេទេ ប៉ុន្តែប្រសិនបើគាត់ព្យាយាមចំណាយពេលជាមួយមនុស្សដែលអ្នកយកចិត្តទុកដាក់ នោះគឺជាសញ្ញាដ៏ធំមួយដែលគាត់ចង់បានអនាគតវែងឆ្ងាយជាមួយអ្នក។
៩. ចង់ឱ្យអ្នកជួបគ្រួសារធំរបស់គាត់
ការជួបឪពុកម្តាយ និងបងប្អូនរបស់គាត់ បង្ហាញថាគាត់ពិតជាយកចិត្តទុកដាក់ចំពោះទំនាក់ទំនងរបស់គាត់ជាមួយអ្នក។ ប៉ុន្តែនៅពេលគាត់ចង់ឱ្យអ្នកជួបសមាជិកគ្រួសារទាំងអស់របស់គាត់ដូចជា ឪពុកម្តាយ បងប្អូន ជីដូនជីតា សាច់ញាតិរបស់គាត់ វាជាសញ្ញាមួយដែលគាត់ចង់មានអនាគតជាមួយអ្នក។
១០. រីករាយក្នុងការសម្របសម្រួលជាមួយអ្នក
ការសម្របសម្រួលគឺជាផ្នែកមួយដ៏សំខាន់បំផុតនៃទំនាក់ទំនង។ បុរសដែលចង់មានទំនាក់ទំនងស្នេហាយូរអង្វែងជាមួយអ្នក នឹងសប្បាយចិត្តធ្វើការសម្របសម្រួលដើម្បីធានាថាទំនាក់ទំនងរឹងមាំ និងដើរទៅមុខបានល្អ។
១១. មិនខ្លាចក្នុងការបើកអារម្មណ៍របស់គាត់ចំពោះអ្នក
ប្រសិនបើគាត់ចង់បានអនាគតជាមួយអ្នក គាត់នឹងមិនភ័យខ្លាចក្នុងការបង្ហាញអារម្មណ៍របស់គាត់ចំពោះអ្នកដោយបើកចំហឡើយ។ គាត់នឹងមិនលាក់បាំងពីអ្នកដទៃអំពីអ្នកទេ ប៉ុន្តែគាត់ក៏មានមោទកភាពក្នុងការប្រាប់មនុស្សឱ្យដឹងថា អ្នកជាស្ត្រីរបស់គាត់។
១២. រីករាយនឹងពេលវេលាដែលមានអ្នក
ប្រសិនបើគាត់ចូលចិត្តចំណាយពេលជាមួយអ្នក ហើយហាក់ដូចជាមិនធុញទ្រាន់ នោះគឺជាសញ្ញាដ៏ល្អដែលបង្ហាញថា គាត់បនមើលឃើញអនាគតជាមួយអ្នកហើយ។ ប្រសិនបើគាត់ឃើញថាអ្នកគួរឱ្យចាប់អារម្មណ៍ គាត់មិនគួរមានបញ្ហាក្នុងការចំណាយពេលពេញមួយជីវិតរបស់គាត់ជាមួយអ្នកឡើយ។
១៣. ណែនាំអ្នកឱ្យមិត្តភក្តិរបស់គាត់
បុរសដែលមើលឃើញអ្នកជាផ្នែកសំខាន់មួយនៃអនាគតរបស់គាត់ នឹងមិនលាក់អ្នកពីមិត្តភក្តិរបស់គាត់ទេ។ គាត់នឹងណែនាំអ្នកឱ្យស្គាល់មិត្តភក្តិរបស់គាត់ទាំងអស់ ជាពិសេសអ្នកដែលពិតជាសំខាន់ចំពោះគាត់។
១៤. គាត់ឱ្យកូនសោផ្ទះមកអ្នក
បុរសភាគច្រើនចូលចិត្តមានកន្លែងផ្ទាល់ខ្លួន។ ដូច្នេះប្រសិនបើគាត់ឱ្យកូនសោផ្ទះ ឬបន្ទប់របស់គាត់មកអ្នក នោះជាសញ្ញាដ៏ធំមួយដែលគាត់ចង់និយាយអំពីអនាគតជាមួយអ្នក៕
ប្រភព ៖ Bestie / ប្រែសម្រួល ៖ Knongsrok
ព័ត៌មានថ្មីៗ
