កាន់តែស្អាតកាន់តែច្នៃប្រតិដ្ឋ! ឈុតតំណាងជាតិ នៃបវរកញ្ញាចក្រវាលកម្ពុជា ២០២០ មួយម៉ូតៗកាន់តែប្លែកអស្ចារ្យហើយបង្កប់អត្ថន័យជ្រាលជ្រៅទៀត
ថ្មីៗនេះកម្មវិធីនៃការប្រលងបវរកញ្ញាចក្រវាលកម្ពុជា ២០២០ បានរៀបចំដំណើរការផ្លូវការ ដោយថ្ងៃទី១២ ខែវិច្ឆិកា នេះមកដល់វគ្គនៃការប្រកួតប្រជែងបឋម បើកដោយក្បួនដង្ហែរឈុតតំណាងជាតិរចនាដោយអ្នករចនាកូនខ្មែរ។
កាន់តែរំភើប និងភ្ញាក់ផ្អើល ឈុតសម្លៀកបំពាក់នីមួយៗសម្រាប់បេក្ខនារីក្នុងឆ្នាំនេះ សុទ្ធសឹងតែមានការច្នៃប្រតិដ្ឋប្លែកៗខុសពីគ្នា បង្ហាញពីបេតិកភណ្ឌវប្បធម៌ដ៏សំបូរបែបនៃព្រះរាជាណាចក្រ។ ពិសេសបេក្ខនារីទាំងអស់បានសហការជាមួយក្រុមរចនាឈុតរបស់ពួកគេ ដើម្បីបង្កើតនូវស្នាដៃប្លែកៗដែលបង្ហាញពីភាពច្នៃប្រឌិត និងភាពគួរឱ្យចងចាំ ដើម្បីយកឈ្នះការប្រកួតនេះផងដែរ។
គួរឱ្យដឹងផងដែរថា ដំណើរការកម្មវិធីវគ្គស្វែងរកបេក្ខនារីដែលនឹងត្រូវបានប្រកាសថា ជាអ្នកគ្រងឈុតតំណាងជាតិល្អបំផុតនៅក្នុងរាត្រីគ្រងមកុដនៃបវរកញ្ញាចក្រវាលកម្ពុជា២០២០ នឹងប្រព្រឹត្តិឡើងនៅថ្ងៃព្រហស្បតិ៍ទី២៦ ខែវិច្ឆិកា ឆ្នាំ២០២០ នៅក្នុងស្ទូឌីយោបាយ័នស្ទឹងមានជ័យនាពេលខាងមុខ។
ដើម្បីឱ្យកាន់តែជ្រាបច្បាស់ សូមទស្សនាឈុតតំណាងជាតិ និងអត្ថន័យនៃឈុតនីមួយៗនៃការប្រលងបវរកញ្ញាចក្រវាលកម្ពុជា ២០២០ ខាងក្រោមនេះ
១. សុងស៊ៀវម៉ី
"ច្នៃម៉ូតនឹងតម្លើងឈុតដោយ:
លោក ស៊ីសាក់ បូរិន
ហៅ ទឹកគ្រឿង"
"ឈុត ខត្តិយៈក្សត្រីបាពួន
ឈុតនេះរចនាឡើងតាមរចនាបថបាពួនដែលស្ថិតក្នុងអំឡុងពាក់កណ្ដាលទី២នៃសតវត្សទី១១ ប្រដាប់ដោយគ្រឿងអលង្ការបុរាណ គ្រងសំពត់ចរបាប់។
នៅព្រះហស្ថឆ្វេងកាន់ព្រះខ័នដែលជាគ្រឿងសស្រ្តាមួយប្រភេទ មានសណ្ឋានដូចនឹងផ្លែលំពែង។ ឈុតនេះ បង្ហាញកិត្យានុភាព តម្លៃ ភាពរឹងមាំ អង់អាចក្លាហានរបស់ស្រ្តីខ្មែរ ដែលមានសមត្ថភាពគ្រប់គ្រាន់ក្នុងការបំពេញភារកិច្ចនានា ទាំងការងារក្នុងសង្គម និងគ្រួសារ។"
២. នេត រក្សា
រចនាដោយក្រុមច្នៃម៉ូតវ័យក្មេង Lu Lus និង P’derm Fashion
"ឈុត នារីទាំងវេឡាំង
បានយកលំនាំតាមជនជាតិភាគតិច ហៅពូនង (ភ្នង)។ ឈុតនេះបានបង្ហាញពីភាពអង់អាចក្លាហ៊ាននិងរឹងមាំដូចសត្វទន្សោង។ តុបតែងលំអគ្រឿង ដោយត្បូងទទឹមតំណាងអោយភាពសំបូរសប្បាយនៃសម្បត្តិធម្មជាតិ ពណ៌នៃក្រណាត់បង្ហាញពីអត្តសញ្ញាណជនជាតិដើម និងឧបករណ៍ភ្លេងដែលហៅថា គងឃ្មោះដែលជាឧបករណ៍តន្ត្រីប្រើសំរាប់ពិធីបុណ្យផ្សេងៗ។
ឈុតនេះបានរចនាដោយយកចិត្តទុកដាក់ក្នុងគោលបំណងចង់លើកកំពស់សិទ្ធស្មើគ្នា ព្រមទាំងផ្សព្វផ្សាយពីវប្បធម៌ ចំនេះដឹង និងសិទ្ធសេរីភាពរបស់ជនជាតិដើមភាគតិចទាំងអស់។"
៣. វង្ស សោភា
"រចនាដោយលោក
ប៉ែន តារាឡាក់គី
និងលោក សុខ ថេន"
"កូម៍ៈ(អណ្ដើកហ្លួង)
គឺជាឈ្មោះសត្វអណ្ដើក ដែលក្រឡាខ្លួនដោយព្រះវិស្ណុ នៅត្រង់វគ្គកូរសមុទ្រទឹកដោះ នៅក្នុងរឿង “រាមកេរ្តិ៍” ។ រចនាមក្កុដជាក្បាលអណ្ដើកហ្លួង ស្បៃមុខជាខ្សែអង្កាំ ជាមួយនិងស្នូកមានរាងសំប៉ែត អមដោយខ្សែអង្កាំជាជួរ ។ សក់ក្រងលំនាំរចនាបថសក់អប្សរា បន្ថែមដោយសុរ៉ងកនាដការី។ ទម្រង់សំពត់ អប្សរា ស្បៃសងខាងដំណាងអោយទឹក ហៅថាស្បៃគង្គា ឯដៃខាងឆ្វេងមានកាន់ពងអណ្ដើកហ្លួង។
សម័យមុន មានតែគ្រួសាររាជ្យវង្សប៉ុណ្ណោះ ដែលអាចសោយពងរបស់វាបាន។ នៅកម្ពុជា អណ្ដើកហ្លួងមានតែក្នុងតំបន់ព្រែកស្រែអំបិលតែមួយគត់ ដែលជាទីជម្រកធម្មជាតិរបស់វា។"
៤. ស៊ាង ស៊ីជី
"កាត់ដេរឈុតដោយ
នារសារកាត់ដេរ
រចនាឈុតដោយ ក្រុមទេពនិករ
គូររូបដោយ ចន សុវណ្ណឌី"
"ឈុត រាជេន្ទ្រលក្ស្មី យសោធរៈ
ដកស្រង់ចេញពីគ្រឿងអលង្កាមាស និងរូបចំលាក់ក្នុងសម័យអង្គរ។ ឈុតនេះគឺជាឈុតទេពអប្សរ ប្រៀបបានដូចជា ព្រះម្នាង ឬព្រះស្នំ នាសម័យអង្គរ ក្នុងព្រះហត្ថរបស់ព្រះនាង មានកាន់នូវគ្រឿងដង្ហែថ្នាក់ខ្ពស់ សម្រាប់បាំងកំដៅថ្ងៃ ដែលខ្មែរប្រើក្នុងព្រះរាជពិធីផ្សេងៗ ឬក្បួនដង្ហែរធំៗ តាំងពីបុរាណរៀងមក ដែលមានដូចជា បាំងសូរ្យ បាំងសែង ចាមរ ប៉ៃមន សែនត្វ័ន ភូតាន វិាលជនី ជាដើម។ "
៥. លន់ គីមហេង
"ច្នៃម៉ូតនឹងតម្លើងដោយ:
លោក ស្ករគ្រាប់"
"ឈុត មុន្នីមេខលា ធីតារក្សាដែនសមុទ្រ"
នាងមុន្នីមេខលា មានចិត្តអង់អាចក្លាហាន ទទួលបានជ័យជំនះក្នុងការប្រមូលទឹកសន្សីមដាក់កែវ ហេីយបានទទួលឥទ្ធិរិទ្ធដោយក្រវីត្បួងកែងហោះទៅលេីអាកាសឆ្គោះទៅមហាសាគរ ប្រយុទ្ធគ្នាជាមួយយក្សរាសូរដែលធ្វេីអោយមានផ្គររន្ទះនោះឯង។ ពេលមេឃភ្លៀងម្ដងៗ មានផ្គររន្ទះធ្វេីអោយប្រជាជនខ្មែរជឿរថាផ្គររន្ទះនោះកេីតចេញពី ការវាយដណ្ដេីរគ្នាយកត្បូងកែវមុន្នី ! "
៦. លីម សាំងលី
ច្នៃម៉ូតនឹងតម្លើងដោយ: លោក មាឃ គួន
"ឈុត ទេពរួបរួម
មុនឥទ្ធិពលជំនឿសាសនាពីឥណ្ឌាចូលមក ប្រជាជនខ្មែរមានជំនឿនិងការគោរពលើដួងព្រលឹងបុព្វបុរស អារ័ក្ស អ្នកតា និងធម្មជាតិជាដើម។ ក្រោយមកព្រហ្មញ្ញសាសនាក៏បានជ្រៀតចូលក្នុងផ្នត់គំនិតប្រជាជនខ្មែរ មានការគោរពប្រតិបត្តិយ៉ាងខ្លាំង ដែលមួយផ្នែកមានជំនឿលើព្រះវិស្ណុនិយម មួយផ្នែកទៀតមានជំនឿលើព្រះសិវៈនិយម។ ដើម្បីជៀសវាងទំនាស់ក្នុងការគោរពក្នុងព្រហ្មញ្ញសាសនាដែលរវាងព្រះសិវៈ និងព្រះវិស្ណុ និងដើម្បីបង្រួបបង្រួមទេវៈទាំងពីរ គេក៏បានបង្កើតទេវៈមួយអង្គដែលហៅថា ព្រះហរិហរៈ (ហរិតំណាងវិស្ណុ ហរៈតំណាងសិវៈ)។"
៧. សាំង នីដា
"ច្នៃម៉ូតនឹងតម្លើងឈុតដោយ:
លោក ស៊ីសាក់ បូរិន
ហៅ ទឹកគ្រឿង"
"ឈុត បទុមអប្សរសួគ៌
អប្សរាជាស្រីទេពអប្សរ នឹងស្រីរាំសួគ៌ ជាមាតារបស់របាំអាណាចក្រខ្មែរ មានប្រភពមកពីការកូរសមុទ្រទឹកដោះរវាងទេវតានឹងអសុរា ដេីម្បីយកទឹកអម្រឹត ដែលបានចម្លាក់លេីជញ្ជាំងប្រាសាទអង្គរវត្ត។ ដៃកាន់ផ្កាឈូក ដែលត្រូវបានគេលេីកតម្កេីនជាគ្រឿងសក្ការ:ក្នុងព្រះពុទ្ធសាសនា។ នេះក៏បានបង្ហាញថាព្រះពុទ្ធសាសនា នឹងព្រហ្មញ្ញសាសនាតែងតែស្ថិតនៅក្នុងផ្នត់គំនិតកូនខ្មែររៀងរហូតមក។ ឈុតនេះបង្ហាញពីភាពស្រស់ស្អាត នឹងភាពទន់ភ្លន់របស់ស្ត្រីខ្មែរ នឹងក្បូរក្បាច់ដ៏ល្អវិចិត្រនៅលេីគ្រឿងអលង្ការដែលចម្លងចេញពីជញ្ជាំងប្រាសាទអង្គរដ៏ល្បីល្បាញ។ "
៨. ឈុន រក្សា
"កាត់ដេរឈុតដោយ
នារសារកាត់ដេរ
រចនាឈុតដោយ ក្រុមទេពនិករ
គូររូបដោយ ចន សុវណ្ណឌី"
"ឈុត ទេវីមាណវីភុជង្គនាគ
ជាបុត្រីស្តេចភុជង្គនាគថែរក្សាទន្លេមេគង្គ បានប្រែព្រះកាយជារូបស្រីក្រមុំបរិសុទ្ធដេីម្បីថែរក្សាមនុស្សលោក និងប្រជាជនដែលរស់នៅពឹងពាក់អាស្រ័យតាមដងទន្លេមេគង្គដោយការធ្វេីដំណាំកសិកម្មនិងកសិផលផ្សេងៗ ។"
៩. ឌី សុរៈក្តិតា
"កាត់ដេរឈុតដោយ
នារសារកាត់ដេរ
រចនាឈុតដោយ ក្រុមទេពនិករ
គូររូបដោយ ចន សុវណ្ណឌី"
"ឈុត ព្រះនាងរំសាយសក់
ឈុតនេះ ដកស្រង់ចេញពីរឿង ដើមកំណើតភ្នំសំពៅ ដែលមានទីតាំងនៅខេត្តបាត់ដំបង
ព្រះនាងរំសាយសក់ គឺជាក្សត្រីមួយព្រះអង្គ នៃក្រុងច័ន្ទបុរី ព្រះនាងមានសម្រស់ស្អាត ហើយក៏ជាអ្នកមានបុណ្យបារមី ព្រះនាងមានព្រះកេសីដ៏វែង អោយតែព្រះនាងច្បូតព្រះកេសី គឺអាចស្រូបមហាសាគរអោយរីងស្ងួតក្លាយជាដីគោកបាន ហើយក៏អាចអោយដីគោកក្លាយជាមហាសាគរបានផងដែរ។"
១០. ម៉ាច ដាវី
"ច្នៃម៉ូតនឹងតម្លើងដោយ:
លោក ស្ករគ្រាប់
និង Zuperior"
"ឈុត នាងបុទុមវត្តី
បុទុមជាផ្កាឈូកតំណាងអោយភាពជាន់ខ្ពស់ វត្តី តំណាងអោយភាពទន់ភ្លន់ល្វត់ល្វន់ជាអប្សរថែររក្សារនៃដែនផ្កាឈូកដែលមានសម្រស់ស្រស់ត្រកាល គួរជាទីសប្រាថ្នានៃមនុស្សទាំងពួង ៕ ផ្កាឈូកតែងតែត្រូវបានលេីកតម្កេីន និងជាគ្រឿងសក្ការះក្នុងព្រះពុទ្ធសាសនា ព្រោះ ផ្កាឈូកតំណាងអោយបញ្ញា !"
១១. ជា លីណា
"ច្នៃម៉ូតនឹងតម្លើងឈុតដោយ:
លោក ស៊ីសាក់ បូរិន
ហៅ ទឹកគ្រឿង"
"ឈុត ព្រះម៉ែធរណី
ព្រះម៉ែធរណី គឺជានាងគង្ហីងព្រះធរណី ជាព្រះម៉ែនៃផែនដី។ ដែលត្រូវបានគេស្គាល់ទាំងក្នុងគម្ពីរហិណ្ឌូ និងព្រះពុទ្ធសាសនា។ បើតាមពុទ្ធប្រវត្តិ នៅពេលដែលមារមកផ្ចាញ់ព្រះពុទ្ធនៃយើង ដើម្បីទាមទារយកបល័្លង្កព្រះ ព្រះពុទ្ធបានចង្អុលទៅព្រះធរណីជាសាក្សី ព្រះនាងគង្ហីងព្រះធរណីក៏ចេញមកច្បូតសក់ ហើយក៏កើតជាទឹកជំនន់លិចក្រុងមារ ជាមួយសត្វទឹកជាច្រើន ក្នុងនោះគឺក្រពើបានមកស៊ី ពួកមារនោះក្ស័យទៅ។"
១២. រឿន ស្រីស៊ីន
"ច្នៃម៉ូតនឹងតម្លើងឈុតដោយ: ក្រុមសម័យនិមិត្ត
Sponsored by ម្ចាស់ផលិតផល Vitc wow"
"ឈុត សត្វត្រយ៉ងយក្ស
សត្វត្រយ៉ងយក្ស ដែលជាប្រភេទសត្វស្លាបកំម្រ តំណាងឲសត្វស្លាបទាំងអស់នៅក្នុងប្រទេសកម្ពុជា។ ការបង្ហាញឈុតនេះឡើងគឺចង់អោយប្រជាជនខ្មែរបានស្គាល់ប្រភេទសត្វស្លាបដែលជិតផុតពូជមួយនេះនឹងចូលរួមក្នុងការអភិរក្សទាំងអស់គ្នា។ ឈុតនេះផងដែរធ្វើឡើងពី recycle ដែលយើងក៏ចង់បង្ហាញថាសំរាមគឺជាវត្ថុមួយដែលអាចយកមកកែឆ្នៃអោយទៅជារបស់ដែលអាចប្រើប្រាស់បាន អាចជួយក្នុងការពារបរិស្ថាន នឹងអាចសង្រ្គោះផែនដីបានផងដែរ។"
១៣. ធ សួស្តី
"រចនាក្រុម ស្រមោល Fashion & Creative
សហការជាមួយ ភួងមាល័យបាយសីខ្មែរ"
"ឈុត អប្សររង្សី ហង្សគាមិនី តន្ត្រីព្រហ្មលោក
ឧបករណ៏តន្ត្រីពិណ ជាឧបករណ៏តន្ត្រីបុរាណដែលបុព្វវិរៈបុរសខ្មែរបានឆ្លាក់ជាប់លើជញ្ជាំងប្រាសាទជាច្រើន។ ក្នុងជំនឿព្រហ្មញណ៏សាសនាលទ្ធិទេវនិយម ពិណជាឧបករណ៏តន្ត្រីនៃឋានព្រហ្មលោក ជាកេតនភណ្ឌរបស់អគ្គមហេសីនៃព្រះវបិតាព្រហ្ម ចំណែកហង្សា ជាយានជំនិះនៃព្រហ្ម ដែលទ្រង់ជាអាទិទេពនៃការបង្កើតជីវិតក្នុងចក្រវាលលោកយើងនេះ។"
១៤. សួន ពិសី
"ច្នៃម៉ូតនឹងតម្លើងដោយ:
លោក ស្ករគ្រាប់"
"ឈុត នាងកែវមនោរាហ៍
ជាបក្សីមួយប្រភេទដែរមានរូបរាងដូចមនុស្ស មានស្លាបអាចហោះហេីរលេីអាកាសបាន ហេីយស្ថិតនៅក្នុងព្រៃហេមពានៅលេីភ្នំកៃលាស់ ជាកន្លែងរស់នៅរបស់ពពួកកេន្នរ ហេីយមាននិទានតែនៅក្នុងរឿងព្រេងនិទានបុរាណតែបុណ្ណោះ ! "
១៥. ស្រីនី
រចនាដោយលោក Ma Bee
"ឈុត អច្ឆរិយៈអង្គរសន្តិភាព
ឈុតនះតំណាងអោយប្រាសាទអង្គរវត្ត ដែលជាសម្បត្តិបេតិកភណ្ឌពិភពលោករបស់ខ្មែរ ក្រោមការដឹកនាំប្រកបដោយសន្តិភាពរបស់ប្រមុខរាជរដ្ឋាភិបាលកម្ពុជាយើង។ "
១៦. ប្រាសាទ ដាវី
ច្នៃម៉ូតដោយ សុផលកាត់ដេរ
"ឈុត មច្ឆានុ
ជាឈ្មោះត្រីញីមួយធំ មានសណ្ឋានខាងលើជាមនុស្ស ខាងក្រោមជាត្រីនៅក្នុងសមុទ្រ។ ជាស្តេខត្រីមានអាយុវែងណាស់ មានអំណាចបង្គាប់ពួកត្រីធំៗក្នុងសមុទ្រអោយពាំជញ្ជូនដុំថ្ម ដែលហនុមានកែនពលស្វាយកពីភ្នំ មកទំលាក់ចងថ្នល់ក្នុងសមុទ្រទៅកាន់កោះលង្កា។"
១៧. លាភ សីហា
"ច្នៃម៉ូតនឹងតម្លើងឈុតដោយ:
លោក ដេត វណ្ណ ដូ"
"ឈុត នាងសីតាថ្វាយអគ្គី
ឈុតនេះដកស្រង់ចេញពីរឿងអក្សរសិល្ប៍ខ្មែរ គឺរឿងរាមកេរ្តិ៍ វាបង្ហាញពីការលះបង់របស់នាងសីតា ដែលបានបូជាខ្លួនអោយព្រះអគ្គី ដើម្បីបង្ហាញអោយព្រះរាមបានឃើញពីការលះបង់ទឹកចិត្តស្មោះស្ម័គនិងសេចក្តីស្រលាញ់របស់នាង។"
១៨. រ៉េត សារីតា
"ច្នៃម៉ូតនឹងតម្លើងឈុតដោយ:
លោក ស៊ីសាក់ បូរិន
ហៅ ទឹកគ្រឿង"
"ឈុត រាជនីឦសានបុរៈ
រាជធានីឦសានបុរៈ គឺសម៍យចេនឡា រាប់ចាប់ពីឆ្នាំ៥៥០ ដល់ ឆ្នាំ៨០២ នៃគ.ស ដែលបច្ចុប្បន្នគឺជាប្រាសាទសំបូរព្រៃគុគ ខេត្តកំពង់ធំ បានចូលជាសម្បត្តិបេតិកភណ្ឌពិភពលោករួចហើយ។ ក្នុងឈុតនេះ លើព្រះកាយប្រសប់ដោយមកុដ គ្រឿងអលង្ការមាសនិងត្បូង រួមជាមួយសំពត់ចរបាប់ដ៏មានតំលៃ។ ព្រះហស្ថស្តាំកាន់វាលវិជនី ជាគ្រឿងរាជកកុធភណ្ឌមួយ ក្នុងចំណោមកកុធភណ្ឌទាំងប្រាំ សំរាប់ប្រើបក់ថ្វាយព្រះរាជា។"
១៩. ចាន់ ម៉ាលីស
"រចនាម៉ូតដោយ លោក សី ពិសិទ្ឋ
គូររូបដោយ លោក យស បូរ៉ា
តំឡើងនិងតែងកាយដោយ លោក សី ពិសិទ្ឋ"
"ឈុត នាងវិមានច័ន្ទ
នាងវិមានច័ន្ទ ជារាស្ត្រសាមញ្ញម្នាក់ដែលព្រះច័ន្ទទទួលធ្វើជាព្រះអនុជ ដោយសារការបួងសួងរបស់នាងសុំទៅរស់នៅឋានព្រះច័ន្ទ។ ដុំភ្លើងមូលនៅក្នុងដៃ តំណាងអោយព្រះច័ន្ទពេញបរមី ជះរស្មីស្រទន់មកលើផែនពសុធា ជាពន្លឺតំណាងអោយក្តីសង្ឈឹម និងកំចាត់ភាពអន្តកាល។ "
២០. នៅ សុគន្ធារ៉ា
"ដំឡើងដោយ
ក្រុមហ៊ុនរតនទេព្ពី RNP និង
សំអាងការកុលាបសត្បូងឃ្មុំ"
"ឈុត រាជនីក្រមាខ្មែរសាមគ្គី
ក្រមាគឺជាស្នាដៃសិប្បកម្មត្បាញដែលដូនតាខ្មែរ បានបន្សល់ទុកសម្រាប់ជាកេរ្ត៍តំណែលតកូនចៅជាច្រើនជំនាន់មកហើយ ពីព្រោះជាផលិតផលសិប្បកម្មតម្បាញ ដែលមានអត្ថប្រយោជន៍ប្រើប្រាស់ច្រើនយ៉ាង ក្នុងជីវភាព ប្រចាំថ្ងៃរបស់ប្រជាជនខ្មែរគ្រប់ស្រទាប់វណ្ណៈ ។ សំលៀកបំពាក់ដែលរចនាអំពីក្រម៉ានេះ គឺចង់ជួយលើកតំកើនក្រមាខ្មែរឲ្យល្បីល្បាញដល់អន្តរជាតិ។"
ព័ត៌មានថ្មីៗ
