ស្រីៗទោះខូចចិត្ត ឬបែកបាក់សង្សារឈឺចាប់ប៉ុណ្ណា ក៏កុំទៅធ្វើរឿងឥតប្រយោជន៍ ៤ នេះ
ពាក្យថា "ស្នេហា" មួយម៉ាត់យ៉ាងខ្លី តែបង្កប់ទាំងក្តីសុខ និងការឈឺចាប់ ដែលធ្វើឲ្យមនុស្សចងចាំដល់ថ្ងៃស្លាប់។ ប៉ុន្តែអ្នកក៏ត្រូវដឹងថា ក្រៅពីមនុស្សម្នាក់នោះ ក៏នៅមានគ្រួសារ មិត្តភក្តិ និងមនុស្សល្អៗជាច្រើនទៀតដែលគេនៅក្បែរយើង ពោលកុំប្រើប្រាស់ជីវិតរស់នៅដើម្បីតែគេម្នាក់អី។
ខាងក្រោមនេះ Knongsrok បង្ហាញចំណុចទាំង ៤ ដែលស្រីៗមិនគួរធ្វើ ហើយជៀសឲ្យបាននៅបែកបាក់ស្នេហា ឬខូចចិត្តកម្រិតធ្ងន់ ព្រោះវាធ្វើឲ្យអ្នកកាន់តែអស់តម្លៃ៖
៤) ចូលចិត្តប្រាប់ខ្លួនឯងពីអារម្មណ៍ស្តាយ និងស្តាប់ឬមើលអ្វីកម្សត់ៗ
អ្នកខ្លះបែកបាក់ស្នេហា ហើយចូលចិត្តឲ្យអារម្មណ៍បណ្ដែតបណ្ដោយទៅតាមនោះ តាមរយៈការស្តាប់បទចម្រៀងកម្សត់ មើលភាពយន្តបែបកម្សត់ និងអានតែ Quote ដែលចាក់ដោតអារម្មណ៍អ្នកបែកបាក់ស្នេហាជាដើម។
ធ្វើបែបហ្នឹងនាំឲ្យតែខ្លួនឯងពិបាកទៅវិញទេ ទាំងដែលអ្នកម្ខាងទៀតគេប្រហែលជាកំពុងសប្បាយមិនខ្វល់ពីយើងផងនោះ ប្រសិនណាដាច់ស្រេចហើយ គួរព្យាយាមបង្រៀនឲ្យចិត្តរបស់យើងដាច់ស្រេចទៅដូចគ្នា កុំនៅលងខ្លួនឯងជារឿយៗអី។
៣) កុំព្យាយាមផ្តាច់ទំនាក់ទំនងជាមួយសង្សារចាស់
កុំដោយសារតែបែកបាក់ស្នេហា ហើយធ្វើឲ្យបាត់បង់មិត្តភាព។ មនុស្សស្រីដែលខ្លាំង គឺគេនៅតែរក្សាចំណងមិត្តភាពរវាងសង្សារចាស់នោះបាន ហើយមិនមែនលែងហ៊ានមើលមុខគេ ឃើញមុខគេរត់គេចនោះទេ វាក៏ប្រហែលនឹងស្មើការដែលអ្នករត់ចេញពីបញ្ហា។
បែបនេះទោះបីបែកគ្នាហើយក៏ដោយ បេះដូងយើងមិនមែនស្ថិតនៅគេទៀតឯណា បើឃើញនរណាល្អ អាចរស់នៅជាមួយយើងបាន ក៏រៀនបើកចិត្តទទួលយកអ្នកក្រោយទៅ ហើយជាមួយសង្សារចាស់ បើអាចរក្សាចំណងមិត្តភាពបានក៏កុំបោះបង់អី។
២) ធ្វើអ្វីខុសពីខ្លួនឯង
អ្នកធ្លាប់ជាមនុស្សដែលមិនសូវសម្ញែងរូបរាងកាយលើបណ្តាញសង្គម អ្នកមិនចូលចិត្តបង្ហាញអារម្មណ៍ Drama តែក្រោយបែកពីគេ អារម្មណ៍គ្រប់យ៉ាងក៏ផ្លាស់ប្តូរព្រោះចង់បង្ហាញឲ្យម្នាក់នោះឃើញ។
សួរថាធ្វើបែបហ្នឹងដើម្បីអ្វី ឬមួយអ្នកនៅមិនទាន់ដាច់ស្រឡះចិត្តពីគេ? កុំព្យាយាមផ្លាស់ប្តូរខ្លួនឯង ធ្វើអ្វីដែលមិនមែនជាខ្លួនឯង ជាពិសេសការបង្ហោះនានាលើបណ្តាញសង្គម ចំពោះរូបភាពនិងរឿងខ្លះអាចប៉ះពាល់តម្លៃរបស់អ្នកដោយមិនដឹងខ្លួន។
១) ឃុំខ្លួនឯងក្នុងបន្ទប់ ហើយទឹកភ្នែកជោគខ្នើយ
អ្នកខ្លះអ៊ីចឹងមែន ពេលបែកបាក់គ្នា មិនចង់ចេញទៅខាងក្រៅ ចង់សម្ងំនៅតែក្នុងផ្ទះហើយនឹកឃើញរឿងចាស់ៗសម្រក់ទឹកភ្នែក។ ពិតមែនហើយ បើទប់ទឹកភ្នែកមិនបាន អ្នកអាចយំបាន តែយំត្រឹមមួយថ្ងៃគឺគ្រប់គ្រាន់ហើយ ដល់ថ្ងៃបន្ទាប់ចូរចេញទៅខាងក្រៅ ប្រើប្រាស់អារម្មណ៍ល្អៗជាមួយមជ្ឈដ្ឋានជុំវិញខ្លួន នោះទើបជាមនុស្សស្រីរឹងមាំ ព្រោះយើងមិនអាចរស់នៅក្នុងអតីតកាលដ៏ជូរចត់នោះរហូតឡើយ៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
