ឥណ្ឌាលក់មីស៊ីល Astra ឲ្យវៀតណាមយកទៅបំពាក់លើយន្តហោះចម្បាំងម៉ាក Su-27 និង Su-30
ប្រទេសឥណ្ឌាបានផ្តល់ឱ្យប្រទេសវៀតណាមនូវផលិតក្នុងស្រុកគឺគ្រាប់មីស៊ីលបាញ់ពីលើអាកាសរយៈចម្ងាយមធ្យម Astra Mk1 Beyond Visual range Air to Air Missile ដើម្បីបំពាក់លើយន្តហោះចម្បាំង Sukhoi-30MK2 របស់ខ្លួន និងយន្តហោះចម្បាំង Su-27 សេរីចាស់ចាស់របស់ខ្លួន។
កិច្ចព្រមព្រៀងនេះធ្វើឡើងនៅក្នុងកិច្ចប្រជុំថ្មីៗនេះរវាងរដ្ឋមន្ត្រីការពារជាតិសហភាពលោក Rajnath Singh និងសមភាគីវៀតណាមឧត្តមសេនីយ៍ Ngo Xuan Lich តាមរយៈវីដេអូខោនហ្វ្រិន ( video-conferencing)។
លើសពីនេះ! ប្រទេសឥណ្ឌាបានធានាដល់ប្រទេសវៀតណាមជួយក្នុងការធ្វើទំនើបកម្មនៃកងកម្លាំងប្រដាប់អាវុធរបស់ខ្លួន ដោយផ្តោតលើការពង្រឹងសមត្ថភាពដែនសមុទ្ររួមទាំងការបណ្តុះបណ្តាលអ្នកបើកយន្តហោះសម្រាប់ការហោះហើរ Su-30 ដែលផលិតដោយរុស្ស៊ី និងហ្វឹកហាត់អ្នកបើកយន្តហោះរបស់ខ្លួន ព្រមទាំងរៀនពីរបៀបការថែរក្សាយន្ដហោះទាំងនេះ។
កាលពីពេលថ្មីៗនេះ កងទ័ពអាកាសឥណ្ឌា IAF បានវ៉ៃចេញមីស៊ីបំពាក់លើយន្តហោះ Astra Mk1 BVR-AAMs សម្រាប់ប្រតិបត្តិការនៅលើកងយន្តហោះ Su-30MKI របស់ខ្លួនទៅឲ្យប្រទេសជាច្រើន បន្ទាប់ពីមានការកម្មង់ច្រើន។
វៀតណាមចង់ទិញឧបករណ៍យោធាជាច្រើន រួមមានប្រព័ន្ធការពារដែនអាកាស Akash របស់ឥណ្ឌា និងឧទ្ធម្ភាគចក្រ Dhruv ក្រៅពីគ្រាប់មីស៊ី BrahMos ទិញពីប្រទេសឥណ្ឌាកាលពីលើកមុនៗ ប៉ុន្តែកិច្ចព្រមព្រៀងមិនបានសំរេចដោយសារហេតុផលជាច្រើនរួមទាំងបញ្ហាថវិកាផងដែរ។
ក្រុមហ៊ុនបច្ចេកវិទ្យាអាវុធឥណ្ឌា L&T បច្ចុប្បន្នកំពុងដំណើរការសាងសង់ទូកល្បាតល្បឿនលឿនចំនួន ១២ គ្រឿងសម្រាប់ឆ្មាំព្រំដែនវៀតណាមហើយការបញ្ជាទិញទូកកងទ័ពជើងទឹកជាច្រើនត្រូវបានគេរំពឹងថានឹងមាននាពេលខាងមុខនេះ៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
