១០ចំណុចនេះហើយ ដែលបញ្ជាក់ថា អ្នកជាមនុស្សស្រីដែលឆ្លាត និងរឹងមាំបំផុត
មកដល់សម័យនេះហើយ មិនមានអ្នកណាអាចធ្វើជាមនុស្សស្រីគ្រប់ល័ក្ខណ៍ ដែលមានចំណុចល្អ ឬគុណសម្បត្តិដល់ទៅ៩៩ចំណុចនោះឡើយ។ ប៉ុន្តែមនុស្សស្រីត្រូវចាំថា ប្រសិនបើអ្នកមានចំណុចត្រឹមតែ១០ខាងក្រោមនេះ នោះក៏អាចបង្ហាញថា អ្នកជាមនុស្សស្រីដែលឆ្លាត ពូកែ និងរឹងមាំបំផុតហើយ។
1. ចេះដឹងគុណ
នាងនឹងមិនភ្លេចពីគុណធម៌របស់មនុស្សឡើយ។ ហើយនាងនឹងតបស្នងដល់មនុស្សដែលតែងតែមានចិត្តល្អចំពោះអ្នក ជាពិសេសគឺ ឪពុកម្ដាយ គ្រូបាអាចារ្យ ដែលតែងតែបីបាច់ថែរក្សា ការពារនាងតាំងពីតុច រហូតដល់ធំដឹងក្ដី។
2. មិនអំនួត ក្រអើតក្រទម
នាងជាមនុស្សស្រីម្នាក់ដែលមើលទៅស្អាតជាងអ្នកដទៃ ចំណេះដឹង និងអត្តចរិតក៏ល្អ អ្វីដែលសំខាន់ នាងពូកែចេះដឹង ប៉ុន្តែនាងនៅតែជាមនុស្សស្រីម្នាក់ដែលសាមញ្ញបំផុត មិនអំនួត មិនមើលងាយ ឬប្រមាថអ្នកណាម្នាក់ ទោះបីដឹងថា គេអន់ជាងខ្លួនក៏ដោយ។
3. នាងស្គាល់ខ្លួនឯងច្បាស់
ពួកគេនឹងមិនដើរតាមទិសដៅណាមួយទេ ពីព្រោះនាងដឹងពីគោលដៅនៅក្នុងជីវិតរបស់នាង។ អ្វីដែលចង់បានពិតប្រាកដ នាងស្គាល់ និងដឹងច្បាស់ពីគោលបំណងរបស់ខ្លួនឯង ដាច់ខាតមិនឱ្យអ្នកណាមកកាច់ចង្កូតជីវិតនាងជំនួសនាងឡើយ។
4. នាងមិនតាមដានពីអតីតកាល ហើយនាងនឹងរៀនពីអតីតកាល
នាងមិននៅត្រាំត្រែងឈឺចាប់ ព្រោះតែអតីតកាលដែលកន្លងឡើយ ប៉ុន្តែនាងមានផែនការសម្រាប់ពេលអនាគត។ នាងនឹងដឹងខ្លួនជានិច្ចអំពីបច្ចុប្បន្ន ហើយនាងនឹងធ្វើអ្វីគ្រប់យ៉ាងឱ្យអស់ពីសមត្ថភាព ដើម្បីសម្រេចបំណង និងឆ្ពោះទៅរកអនាគតដែលនាងបានគូសដៅ។
5. នាងមានទំនុកចិត្តនៅខាងក្នុង
នាងនឹងមិននិយាយជាមួយនរណាម្នាក់ទេ ហើយនាងនឹងនិយាយដោយបន្ទាបខ្លួន។ ដោយមានទំនុកចិត្តខ្ពស់ចំពោះខ្លួនឯង។ មិនអំនួតខាងក្រៅ ប៉ុន្តែមិនបោះបង់នូវទំនុកចិត្តដែលខ្លួនឯងបានឡើយ។
6. នាងដឹងថានាងបានឈ្នះបេះដូងផ្ទាល់ខ្លួនរបស់នាង
ធ្វើជាប្តីប្រពន្ធសប្បាយចិត្ត ការនៅម្នាក់ឯងក៏សប្បាយចិត្តដែរ។ នាងនឹងកំណត់ខ្លួនឯង តើជីវិតអាចសប្បាយរីករាយយ៉ាងដូចម្តេច? មិនថានៅលីវ ឬមានគ្រួសារទេ នាងនឹងអាចយកឈ្នះលើបេះដូងខ្លួនឯងបានជានិច្ចុំ
7. នាងស្រស់ស្អាតតាមរបៀបរបស់នាង
នាងមិនគិតថានាងស្អាតជាងគេនោះទេ តែនាងស្អាតព្រោះនាងពេញចិត្តនឹងសម្រស់របស់នាង។ មិនថាអ្នកដទៃគិត ឬមើលមកនាងក្នុងសភាពបែបណាឡើយ តែអ្វីដែលសំខាន់ គឺនាងស្រឡាញ់ ពេញចិត្ត និងដឹងថាខ្លួននាងស្អាត តាមរបៀបនាងខ្លួនឯង។
8. នាងគិតពីខ្លួនឯង
មិនមែនជាមនុស្សអាត្មានិយមនោះឡើយ ប៉ុន្តែយ៉ាងណាក៏ដោយ នាងជាមនុស្សដែលត្រូវគិតអំពីខ្លួនឯងជានិច្ច មិនភ្លេចខ្លួន ក៏មិនឱ្យអ្នកណាមកធ្វើបាបនាងបានដែរ ជាពិសេសគឺ មិនឱ្យខ្លួនឯងធ្លោយធ្លាក់ខ្លួនឈឺចាប់ព្រោះតែស្នេហា ឬត្រូវតោងទាម ផ្គាប់ចិត្តអ្នកណាឡើយ។
9. នាងនឹងអភ័យទោសជានិច្ច
ការអភ័យទោស គឺជាការធ្វើទានដ៏មានតម្លៃ មានតែមនុស្សដែលមានស្មារតីរឹងមាំប៉ុណ្ណោះដែលអាចធ្វើវាបាន។ ដូច្នេះ នាងអាចអភ័យដល់អ្នកដែលបានធ្វើខុសជានិច្ច ព្រោះតែនាងមានបេះដូងធំទូលាយ និងចិត្តគំនិតរឹងមាំពិតប្រាកដ នាងក៏មិនមានអ្វីដែលត្រូវទៅចងចិត្តគុំកួននឹងអ្នកណានោះឡើយ។
10. ចិត្តធ្ងន់ មានហេតុផល
ច្បាស់ណាស់ថា នៅពេលដែលអ្នកជាមនុស្សចិត្តធ្ងន់ ចេះអំណត់ អត់ធ្មត់ អ្នកក៏ជាមនុស្សដែលមានហេតុផលច្បាស់លាស់ ចិត្តគំនិតក៏នឹងន អាចរក្សាជំហខ្លួនឯងបានជានិច្ច ចំណុចនេះហើយ ដែលធ្វើឱ្យអ្នកក្លាយជាមនុស្សដែលរឹងមាំបំផុត ព្រោះមិនចេះឆេវឆាវ ឡូឡាផ្ដេសផ្ដាស៕
ប្រភព ៖ pentahugs /. ប្រែសម្រួល ៖ Knongsrok
ព័ត៌មានថ្មីៗ
