ទម្លាប់សាមញ្ញ ៥ គួរជៀសវាង ប្រយ័ត្នចាស់ទៅខូចឆ្អឹងខូចឆ្អែងដោយមិនដឹងមូលហេតុ
សកម្មភាពនិងទម្លាប់នៃការរស់នៅប្រចាំថ្ងៃ គឺជាកត្តាដែលអ្នកត្រូវតែស្វែងយល់ឲ្យបានច្បាស់ថាអ្វីដែលគួរនិងមិនគួរធ្វើ ព្រោះសកម្មភាពខ្លះវាអាចប៉ះពាល់ដល់សុខភាពធ្ងន់ធ្ងរទៅថ្ងៃខាងមុខ។
ខាងក្រោមយើងបង្ហាញអំពីទម្លាប់ ៥ ដែលអ្នកគួរជៀសវាង ប្រយ័ត្នចាស់ទៅឈឺចុកចាប់សន្លាក់ ហើយមានបញ្ហាឆ្អឹងដោយមិនដឹងមូលហេតុ៖
៥) ទម្លាប់អង្គុយគងអន្ទាក់ខ្លា
អង្គុយគងអន្ទាក់ខ្លាញឹកញាប់អាចធ្វើឲ្យខ្លួនឯងកាន់តែមានសម្ពាធដល់ផ្នែកឆ្អឹងខ្នង ព្រោះវាធ្វើឲ្យតំបន់ចង្កេះ និងសាច់ដុំពោះស្ថិតក្នុងដំណើរការដែលគ្មានតុល្យភាព។ ទម្លាប់អង្គុយបែបនេះវានឹងធ្វើឲ្យចាស់ទៅអ្នកឧស្សាហ៍ឈឺឆ្អឹងខ្នង ហើយឥរិយាបថនៃការអង្គុយល្អបំផុតគឺដាក់ជង្គង់ឲ្យទាបស្មើនឹងកម្ពស់ត្រគាក។
៤) ការគេងផ្កាប់មុខ
ការគេងផ្កាប់មុខដូចបង្ហាញក្នុងរូបភាព កុំថាជាឥរិយាបថល្អ ដោយតាមការស្រាវជ្រាវគឺវាធ្វើឲ្យអ្នកឆាប់ឈឺកនិងផ្នែកខ្នង។ ទម្លាប់គេងបែបនេះយូរ ក៏នាំឲ្យអ្នកមានអាការៈឈឺក្បាលក្រោយក្រោកពីគេងផងដែរ។
៣) អង្គុយកន្ធែក
មនុស្សជាច្រើនទម្លាប់អង្គុយកន្ធែកជើងដូចជានៅពេលសម្អាតសំលៀកបំពាក់ ឬលានចានលាងបន្លែអ្វីជាដើម។ យ៉ាងណាមិញឥរិយាបថអង្គុយបែបនេះ អាចបង្កគ្រោះថ្នាក់ខ្លាំងដល់រាងកាយ ដោយតាមអ្នកជំនាញណែនាំកុំឲ្យអង្គុយបែបហ្នឹងលើសពី ២០ នាទី។
៤) ដេកនៅលើសាឡុងដោយមិនពេញខ្លួន
ទម្លាប់មនុស្សមួយចំនួនរមែងដេកខ្លួនពាក់កណ្តាលនៅលើសាឡុង ហើយខ្លួនពាក់កណ្តាលទម្លាក់ទៅក្រោមក្នុងពេលមើលទូរទស្សន៍ ឬលេងហ្គេមជាដើម។ សកម្មភាពនេះអាចនាំឲ្យសាច់ដុំតឹង និងកើតជំងឺម្យ៉ាងឲ្យឈ្មោះថា Scoliosis។
៥) ឱនក្បាលចុចទូរសព្ទរាប់ម៉ោង
ស្មាតហ្វូនគេពេញនិយមនៅជាប់សឹងគ្រប់ដៃមនុស្ស អ្នកខ្លះក៏មានទម្លាប់នៃការចុចប្រើប្រាស់ត្រឹមត្រូវ ខ្លះក៏មិនត្រូវអាចនាំឲ្យប៉ះពាល់សុខភាពរាងកាយលឿនបំផុត។ ចូរទម្លាប់ចុចទូរសព្ទឲ្យស្ថិតនៅកម្ពស់នឹងខ្សែភ្នែក ធ្វើបែបណាកុំឲ្យយើងខ្លួនឯងឱនក្បាលខ្លាំងពេក ព្រោះវាងាយធ្វើឲ្យឈឺស្មា និងឆ្អឹងខ្នងឆាប់ខូច។ ក្នុងមួយថ្ងៃបើអាចកុំឱនក្បាលចុចទូរសព្ទលើសពី ១៥ នាទី៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
