អាហារ ៤ ប្រភេទដែលសម្បូរជាតិអូមេហ្គា-៣ ល្អចំពោះអ្នកកើតជំងឺបាក់ទឹកចិត្ត (Depression)
អាហារដែលយើងទទួលទានសព្វថ្ងៃ តើអ្នកបានដឹងអស់ទេ វាមានផ្ទុកសារធាតុចិញ្ចឹមល្អ និងផលប៉ះពាល់អ្វីខ្លះ? ប្រសិនអ្នកសិក្សាស៊ីជម្រៅនិងបានដឹងច្រើនពាក់ព័ន្ធនឹងអត្ថប្រយោជន៍នៃអាហារនីមួយៗ នោះសុខភាពរបស់អ្នកនឹងមានភាពល្អប្រសើរ ហើយមិនងាយជួបប្រទះជំងឺឈឺថ្កាត់អ្វីឡើយ។
ថ្ងៃនេះ Knongsrok នាំអ្នកទាំងអស់គ្នាឲ្យបានដឹងអំពី អូមេហ្គា-៣ និងអត្ថប្រយោជន៍របស់វាចំពោះសុខភាព?
អូមេហ្គា-៣ គឺជាអាស៊ីតខ្លាញ់ដ៏សំខាន់មួយ វាមានសារៈសំខាន់លើមុខងារផ្សេងៗនៅក្នុងខ្លួន ដែលអាស៊ីតខ្លាញ់រាងកាយរបស់យើងមិនអាចបង្កើតឡើងដោយខ្លួនឯងបានទេ បែបនេះហើយទាមទារឲ្យយើងត្រូវទទួលទានអាហារដែលមានផ្ទុកសារជាតិអូមេហ្គា-៣ តួយ៉ាងដូចជាត្រី គ្រាប់ធញ្ញជាតិអ្វីជាដើម។
ប្រភេទអាហារដែលមានផ្ទុកសារជាតិអូមេហ្គា-៣ រួមមានដូចជាត្រីស្បៃកា អូយស្ទឺរ សារ៉ាយសមុទ្រ និងអាហារសមុទ្រ។ និយាយពីអត្ថប្រយោជន៍ដល់សុខភាពមានដូចខាងក្រោម៖
កាត់បន្ថយហានិភ័យកើតជំងឺបាក់ទឹកចិត្ត (Depression)
អ្នកដែលមានជំងឺបាក់ទឹកចិត្តឬឆាប់ធុញថប់អារម្មណ៍ សូមទទួលទានអាហារដែលមានផ្ទុកសារជាតិអូមេហ្គា-៣ ព្រោះវាអាចកាត់បន្ថយជំងឺទាំងនោះបានលឿន។
ល្អចំពោះសុខភាពភ្នែក
ក្នុងអាស៊ីតខ្លាញ់វាមានផ្ទុកនូវ DHA ដែលជាគ្រោងយ៉ាងសំខាន់សម្រាប់ភ្នែក ហើយក៏អាចជួយការពារនៅការពិការភ្នែកផងដែរ។
កាត់បន្ថយការរលាក
វាក៏មានគុណសម្បត្តិក្នុងការកាត់បន្ថយការផលិតម៉ូលេគុល និងសារធាតុដែលទាក់ទងនឹងការរលាកដូចជា Eicosanoids និង Cytokines ជាដើម ហើយក៏ជួយកាត់បន្ថយការរលាកនៃជំងឺរ៉ាំរ៉ៃផ្សេងៗផងដែរ។
ប្រឆាំងនឹងជំងឺអូតូអ៊ុយមីន
អូមេហ្គា-៣ ក៏អាចប្រឆាំងនឹងការកើតជំងឺដូចជាទឹកនោមផ្អែមប្រភេទ ១ ជំងឺរលាកសន្លាក់ និងជំងឺដំបៅលើស្បែកណាមួយជាដើម៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
