បើកូរពោះពាក់កណ្តាលយប់ អាចទៅបើកទូរកអាហារ ៣ ប្រភេទនេះ ញុាំច្រើនប៉ុណ្ណាក៏មិនធាត់
ជឿថាមានមនុស្សជាច្រើនប្រាកដជាធ្លាប់ជួប សុខៗនៅពាក់កណ្តាលយប់ក៏កូរពោះ ហាក់ដូចជាមិនទាន់ឆ្អែតនូវការទទួលទានពីភ្លឺ ហើយបើមិនរកអ្វីមកប៉ះប៉ូវក្រពះទេ គឺចូលគេងមិនលក់ឡើយ។
តាមការណែនាំពីអ្នកជំនាញ បានបង្ហាញនូវអាហារ ៣ ប្រភេទ ដែលអ្នកអាចទទួលទានបាននៅពាក់កណ្តាលយប់ ហើយបរិភោគច្រើនប៉ុណ្ណាក៏មិនឡើងទម្ងន់នោះដែរ។
៣) ផ្លែប៉ោម
មិនថាប្រភេទផ្លែប៉ោមក្រហមឬបៃតងគឺសុទ្ធតែល្អដូចគ្នា ព្រោះវាមានផ្ទុកសារធាតុសរសៃខ្ពស់ ហើយឆាប់ចម្អែតក្រពះបានលឿន និងមានជាតិកាឡូរីទាប។
២) ផ្លែក្រូច
ផ្លែក្រូចមានផ្ទុកនូវជាតិវីតាមីន C ហើយក៏មានជាតិកាឡូរីទាបដែរ នាំឲ្យការទទួលទានពុំចាំបាច់ព្រួយបារម្ភដល់ការឡើងទម្ងន់អ្វីឡើយ។ ដោយឡែកសម្រាប់អ្នកនិយមធ្វើការដាច់យប់ អាចទទួលទានផ្លែក្រូចបាន ព្រោះវាមានផ្ទុកជាតិទឹកនិងផ្អែមលាយជូរ ដែលអាចកាត់បន្ថយភាពតានតឹងក្នុងអារម្មណ៍បាន។
១) តៅហ៊ូ
ទទួលទានតៅហ៊ូក៏ល្អដូចគ្នា ហើយមិនឲ្យអ្នកឡើងទម្ងន់ទេ តែកុំដាក់ស្ករខ្លាំងពេក។ តៅហ៊ូក៏មានផ្ទុកប្រភេទអាស៊ីត Tryptophan ដែលជួយឲ្យអ្នកឆាប់គេងលក់ស្កប់ស្កល់ផងដែរ៕
ព័ត៌មានថ្មីៗ
