បើមិនចង់រងទុក្ខអស់មួយជីវិត! មនុស្សស្រីត្រូវតែជ្រើសរើសរៀបការជាមួយ « អ្នកមាន »
ជីវិតរៀបការ គឺជារឿងសំខាន់មួយសម្រាប់អនាគតមនុស្សម្នាក់ៗជាពិសេសមនុស្សស្រី តែសម្រាប់មនុស្សស្រី បើមិនចង់ជ្រើសរើសមនុស្សខុសទេ កត្តាសំខាន់ដែលអ្នកត្រូវតែជ្រើសរើសដំបូងនោះគឺ រើសយក «អ្នកមាន» ហើយត្រូវតែចៀសឱ្យឆ្ងាយពី «អ្នកក្រ» ។
#មនុស្សស្រីត្រូវតែរៀបការជាមួយអ្នកមាន
ធ្វេីជាមនុស្សស្រីឆ្លាត ត្រូវតែសម្រេចចិត្តជ្រេីសរេីសរៀបការជាមួយអ្នកមាន ដែលអ្នកមាននៅក្នុងន័យសំខាន់នោះ គឺជាអ្នកមានចិត្ត មានគំនិត និងមានបេះដូងស្មោះ មិនមែនជាមនុស្សដែលមានទ្រព្យសម្បត្តិ លុយកាក់ និងឋានៈយសស័ក្តឡើយ។
តើអ្នកដឹងទេ ទ្រព្យសម្បត្តិលុយកាក់ និងរបស់ក្រៅខ្លួន វាអាចនឹងពិបាករក តែអ្នកក៏អាចប្រឹងប្រែងពួតដៃគ្នាក្នុងនាមជាដៃគូជីវិត ដៃគូប្តីប្រពន្ឌរកបានតាមក្រោយបានដែរ តែចំពោះបុរសដែលជាអ្នកមាន ៖ យល់ចិត្ត មានគំនិត ចេះគោរព អត់ឱន និងឱ្យតម្លៃគ្នាទៅវិញទៅមក ពិបាកនឹងស្វែងរកខ្លាំងណាស់ ហេីយចំណុចទាំងនេះអ្នកក៏មិនអាចកែប្រែ ឬហ្វឹកហាត់ក្រោយការរៀបការបានដែរ ព្រោះអ្នកបានជ្រើសរើសមនុស្សខុសជាដៃគូជីវិតទៅហើយ។
ដូច្នេះមុនសម្រេចចិត្តរៀបការ ស្រីៗត្រូវស្វែងយល់ និងវិភាគឱ្យច្បាស់ថា ត្រូវតែជា " អ្នកមាន " មិនមែនជាអ្នកក្រចិត្ត ក្រគំនិតនោះឡើយ៕
#ចែធំ #កវីលាក់ស្នេហ៍ប្រលោមលោក
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
