ប្រយ័ត្នផង! ក្រុមអនាមិក Hacker កំពុងវាយលុក និងបន្លំខ្លួនជាក្រុមការងាររបស់ក្រុមហ៊ុនហ្វេសបុក ដើរស៊ែរផេកល្បីៗគម្រាមឱ្យបំពេញព័ត៌មានដើម្បីធ្វើការលួចផេកធំៗទាំងនោះ
ថ្មីៗនេះ មានគណនីហ្វេសប៊ុកមួយ បានបង្កើតឈ្មោះបន្លំខ្លួនជាក្រុមការងារក្រុមហ៊ុនបណ្តាញសង្គមយក្សហ្វេសប៊ុក ធ្វើការស៊ែរពីផេកធំៗ និងក្រុមហ៊ុនធំៗនៅក្នុងកម្ពុជាដោយសរសេរជាសារគម្រាមឱ្យម្ចាស់ផេកទាំងនោះចូលទៅបំពេញព័ត៌មាន ដើម្បីបន្លំហែកផេកនោះមកប្រើប្រាស់។
នេះបើយោងតាមរយៈគណនីហ្វេសប៊ុក សូរ្យ ជលសា បានឱ្យដឹងថា៖ «#សារដាស់តឿន និង ក្រើនរំលឹក!!!
ថ្មីៗនេះមានគណនីហ្វេសបុកមួយដែលមានឈ្មោះថា App Service ជាក្រុមអនាមិក Hacker បានកំពុងតែ វាយលុក និង បន្លំខ្លួនជាក្រុមការងាររបស់ក្រុមហ៊ុនហ្វេសបុក ដើរស៊ែរផេកល្បីៗ របស់ផេកក្រុមហ៊ុនមួយចំនួននៅកម្ពុជា ក៏ដូចជាផេកដទៃទៀតជាច្រើនក្រោមរូបភាពដោយសរសេរ ទម្រង់ព្រមានម្ចាស់ផេកថាខ្លួននឹងបិទផេកទាំងអស់នោះប្រសិនបើមិនចូលទៅបំពេញព័ត៍មានរបស់ខ្លួន ក៏ដូចជាលេខកូដអីម៉ែលផ្សេងនោះទេ។
ដូច្នេះដើម្បីសុវត្ថិភាព និង ការពារផេករបស់លោកអ្នកសូមមេត្តាហាមធ្វើការចុចតាមលីង (LINK) ដែលពួកគេតម្រូវឱ្យយើងបំពេញបើមិនដូច្នេះទេលោកអ្នកនឹងបាត់បង់ផេកឬ ផេករបស់លោកអ្នកនឹងត្រូវបានលួចដោយក្រុមអនាមិក (Hacker )ជាក់ជាមិនខាន។
#ស៊ែរដើម្បីចែករំលែកទៅកាន់មិត្តរបស់អ្នក។
#សូមបង្កើនការប្រុងប្រយ័ត្ន »។
ដូច្នេះសូមមេត្តាប្រុងប្រយ័ត្ន និងកុំចុចទៅកាន់លីងផ្តេសផ្តាសនៅលើហ្វេសប៊ុកណាមួយឱ្យសោះ ប្រយ័ត្នបាត់គណនីហ្វេសប៊ុក និងផេកហ្វេសប៊ុកដោយមិនដឹងខ្លួន ៕
ព័ត៌មានថ្មីៗ
