បើមិនចង់ស្តាយក្រោយ មុនរៀបការស្រីៗគ្នាយើងគួរធ្វើរឿង ៥ យ៉ាងនេះឲ្យហើយសិន
ការដែលមានជីវិតអាពាហ៍ពិពាហ៍ អាចថាស្រួលក៏ស្រួល ពិបាកក៏ពិបាក ហើយមានរឿងមួយចំនួនអ្នកក៏មិនអាចត្រលប់ពេលវេលាមកធ្វើវិញដែរ នៅពេលដែលមានគ្រួសារ។
បែបនេះមុនសម្រេចចិត្តរៀបអាពាហ៍ពិពាហ៍ គ្នាយើងនារីៗគួរតែឆ្លងកាត់ការធ្វើរឿង ៥ នេះឲ្យហើយសិន៖
១) ភ្លក់រសជាតិស្នេហ៍ជាមួយដៃគូលើសពីមួយ
ន័យនេះចង់សំដៅដល់ការទទួលបានបទពិសោធន៍ពីទំនាក់ទំនងស្នេហាជាមួយដៃគូ ដែលអាចលើសពីមួយក៏ល្អ ព្រោះយើងអាចដឹងច្រើនអំពីរឿងរ៉ាវផ្សេងៗ និងរៀនការពារខ្លួនឯងនៅពេលមានស្វាមីដែលជាគូជីវិតច្បាស់លាស់។ ប៉ុន្តែមិនមែនណែនាំឲ្យមនុស្សស្រីចាំបាច់ត្រូវតែមានសង្សារច្រើនទេ ព្រោះបើចាស់ចិត្តចាស់គំនិតដោយខ្លួនឯងក្នុងរឿងរ៉ាវស្នេហានោះ ច្បាស់ជាមួយនរណា ការជាមួយអ្នកហ្នឹងតែម្តងក៏ល្អដែរ។
២) មានការងារដែលអាចចិញ្ចឹមខ្លួនឯង
កុំពឹងលើប្តី ហើយអ្នកគួរតែរៀនរស់ដោយខ្លួនឯង ព្រោះយើងក៏មិនអាចធានាថាគេនឹងនឹងនៅជាមួយយើងរហូតដែរ។ រឿងខ្លះយើងមើលមិនឃើញទេ អ៊ីចឹងគួរមានផ្លូវបង្កើតចំណូលមួយដោយខ្លួនឯង ហើយប្រសិនប្តីរកបានទៀត នោះចំណូលក្នុងគ្រួសារក៏កាន់តែកើន វាគ្មានរឿងអ្វីដែលមិនល្អទេ។
៣) ធ្វើដំណើរកម្សាន្តឬធ្វើអ្វីដែលអ្នកស្រលាញ់
នារីៗមុនរៀបការគួរប្រលូកក្នុងការដំណើរកម្សាន្តជាមួយមិត្តភ័ក្ដិ ឬដំណើរកម្សាន្តម្នាក់ឯងឲ្យអស់ចិត្តសិនទៅ ព្រោះនៅពេលមានស្វាមី ក៏នឹងមានកូនទៀតដែរ អ៊ីចឹងបទពិសោធន៍ចង់ទៅណាមកណាតែឯងឬជាមួយមិត្តភ័ក្ដិនឹងត្រូវកាត់បន្ថយហើយ។
៤) ចំណាយពេលជាមួយឪពុកម្តាយបង្កើត
មិនមែនថាពេលមានប្តីហើយ យើងលែងមានពេលជាមួយឪពុកម្តាយបង្កើតយើងទេ តែត្រូវចាំថាជីវិតគូ អ្នកនឹងទទួលបន្ទុកធ្ងន់ជាងជីវិតតែម្នាក់ឯង។ បែបនេះទាំងការបារម្ភ ការទំនុកបម្រុងអ្នកមានគុណ ក៏ជឿថាមិនបានល្អឥតខ្ចោះដូចមុនដែរ។ ចំណុចហ្នឹងហើយ មុនយកគ្រួសារ អ្នកគួរចំណាយពេលវេលាធ្វើរឿងខ្លះសម្រាប់ពួកគាត់សិន។
៥) ដើរតាមចំណូលចិត្ត
មិនថាតែការងារ ការរកស៊ី ឬការធ្វើរឿងអ្វីមួយ ជាទូទៅមនុស្សយើងប្រាកដជាមានចំណូលចិត្តពីកំណើត។ បើអ្នកចង់អភិវឌ្ឍ ឬបង្កើតអ្វីមួយ ហើយប្រសិនមានឱកាសគួរចាប់ផ្តើមបណ្តើរៗទៅ ដើម្បីបំពេញក្តីស្រមៃរបស់ខ្លួនឯង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
