មេធំ Pfizer កើបលុយបានប៉ុន្មានលាន នៅថ្ងៃដំបូងដែលប្រកាសដំណឹងល្អពីវ៉ាក់សាំង COVID-19?
នាយកប្រតិបត្តិប្រចាំក្រុមហ៊ុន Pfizer លោក Albert Bourla ត្រូវបានគេរាយការណ៍ថា កើបបានចំណូលខ្ទង់ ៥,៦ លានដុល្លារពីការលក់ភាគហ៊ុននៅថ្ងៃតែមួយ បន្ទាប់ពីក្រុមហ៊ុនអាមេរិកនេះប្រកាសពីប្រសិទ្ធភាព ៩០ ភាគរយនៃការសាកល្បងវ៉ាក់សាំងការពារជំងឺ COVID-19 ដំណាក់កាលទី ៣។
តាមការឲ្យដឹងពីនិយតករទីផ្សារភាគហ៊ុននៅសហរដ្ឋអាមេរិកបានបង្ហាញឲ្យឃើញថា លោក Bourla បានលក់ចេញភាគហ៊ុនចំនួន ១៣២ ៥០៨ ហ៊ុន ហើយក្នុងមួយហ៊ុនមានតម្លៃ ៤១,៩៤ ដុល្លារកាលពីថ្ងៃចន្ទ ទី ៩ វិច្ឆិកា ឆ្នាំ ២០២០ កន្លងទៅ។
ទន្ទឹមគ្នានោះអនុប្រធានជាន់ខ្ពស់ប្រចាំក្រុមហ៊ុន Pfizer លោក Sally Susman ក៏ឆ្លៀតកើបបាន ១,៨ ដុល្លារផ្សេងទៀតផងដែរពីការលក់ភាគហ៊ុនចំនួន ៤៣ ៦៦២ ហ៊ុន កំឡុងថ្ងៃប្រកាសដំណឹងល្អតែមួយ។
បញ្ជាក់ថា តម្លៃហ៊ុនរបស់ក្រុមហ៊ុន Pfizer នៅតែបន្តកើនឡើង ៧ ភាគរយបន្ថែមទៀត ធៀបនឹងថ្ងៃចន្ទដែលកើនបាន ១៥ ភាគរយហើយនោះ៕
ប្រភព៖ Bangkokpost
ព័ត៌មានថ្មីៗ
