មនុស្សស្រីត្រូវលះបង់រឿង២យ៉ាង ហើយរក្សាឱ្យបាន ៣យ៉ាងនេះ
សុភមង្គលពិតជាមិនអាចរកបានដោយងាយស្រួលឡើយ ហើយជាពិសេសសម្រាប់ស្ត្រី ព្រោះជីវិតមិនដូចក្តីសុបិន និងការប្រាថ្នាចង់បានទេ។ ប៉ុន្តែប្រសិនបើអ្នកដឹងរឿងទាំងនេះ ប្រាកដណាស់ជីវិតនេះនឹងមានភាពសប្បាយរីករាយ និងសន្តិភាពពិតប្រាកដ។
នៅក្នុងជីវិតនេះមានរឿងជាច្រើនដែលយើងត្រូវរក្សាទុក ប៉ុន្តែក៏មានរឿងដែលយើងត្រូវលះបង់ផងដែរ។ ជាមួយនឹងអ្វីដែលសំខាន់បំផុតដូចជាខ្លួនអ្នក គ្រួសារអ្នក ឬបុរសល្អនៅក្បែរអ្នក អ្នកត្រូវតែថែរក្សាឱ្យបានល្អ។
ហើយរឿងដែលមានតែនាំមកនូវភាពអវិជ្ជមានទៅនឹងជីវិតដូចជា អតីតកាលដ៏ក្រៀមក្រំ ឬទំនាក់ទំនងមិនល្អ អ្នកក៏គួរតែប៉បង់ចោល ដើម្បីឱ្យជីវិតនេះមានសេចក្ដីសុខឡើងវិញ។
១. ស្ត្រីគួរតែចេះលះបង់រឿង២យ៉ាងនេះ
- រឿងដំបូងគឺជាអតីតកាលដ៏តក់ស្លុត ៖ នេះគឺជាអ្វីដែលមនុស្សជាច្រើនមាន ប៉ុន្តែមិនមែនគ្រប់គ្នាត្រូវតែថែរក្សាវាទុកនោះឡើយ។ អនុស្សាវរីយ៍សោកនាដកម្មនឹងធ្វើឱ្យអ្នកកាន់តែអស់កម្លាំង និងប៉ះពាល់ដល់អារម្មណ៍របស់អ្នកនាពេលបច្ចុប្បន្ន តទៅអនាគត។
ដូច្នេះស្ត្រីក្លាហាននឹងដឹងពីរបៀបបោះបង់យអតីតកាលមិនល្អនោះ ព្រោះទោះបីជាអ្នកព្យាយាមរក្សាវាទុក ក៏វាមិនបានអ្វីមកវិញដែរ មានតែទុក និងកាន់តែឈឺចាប់។ អ្នកគ្រាន់តែត្រូវការទទួលយកវាជាផ្នែកមួយនៃជីវិតរបស់អ្នក ហើយបន្ទាប់មកទទួលបានស្មារតីដើម្បីរស់នៅដោយសប្បាយរីករាយ និងពោរពេញដោយថាមពលឡើងវិញ។
- រឿងទីពីរគឺទំនាក់ទំនងមិនល្អ ៖ ទំនាក់ទំនងទាំងនេះអាចលេចឡើងគ្រប់ទីកន្លែងជុំវិញយើង ពួកគេច្រើនតែមកពីមនុស្សដែលមិនល្អចំពោះអ្នកប្រហែលជាទាញយកប្រយោជន៍ពីអ្នក ឬនាំរឿងអវិជ្ជមានមកឱ្យអ្នក។
ដូច្នេះ វាក៏មិនមានហេតុផលអ្វី ដែលអ្នកត្រូវរក្សាទំនាក់ទំនងអត់ប្រយោជន៍បែបនេះឡើយ។ វាជារឿងដែលល្អប្រសើរ បើអ្នកចេះបោះបង់ចោលនូវទំនាក់ទំនងអត់បានការទាំងនេះ បើទោះបីជាយើងមានិត្ត ឬទំនាក់ទំនងតិចតួចក៏ដោយ វាក៏ល្អជាងមានទំនាក់ទំនង និងស្គាល់មនុស្សច្រើន តែសុទ្ធតែមិនល្អ ឬក្លែងក្លាយ។
២. ស្ត្រីគួរតែថែរក្សារឿង ៣ យ៉ាង
- រឿងដំបូងគឺខ្លួនអ្នកផ្ទាល់ ៖ ស្ត្រីដែលមានប្រាជ្ញានឹងមិនបាត់បង់ខ្លួនឯងឡើយ។ ព្រោះមានតែពេលដែលយើងចេះស្រឡាញ់ និងថែរក្សាខ្លួនយើងឱ្យបានល្អ និងនាំតម្លៃឱ្យខ្លួនឯងច្រើនប៉ុណ្ណោះ នោះជីវិតរបស់យើងនឹងមានសុភមង្គលពេញលេញ។
ហេតុដូច្នេះហើយស្ត្រីគួរតែដឹងពីរបៀបដើម្បីចិញ្ចឹមខ្លួនឯង មិនត្រឹមតែនៅក្នុងរូបរាងប៉ុណ្ណោះទេ ប៉ុន្តែក៏មានបញ្ញា និងខាងស្មារតីផងដែរ។ ស្ត្រីនឹងត្រូវបានគោរព និងស្រឡាញ់ជានិច្ចនៅពេលនេះ។
- រឿងទីពីរគឺគ្រួសារ ៖ សម្រាប់ស្ត្រីគ្រួសារមានសារៈសំខាន់ណាស់ ពួកគេជាមនុស្សដែលនៅជិតអ្នកបំផុតក្នុងនាមជាឪពុកម្តាយ បងប្អូន ប្តី និងកូនៗ។
ពួកគេទាំងអស់នឹងនាំមកនូវសុភមង្គលដ៏អស្ចារ្យដល់ជីវិតអ្នក ដូច្នេះអ្នកត្រូវតែសាងសង់ និងថែរក្សាគេហដ្ឋានរបស់អ្នកឱ្យបានល្អ ចំណាយពេលជាមួយពួកគេឱ្យបានច្រើន តាមដែលអាចធ្វើទៅបាន។
- រឿងទីបីគឺប្តីប្រពន្ធល្អ និងស្មោះត្រង់ ៖ ប្រហែលជាមិនមែនគ្រប់គ្នាសុទ្ធតែមានសំណាងបានជួបបុរសបែបនេះទេ។ ដូច្នេះប្រសិនបើអ្នកមានគូល្អនៅក្បែរអ្នក អ្នកត្រូវតែថែរក្សាចំណងគូមួយនេះឱ្យបានល្អ ដោយសារតែពួកគេនឹងក្លាយជាអ្នកគាំទ្រដ៏រឹងមាំបំផុត ហើយក៏ជាកន្លែងដែលមានសន្តិភាពបំផុតសម្រាប់អ្នកដើម្បី និងផ្ដល់ភាពកក់ក្ដៅដល់អ្នកពេញមួយជីវិតផងដែរ។
៣. ស្ត្រីត្រូវតែស្គាល់មនុស្ស៣ប្រភេទនេះឱ្យបានច្បាស់
- មនុស្សទី១ គឺមនុស្សដែលក្បត់ចិត្តអ្នក ៖ មនុស្សទាំងនេះកាន់តែធ្វើឱ្យយើងសោកសៅកាន់តែច្រើន ព្រោះតែគេ ទើបយើងទទួលរងការឈឺចាប់។
មនុស្សនោះបានធ្វើឱ្យអ្នកឈឺចាប់ ហើយក៏បន្សល់នូវការឈឺចាប់ឱ្យអ្នករហូតដល់ថ្ងៃក្រោយ។ ដូច្នេះអ្នកត្រូវតែចងចាំគេ ហើយត្រូវរស់នៅឱ្យបានប្រសើរ ដើម្បីឱ្យគេឃើញថា អត់គេ ទោះគេក្បត់យើង ក៏យើងនៅតែរស់នៅបានល្អ និងមានក្ដីសុខ។
- មនុស្សទី ២ មិនស្មោះត្រង់ ៖ ជាមួយមនុស្សទាំងនេះអ្នកត្រូវតែមានភាពម៉ឺងម៉ាត់ជាងមុនក្នុងការលះបង់ មិនមែនដើម្បីភ្ជាប់ ឬអាណិតអាសូរឡើយ។ ព្រោះនៅក្នុងស្នេហាពិតនឹងសម្លាប់ទាំងអារម្មណ៍ និងខ្លួនឯង។
មានមនុស្សជាច្រើននៅទីនោះដែលផ្តល់ឱ្យអ្នកនូវអារម្មណ៍ដ៏ស្មោះត្រង់ ដូច្នេះមិនចាំបាច់ខ្ជះខ្ជាយពេលវេលាដ៏មានតម្លៃសម្រាប់មនុស្សដែលកុហក និងមិនស្មោះចំពោះអ្នកនោះឡើយ។
- មនុស្សទីបី គឺជាប្រភេទមនុស្សដែលតែងតែធ្វើឱ្យអ្នកឈឺចាប់ ៖ កាលណាមនុស្សទាំងនេះមើលឃើញអ្នកកាន់តែស្ងាត់ ពួកគេបន្ទាបខ្លួនអ្នកកាន់តែច្រើន ពួកគេនឹងរំលោភបំពានលើអ្នកមិនខាន។
ពួកគេអាចមិនត្រឹមតែធ្វើឱ្យអ្នកតូចចិត្តប៉ុណ្ណោះទេ ប៉ុន្តែថែមទាំងប៉ះពាល់ដល់គ្រួសារអ្នកទៀតផង។ ដូច្នេះអ្វីដែលសាមញ្ញបំផុតដែលអ្នកត្រូវធ្វើនៅពេលនេះ គឺត្រូវបោះបង់ចោលទំនាក់ទំនងជាមួយមនុស្សនោះ ដូច្នេះជីវិតរបស់អ្នកតែងតែមានសេចក្តីស្រឡាញ់ និងសុភមង្គលជានិច្ច។
ជីវិតតែងតែមានការភ្ញាក់ផ្អើល សុភមង្គល ឬទុក្ខវេទនាដែលគ្មាននរណាម្នាក់ដឹងជាមុន ប៉ុន្តែគ្រាន់តែចាំរឿងទាំងនេះនឹងជាការណែនាំដើម្បីជួយអ្នកឱ្យដើរលើផ្លូវត្រូវដោយការពារខ្លួនអ្នកមិនឱ្យងាកចេញពីគន្លងដ៏ប្រសើរ។
ជាពិសេសសម្រាប់ស្ត្រីដែលចេះគិត ហើយទុកឱ្យរឿងអវិជ្ជមានចោលមួយឡែក អ្នកនឹងមានភាពរឹងមាំឡើងវិញដូច្នេះវានឹងមានសុភមង្គល និងសន្តិភាពតាមដែលអ្វីដែលអ្នកចង់បាន៕
ប្រភព ៖ Bestie / ប្រែសម្រួល ៖ Knongsrok
ព័ត៌មានថ្មីៗ
