ស្រីៗគួរចៀសបុរស ៥ ប្រភេទនេះ បើរៀបការជាមួយគឺមានតែទឹកភ្នែកទឹកសម្បោរតែប៉ុណ្ណោះ
ការជ្រើសរើសដៃគូអាពាហ៍ពិពាហ៍ វាេពិតជាសំខាន់ណាស់ ជាពិសេសសម្រាប់ស្រីៗ អ្នកគួរតែពិចារណា និងសង្កេតលើបុគ្គលិកលក្ខណៈរបស់មនុស្សដែលអ្នកបានជ្រើសរើស ប្រសិនបើអ្នកសង្កេតឃើញមាន៥ចំណុចនេះ សូមចៀសឱ្យឆ្ងាយ កុំពាក់ព័ន្ធ យកខ្លួនទៅបៀតឱ្យសោះ។
១. ទាមទារ បង្គាប់មិនចេះឈប់
មនុស្សប្រុសប្រភេទនេះ តែងតែព្យាយាមទាមទារ និងគាប់បញ្ជាដល់ដៃគូមិនចេះចប់ ដោយមិនខ្វល់ ឬគិតពីអារម្មណ៍របស់ដៃគូឡើយ សំខាន់ឱ្យតែអាចតម្រូវទៅតាមចិត្តគំនិតរបស់គេ។ ហើយមនុស្សប្រភេទនេះដែរ គេក៏ហៅថាមនុស្សផ្ដាច់ការ ឬអាត្មានិយម គេនឹងមិនដែលផ្ដល់អ្វីដល់អ្នកនោះឡើយ គឺមានតែទាមទារចង់បានតែម្យ៉ាងប៉ុណ្ណោះ។
២. ពូកែតែបង្អាប់ និងនិយាយអាក្រក់ពីក្រោយខ្នង
នៅពេលនាងនៅជាមួយប្តីបែបនេះ ស្ត្រីនោះពិតជានឿយហត់ និងមិនសប្បាយចិត្តឡើយ។ ពេលគាត់នៅជាមួយអ្នក គាត់អាចផ្អែមល្ហែម ប៉ុន្តែពេលនៅក្រោយខ្នងអ្នក គាត់នឹងនិយាយអាក្រក់ពីអ្នក បង្អាប់អ្នកប្រាប់អ្នកផ្សេង។ មនុស្សបែបនេះធ្វើឱ្យជីវិតរបស់អ្នកពោរពេញទៅដោយការកុហក រឿងអាក្រក់ និងមិនទុកចិត្តគ្នា។
៣. ធ្វេសប្រហែសនឹងអាពាហ៍ពិពាហ៍
ប្រសិនបើបុរសម្នាក់មិនស្គាល់អ្នកច្រើនមិនដឹងពីអ្វីដែលអ្នកចូលចិត្ត អ្វីដែលសប្បាយរីករាយ និងសោកសៅ។ គាត់អាចទុកឱ្យអ្នកនៅម្នាក់ឯង ហើយគាត់បែរជាទៅសប្បាយខាងក្រៅ។ ជាមួយគាត់គ្រាន់តែឱ្យលុយទៅប្រពន្ធគាត់ គឺជាការទទួលខុសត្រូវទាំងអស់។ អាពាហ៍ពិពាហ៍បែបនេះមិនអាចស្ថិតស្ថេរបានទេ។
៤. ប្រភេទមនុស្សដែលលោភលន់ អាត្មានិយម
នេះគឺជាប្រភេទមនុស្សដែលតែងតែមានការប្តេជ្ញាចិត្តដោយខ្លួនឯង ក្នុងគ្រប់បញ្ហាទាំងអស់ ពួកគេតែងតែជ្រើសរើសអ្វីដែលពួកគេចូលចិត្ត តែងតែទិញរបស់របរផ្ទាល់ខ្លួន ... ជាជាងមើលថែប្រពន្ធ និងកូន ៗ ។ បុរសបែបនេះតែងទុកខ្លួនឯងជាមេ ដោយមិនខ្វល់ពីប្រពន្ធកូនឡើយ។ នៅពេលពួកគេលោភលន់ពួកគេគិតតែខ្លួនឯងប៉ុណ្ណោះ។
៥. តាំងខ្លួនជាម្ចាស់លើជីវិតប្រពន្ធ
ចាប់យកបុរសប្រភេទនេះស្ត្រីរងគ្រោះយ៉ាងខ្លាំង។ គាត់តែងតែចាត់ទុកខ្លួនឯងជាម្ចាស់។ ពីទម្លាប់របស់គាត់ក្នុងការសម្រេចចិត្តគ្រប់យ៉ាង គាត់នឹងគ្រប់គ្រងប្រពន្ធរបស់គាត់ បង្ខំប្រពន្ធឱ្យរស់នៅស្របតាមបទដ្ឋានរបស់គាត់។ ប្តីប្រភេទនេះធ្វើឱ្យភរិយាធុញទ្រាន់ និងងាយធ្លាក់ទឹកចិត្ត៕
ប្រភព ៖ Phunutoday / ប្រែសម្រួល ៖ ភី អេក (ក្នុងស្រុក)
ព័ត៌មានថ្មីៗ
