រំភើបតិចអី! ទើបតែអាយុ ១០ ឆ្នាំសោះ “ស្រីង៉ោល” សង់ផ្ទះឲ្យម្តាយបានបាត់ ក្រោយរកចំណូលបាន…
Emmanuella Samuelដែលត្រូវបានគេដាក់រហស្សនាមឲ្យថា "មីង៉ោលឬស្រីង៉ោល" បានទទួលជោគជ័យយ៉ាងសម្បើម តាមរយៈការសម្តែងបែបត្លុកកំប្លែងក្នុងវីដេអូដែលដឹកនាំសម្តែងដោយពូរបស់នាងមានឈ្មោះ Mark Angel។ នាងកើតនៅថ្ងៃទី ២២ កក្កដា ឆ្នាំ ២០១០ នៅឯប្រទេសកំណើតនីហ្សេរីយ៉ា។
លោក Mark បានចាប់ផ្តើមយកក្មួយរបស់ខ្លួន មកថតវីដេអូកំប្លែងនៅពេលនាងមានអាយុ ៥ ឆ្នាំ ពោលគឺនៅឆ្នាំ ២០១៥ ហើយគិតមកទល់ពេលនេះ "មីង៉ោល" បានជាប់ឈ្មោះជាក្មេងដែលអាចរកចំណូលបានច្រើនដាច់គេនៅនីហ្សេរីយ៉ា ពោលគឺមានទ្រព្យច្រើនជាង ១៥០ ០០០ ដុល្លារអាមេរិកហើយ។
ប្រភពចំណូលមួយផ្នែកធំរបស់នាងគឺទទួលបានពីការរកចំណូលលើ Online តាមរយៈវីដេអូលើ YouTube ដែលបច្ចុប្បន្នមាន Subscriber លើ Channel ផ្លូវការ Mark Angel Comedy ដល់តៅ ៦,៩៣ លាននាក់។
ដោយឡែកកាលពីពេលថ្មីៗនេះ នាងបានធ្វើឲ្យម្តាយបង្កើតរំភើបជាខ្លាំង បន្ទាប់ពីចាយលុយផ្ទាល់ខ្លួនសាងសង់ផ្ទះវីឡាមួយ ដែលមានភាពស្រស់ស្អាតជាខ្លាំង អមដោយរបស់របរប្រើប្រាស់ទំនើបៗនៅខាងក្នុងនោះ។
តាមការសរសេរលើគណនីផ្លូវការ Officialemanuella នាងបានរៀបរាប់ថា៖ "ខ្ញុំសាងសង់ផ្ទះនេះសម្រាប់ម៉ាក់ ក៏អរគុណសម្រាប់ការលើកទឹកចិត្ត ការជូនពរ និងគាំទ្រកន្លងមក ហើយខ្ញុំដឹងថាម៉ាក់ចង់បានផ្ទះដ៏សមរម្យមួយ តែក៏សូមអភ័យទោសឲ្យខ្ញុំផងម៉ាក់ ឆ្នាំក្រោយខ្ញុំនឹងសង់ភូមិគ្រឹះឲ្យម៉ាក់តែម្តង"៕
ប្រភព៖ Instagram
ព័ត៌មានថ្មីៗ
