មិនចេះតែស្រលាញ់ទេ អ្នកស្រលាញ់ភេទដូចគ្នា មកពីមើលឃើញប្រយោជន៍ធំៗ ៤ នេះ
បច្ចុប្បន្នក្នុងពិភពលោកយើងនេះ ការស្រលាញ់ភេទដូចគ្នា គឺត្រូវបានទទួលស្គាល់សឹងតែគ្រប់បណ្តាប្រទេសទូទាំងសកលលោក ហើយជាពិសេសគឺនៅតំបន់អឺរ៉ុប ថែមទាំងមានប្រទេសខ្លះអនុញ្ញាតឲ្យមានច្បាប់រៀបអាពាហ៍ពិពាហ៍សម្រាប់មនុស្សស្រលាញ់ភេទដូចគ្នាទៀតផង។
ក្នុងអត្ថបទនេះ មិនមានន័យថាយើងចង់ណែនាំឲ្យអ្នករាល់គ្នាគួរធ្វើបែបហ្នឹងនោះទេ ប៉ុន្តែគ្រាន់តែចង់បង្ហាញអំពីអត្ថប្រយោជន៍ ៤ នៃការស្រលាញ់ភេទដូចគ្នា ហើយពួកគេសក្ដិសមនឹងទទួលបានការឲ្យតម្លៃដូចមនុស្សទូទៅអ៊ីចឹងដែរ៖
៤) ឆាប់យល់ពីអារម្មណ៍គ្នាលឿន
មិនថាតែប្រុសស្រលាញ់ប្រុស ឬស្រីស្រលាញ់ស្រី គឺពួកគេឆាប់យល់ពីទម្លាប់នៃការរស់នៅ របៀបរបបនៃការប្រើប្រាស់អារម្មណ៍ពីគ្នានឹងគ្នាឆាប់រហ័សជាងភេទផ្ទុយគ្នា ដែលត្រូវការពេលវេលាដើម្បីយល់។
តាមការស្រាវជ្រាវបង្ហាញថា អ្នកស្រលាញ់ភេទដូចគ្នាភាគច្រើនគឺឆ្លាតនិងរហ័ស ក្នុងការយល់ពីគ្នានេះ ហើយដឹងលឿនថាម្ខាងទៀតចង់បានអ្វីឲ្យពិតប្រាកដ។
៣) អាចដើរតួបានទាំងជាមិត្តភ័ក្ដិប្រុស/ស្រី និងជាអ្នកពិគ្រោះយោបល់ដ៏ល្អក្នុងពេលតែមួយ
លើសពីពាក្យថា "ស្នេហា" ពួកគេក៏អាចជ្រៀតចូលទំនាក់ទំនងក្នុងន័យ មិត្តភ័ក្ដិ អ្នកពិគ្រោះយោបល់ក្នុងពេលតែមួយបានផងដែរ។ ដូចអ្នកស្រាប់ហើយរឿងខ្លះ ចង់ជជែកគ្នាឲ្យឆាប់យល់ លុះត្រាតែជាភេទដូចគ្នា ហើយពួកគេក៏រមែងទទួលបានពាក្យណែនាំឆាប់ចំគោលដៅនៃបញ្ហាផងដែរ។
២) អាចស្លៀកពាក់រួមគ្នា
មនុស្សប្រុសពិបាកនឹងយកសំលៀកបំពាក់មនុស្សស្រីមកប្រើប្រាស់បន្តិច ប៉ុន្តែបើជាភេទដូចគ្នា នោះមិនថាតែខោអាវ ស្បែកជើង មួក ឬសូម្បីតែរបស់លំអខ្លួនក៏ពួកគេអាចប្រើប្រាស់រួមគ្នាបានដែរ។អ៊ីចឹងរាល់ពេលដើរ Shopping ម្តងៗ គឺសម្រេចចិត្តរួមគ្នា ហើយយកមកអាចប្រើប្រាស់បានទាំងពីរមិនសូវចំណាយច្រើន។
១) មិនបារម្ភពីការមានផ្ទៃពោះ
ក្នុងទំនាក់ទំនងស្នេហាខ្លះ បុរសនិងស្រ្តី មិនចង់បានកូននោះទេ ហើយពួកគេចង់រស់នៅឯករាជ្យតែជាមួយគូស្នេហ៍ដែលពួកគេស្រលាញ់។ បែបនេះការស្រលាញ់ភេទដូចគ្នា មិនអាចផ្តល់ឱកាសឲ្យអ្នកពពោះបានឡើយ បែបហ្នឹងក៏ពុំមានកូនតូចមកក្នុងជីវិតអ្នកអ្វីនោះដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
