អបអរសាទរ ការរួបរួមគ្នារបស់ប្រជាជនខ្មែរ! ត្រឹម ២៤ ម៉ោងសោះ យុទ្ធនាការ ១$ រកបានជាង ១៣ ម៉ឺន$ ជូនមន្ទីពេទ្យកុមារអង្គរ
លោក សាយ ត្រូវបានគេស្គាល់ថាជាតារាចម្រៀង និងសម្តែងយុវវ័យដែលមានឈ្មោះបោះសំឡេងគួរសមក្នុងចិត្តយុវវ័យសព្វថ្ងៃ ដោយក្នុងនោះក្រៅពីការងារសិល្បៈ លោកក៏រមែងតែងតែចូលរួមការងារសង្គមជាញឹកញាប់ផងដែរ។
បន្ថែមពីនោះ លោក សាយ ក៏បានក្លាយទៅជាម្ចាស់គម្រោង "Run with Sai for Charity” ដែលជាកម្មវិធីរត់ដោយថ្មើរជើងពីភ្នំពេញទៅដល់ខេត្តសៀមរាប ដោយដំណើរការគម្រោងរត់ដំបូងចាប់ពីថ្ងៃទី ៦ តុលា ២០២០ មកម្ល៉េះ។ ហើយកម្មវិធីរត់របស់លោក សាយ ដោយការតាំងចិត្តមោះមុត និងប្រឈមមុខនឹងការលំបាកក្នុងយុទ្ធនាការដ៏ប្រឈមនេះ គឺដើម្បីប្រមូលនិធិឲ្យបាន ១០០០លានរៀលជួយដល់មន្ទីរពេទ្យកុមារអង្គរខេត្តសៀមរាប ជាទីកន្លែងកុមារកម្ពុជាងាយរងគ្រោះរាប់ម៉ឺននាក់ពឹងពាក់អាស្រ័យ។
មកដល់ពេលនេះយុទ្ធនាការត់ដើម្បីសប្បុរសជាមួយសាយមួយនេះ បាននឹងកំពុងតែល្បិជាខ្លាំង ថែមទាំងប្រមូលបានអ្នកគាំទ្រចូលរួមមូលនិធិពេញបណ្តាញសង្គមហ្វេសប៊ុកតាមរយៈការធ្វើ Challenge ដោយធ្វើការបរិច្ចាកម្នាក់ 1$ ទៅគណនីធនាគារ ABA របស់មន្ទីរពេទ្យកុមារអង្គរខេត្តសៀមរាបផ្ទាល់ និងធ្វើការ tag ទៅកាន់មិត្តភក្តិបន្តៗគ្នាដើម្បីចូលរួមយុទ្ធនាការមួយនេះ រហូតទទួលបានការបរិច្ចាកសប្បុរសធម៌ជាច្រើននាក់។
យ៉ាងណាមិញមកទល់យប់ថ្ងៃទី ១២ ខែវិច្ឆិកា ឆ្នាំ២០២០ នេះ បើតាមលោកសាយ បានឱ្យដឹងថាគ្រាន់តែសន្ទុះការ Challenge បន្តៗគ្នារយៈពេល២៤ម៉ោងសោះ ទទួលបានទឹកប្រាក់សប្បុរសធម៌ដល់ទៅ ៥៤១លានរៀល ឬស្មើនឹង ១៣ម៉ឺន២ពាន់ដុល្លារ ដោយទឹកប្រាក់សរុបទាំងអស់កើនឡើងដល់ទៅ ៧៥១លានរៀល ឬស្មើរនឹង ១៨ម៉ឺន៣ពាន់ដុល្លារហើយ។
តាមរយៈគណនីហ្វេសប៊ុកផេករបស់លោក Sai បានឱ្យដឹងថា៖ « I’m so happy guys thank you that we make this happen. Thank you that we make 1$ power work and show how we carrying each other and care about each other, thank you for making the world see how is Cambodian heart. I love you I love you all. #១ដុល្លារសម្រាប់កុមារកម្ពុជា #1dollarchallengeforcambodianchildren
#RUNWITHSAI #រត់ដើម្បីសប្បុរសធម៌ជាមួយសាយ #រត់ដើម្បីកុមារកម្ពុជា
Again I’m so happy 541million riel or 132k$ in 24h and total 751million riel or 183k$
Good night everyone 🥰🥰🥰
official website : https://saicambodianartist.com
សំរាប់ការបរិច្ចាគលើ ABA App : 000 320 555 (Angkor Hospital for Children Limited)
Wing : 03206872 (AHC Patient Contributions) » ។
ដូច្នេះសូមបន្តការគាំទ្រ និងធ្វើការបរិច្ចាកជាបន្តទៀត ដើម្បីយុទ្ធនាការជួយដល់មន្ទីរពេទ្យកុមារអង្គរខេត្តសៀមរាបឱ្យបានច្រើនកុះករបន្ថែមទៀត៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
