សុខចិត្តចេញលុយពីហោប៉ៅខ្លួនឯង លោក ហ៊ុយ យ៉ាឡេង នៅតែបន្តផលិតកម្មវិធី «១ម៉ោងដើម្បីសង្គមជាតិ» ជួយដល់សង្គម ទោះគ្មានការឧបត្ថម្ភគាំទ្រ (មានវីដេអូ)
លោក ហ៊ុយ យ៉ាឡេង ឬហៅ កថាជ័យ គឺជាផលិតករ និងជាម្ចាស់ផលិតកម្មដែលមានស្នាដៃជាច្រើននៅក្នុងការផលិតភាពយន្តដែលសុទ្ធសឹងតែទទួលបានភាពល្បីល្បាញខ្លាំង ដោយខ្សែភាពយន្តចុងក្រោយដែលទទួលបានការគាំទ្រខ្លាំងនោះគឺរឿង «ដើម្បីកូន» ដែលជាភាពយន្តនិយាយពីពលិកម្មរបស់ឪពុកម្នាក់ដើម្បីកូនៗស្តែងពីទឹកចិត្តឪពុកគ្រប់រូបផងដែរ។
បន្ទាប់ពីបានផ្អាកសកម្មភាពភាពយន្តដោយសារតែវិបត្តិកូវីដ១៩ ជិតមួយឆ្នាំពេញ ថ្មីៗនេះលោក ហ៊ុយ យ៉ាឡេង បានង្កើតកម្មវិធីសប្បុរសធម៌មួយដើម្បីជួយសង្គមមានឈ្មោះថា «១ម៉ោងដើម្បីសង្គមជាតិ » ដែលអត្ថន័យកម្មវិធី និងគោលដៅកម្មវិធីផ្តោតទៅ២ចំណុចធំៗ ទី១គឺការចុះធ្វើកម្មវិធីសប្បុរសធម៌ និងជួយដល់សង្គមដោយផ្ទាល់ទៅដល់ប្រជាជន និងទី២គឺការផលិតរឿងអប់រំខ្លីពីសង្គម ជីវិត ច្បាប់ចរាចរណ៍ និងរឿងមានអត្ថន័យជួយដល់សង្គមជាតិជាច្រើនទៀត។ ដោយពេលនេះក្រុមការងារផលិតកម្មវិធី១ម៉ោងដើម្បីសង្គមជាតិ បានចេញធ្វើសកម្មភាពដំបូង ទាក់ទងនឹងការអប់រំចរាចរណ៍ឡានកង់១០ និងវីដេអូរឿងខ្លី វិប្បដិសារីផ្សែងបារី រួមទាំងវីឌីអូអប់រំនិយាយអំពីចរាចរណ៍បើកបរម៉ូតូ ផងដែរ។
តាមការឱ្យដឹងពីលោក ហ៊ុយ យ៉ាឡេង ផ្ទាល់បានបញ្ជាក់ថា៖ «១ម៉ោងដើម្បីសង្គមជាតិ-1Hour For The Nation
ជាកម្មវិធីសប្បុរសធម៌មួយដែលមានន័យថា មនុស្សយើង១អាទិត្យក្រៅពីធ្វើការដើម្បីខ្លួនឯងនិងគ្រួសារហើយ គួរចំណាយពេល១ម៉ោងយ៉ាងតិចដើម្បីជួយដល់សង្គមជាតិវិញ គំនិតនេះខ្ញុំគិតយូរហើយតែរង់ចាំអក្សរមានសិនចាំធ្វើ តែដោយសារកូវីតធ្វើអោយខ្ញុំភ្ញាក់ខ្លួនទៅមុខទៀតមិនដឹងមានរឿងអ្វីទាន់គំនិតនៅមានកម្លាំងនៅមានគួរតែធ្វើ ហើយបានការជម្រុញពីមិត្តខ្ញុំម្នាក់ឈ្មោះ ម៉ែនចនសុន ផងទើបខ្ញុំសម្រេចចិត្តធ្វើ តែអាចធ្វើទៅបានគឺត្រូវមានការចូលរួមពីបងប្អូនមិត្តភក្រអ៊ុំពូមីងជួយជាកម្លាំងកាយចិត្តនិងថវិការទើបជោគជ័យបាន ហើយបងប្អូនដែលចង់ចូលរួមសូមចូលទៅក្នុងគ្រប់ឆាណែលតេឡេក្រាមនេះដើម្បីចូលរួមទាំងអស់គ្នា »។
ដ្បិតតែមានការលំបាក និងឧបសគ្គច្រើនទាក់ទងនឹងការផលិតដំបូង ដោយការចេញលុយពីហោប៉ៅខ្លួនឯង លោក ហ៊ុយ យ៉ាឡេង បានប្រកាន់ឆន្ទៈយ៉ាងមុតមាំថា ទោះមិនមានអ្នកឧបត្ថម្ភ ឬមិនបានថវិកាផលិតបន្ត លោកនៅតែធ្វើកម្មវិធីនេះឱ្យដំណើរការទៅមុខរហូត ដើម្បីជាការរួមចំណែកជួយសង្គមមួយផ្នែកដែរ។
បន្ថែមពីនេះ លោក ហ៊ុយ យ៉ាឡេង ក៏អំពាវនាវដល់អ្នកដែលមានទេពកោសល្យ មានគំនិតថ្មីៗ ឬអ្នកដែលចង់ចូលរួមក្នុងសកម្មភាពជួយដល់កម្មវិធីអប់រំសង្គមនេះដោយផ្ទាល់ អាចទាក់ទងតាមរយៈឆាណែលតេឡេក្រាម ១ម៉ោងដើម្បីសង្គមជាតិ-1Hour For The Nation តាមរយៈលីងមួយនេះ https://t.me/NationKH រីឯសប្បុរសជនទាំងក្នុង និងក្រៅប្រទេសដែលចង់ចូលរួមជួយបរិច្ចាគនូវថវិកាដើម្បីគាំទ្រកម្មវិធីនេះអាចទាក់ទងទៅគណនីធនាគារលោក ហ៊ុយ យ៉ាឡេង ផ្ទាល់
Account Name : Huy Yaleng
ABA Account Number : 000 205 738
ACLEDA Account Number : 0900 00 41733313
ACLEDA ToanChet : 069239789
Wing Account Number : 03975972
សម្រាប់ព័ត៌មានលម្អិតបន្ថែមសូមទំនាក់ទំនងទូរស័ព្ទលេខទូរស័ព្ទ ០១២ / ០៦៩ ២៣៩ ៧៨៩ Tell : 012 / 069 239 789 ៕
សូមទស្សនាវីដេអូនៃកម្មវិធី «១ម៉ោងដើម្បីសង្គមជាតិ » ខាងក្រោមនេះ ៖
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
