ជ្រើសរើសផ្លូវមួយដែលត្រូវដើរ ដើម្បីទទួលបានសារណែនាំដ៏ល្អសម្រាប់ជីវិតរបស់អ្នក
ក្នុងរូបភាព ៤ នេះ គឺមានផ្លូវធ្វើដំណើរផ្សេងពីគ្នា ហើយបើឲ្យសម្រេចចិត្តយកមួយ តើអ្នកនឹងជ្រើសរើសយកមួយណា? តាមរយៈការសម្រេចចិត្តមួយរបស់អ្នក យើងអាចបង្ហាញនូវសារដែលអ្នកគួរតែទទួលបាននៅពេលនេះ៖
ផ្លូវទី ១
ជីវិតរបស់អ្នកគឺត្រូវបានកំណត់ដោយខិតខំប្រឹងប្រែង លះបង់ និងទេពកោសល្យ។ អ្នកជឿថា ប្រសិនណាមនុស្សម្នាក់ពិតជាល្អ នោះពួកគេនឹងទទួលបានការតបស្នងត្រលប់មកវិញក្នុងរយៈពេលឆាប់ៗខាងមុខ។
បើទោះបីអ្នកមានការជឿជាក់បែបហ្នឹងពិតមែន ប៉ុន្តែក្នុងរឿងខ្លះអ្នកហាក់មិនអាចដាក់ចិត្តដាក់អារម្មណ៍ទៅធ្វើវាទាំងស្រុង ១០០ ភាគរយបាន នោះក៏ដោយសារតែអតីតកាលមួយចំនួនបានញាំញី ហើយអ្នកភ័យខ្លាចការបរាជ័យ តែអ្នកត្រូវចាំថា ចូរព្យាយាមធ្វើឲ្យបានល្អបំផុត ហើយកុំខ្លាចហានិភ័យនៃការបាត់បង់ខ្លាំងពេក បរាជ័យដែលកើតមានរាប់ចូលជាបទពិសោធន៍ បើជោគជ័យដែលបានមកកុំរាប់ថាសំណាងតែវាគឺជាផលតបស្នងនូវអ្វីដែលបានខិតខំ។
ជាសារណែនាំ៖ មនុស្សជោគជ័យ មានភាពក្លាហាន និងមិនខ្លាចបរាជ័យ មិនខ្លាចការបង្កើតកំហុសនោះទេ ឲ្យតែមានការស្មិងស្មាធិ៍ច្បាស់លាស់មុនធ្វើអ្វីមួយ។
ផ្លូវទី ២
ភាពសោកសៅនិងអារម្មណ៍ស្រពិចស្រពិលហាក់ដូចជានៅតែបន្តកើតមានក្នុងជីវិតរបស់អ្នក។ ការគិតអវិជ្ជមានរបស់មនុស្សមួយចំនួន និងអតីតកាលមិនគួរឲ្យចងចាំខ្លះ បានទាញអារម្មណ៍របស់អ្នកចេញពីភាពជោគជ័យ។
អ្នកត្រូវតែផ្លាស់ប្តូរវាចេញ ហើយត្រូវចាំថា ថ្ងៃនេះគឺមានតម្លៃជាងថ្ងៃណាៗទាំងអស់ ចូរប្រើប្រាស់ពេលវេលាដែលមាន ឲ្យមានប្រយោជន៍។
ជាសារណែនាំ៖ ដើម្បីឲ្យជីវិតរបស់អ្នកប្រសើរឡើង ដំបូងឡើយអ្នកត្រូវលុបបំបាត់ការគិតអវិជ្ជមាន និងភាពធុញថប់ក្នុងអារម្មណ៍ជាមុនសិន ហើយត្រូវចាំឲ្យតម្លៃលើបច្ចុប្បន្នភាពខ្ពស់ជាងពេលណាទាំងអស់។
ផ្លូវទី ៣
ពិភពលោកយើងទាំងមូលគឺដំណើរការទៅបានដោយសារមានតុល្យភាព យើងមិនអាចរស់នៅដោយចង់បានលើសគេពេកនោះទេ។ រាល់សកម្មភាពនិងចិត្តគំនិតត្រូវប្រើប្រាស់ដោយមានការចែករំលែក ការចង់ឃើញអ្នកដទៃមានក្តីសុខ និងជោគជ័យដូចជាយើងដែរ។
ជាសារណែនាំ៖ អ្នកប្រហែលជាមិនសូវបានគិតអំពីមនុស្សជុំវិញខ្លួន ហើយវាដល់ពេលដែលអ្នកត្រូវចែករំលែកទាំងទង្វើល្អ ក្តីស្រលាញ់សម្រាប់ពួកគេខ្លះហើយ។
ផ្លូវទី ៤
ការជ្រើសរើសផ្លូវទី ៤ នេះ បាននឹងកំពុងធ្វើឲ្យអ្នកគិតឡើងវិញនូវអ្វីដែលត្រូវបន្ត ត្រូវបង្កើត និងគោលដៅនៃការពិតរបស់អ្នក។ ត្រូវចាំថាសកម្មភាពនៅពេលបច្ចុប្បន្ន ជាគ្រោងឆ្អឹងបង្កើតឡើងនូវអនាគតកាល អ្នកធ្វើអ្វី គឺបានហ្នឹងនៅថ្ងៃខាងមុខ។
ជាសារណែនាំ៖ អ្នកមិនចាំបាច់តែទទួលបានភាពល្អឥតខ្ចោះគ្រប់យ៉ាងនោះទេនៅក្នុងជីវិត ប៉ុន្តែចូរប្រើប្រាស់របស់ដែលមានឲ្យមានតម្លៃ និងស្រលាញ់វាអស់ពីបេះដូង ហើយខិតខំប្រឹងប្រែងឈរលើគោលដៅច្បាស់លាស់បន្តទៅទៀត ទោះផ្លូវខ្លះរាងក្រឡុកបន្តិច ក៏កុំបោះបង់ ហើយបើដួលក៏ត្រូវក្រោកឈរឲ្យបានដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
