លើកដៃមើលបន្តិចមើល តើអ្នកស្ថិតនៅលេខប៉ុន្មាន? អាចបង្ហាញពីជោគជ័យនៅថ្ងៃអនាគតបាន
តើទម្រង់ម្រាមដៃរបស់អ្នកស្ថិតនៅលេខប៉ុន្មាន? ក្នុងអត្ថបទនេះមាន ៣ ប្រភេទ ហើយប្រភេទនីមួយៗអាចបង្ហាញច្បាស់ពីលក្ខណៈសម្បត្តិរបស់អ្នក និងភាពជោគជ័យរបស់អ្នកនៅថ្ងៃខាងមុខបាន។
ទម្រង់ម្រាមដៃទី ១
លើកដៃឆ្វេងឡើង ប្រសិនជាអ្នកមានម្រាមដៃចង្អុលទាបជាងដៃនាង នោះអ្នកគឺជាមនុស្សដែលសកម្មបំផុតនៅពេលបំពេញកិច្ចការងារផ្សេងៗ ហើយជាធនធានដ៏ល្អមួយ និងជាទីប្រឹក្សាពូកែខាងផ្តល់យោបល់សម្រាប់អ្នកដទៃ។ មនុស្សជាច្រើនគេតែងតែចូលចិត្តនៅក្បែរអ្នក នោះក៏ដោយសារចំណុចទាក់ទាញរបស់អ្នកទាំងនោះហើយ។
ដោយសារបុគ្គលលក្ខណៈដ៏ល្អពីកំណើត រមែងជួយឲ្យអ្នកឆាប់ទទួលបានជោគជ័យក្នុងកិច្ចការងារផ្សេងៗនៅថ្ងៃខាងមុខ ហើយមិនថានៅស្ថាប័នណាមួយ ឬក្នុងអាជីវកម្មណាក្តី អ្នករមែងទួលបានការជឿជាក់ និងឲ្យតម្លៃខ្ពស់បំផុត។
ទម្រង់ម្រាមដៃទី ២
លើកដៃឆ្វេងឡើង ប្រសិនជាអ្នកមានម្រាមដៃចង្អុលខ្ពស់ជាងម្រាមដៃនាង នោះអ្នកគឺជាមនុស្សដែលមានទំនោរទៅរកភាពឯករាជ្យ ភាពល្អឥតខ្ចោះ និងការជឿជាក់លើខ្លួនឯងខ្លាំងបំផុត។
និយាយពីភាពជោគជ័យ មនុស្សប្រភេទនេះចូលចិត្តធ្វើការតែម្នាក់ឯង ហើយសម្រាប់ពួកគេនៅការងារខ្លះធ្វើតែឯងគឺងាយនឹងសម្រេចជាងការធ្វើជាក្រុម។ នៅក្នុងន័យស្នេហាវិញ ពួកគេមានអារម្មណ៍ចេះបត់បែន ហើយរមែងរំជួលចិត្តខ្លាំងនៅពេលជួបរឿងរ៉ូមែនទិកផ្សេងៗ។
ទម្រង់ម្រាមដៃទី ៣
លើកដៃឆ្វេងឡើង ប្រសិនជាអ្នកមានម្រាមដៃចង្អុលស្មើម្រាមដៃនាង នោះអ្នកជាមនុស្សដែលស្រលាញ់សន្តិភាព មិនចូលចិត្តបង្កជម្លោះទាស់ពាក្យសម្តីជាមួយនរណាម្នាក់ទេ។ អ្នកតែងតែព្យាយាមរក្សាភាពស្ងប់ស្ងាត់ ហើយស្មោះត្រង់នឹងមនុស្សនៅជុំវិញខ្លួនណាស់ ជាងនេះលើការងារអ្វីអ្នកជាមនុស្សដែលមានទំនួលខុសត្រូវខ្ពស់។
ដោយសារអំណោយទានពីធម្មជាតិទាំងអស់នេះ ដែលនាំឲ្យអ្នករមែងទទួលបានមនុស្សជាច្រើនគេចូលចិត្តមកនៅក្បែរ ហើយក្នុងកិច្ចការងារអ្វីក៏ឆាប់បានដៃគូសហកាជារឿយៗដែរ តែត្រូវប្រយ័ត្នបន្តិចផង កុំឆាប់ទុកចិត្តអ្នកដទៃណាម្នាក់ពេក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
