អ្នកគ្រូហុងស៊ុយ ណាលី ណែនាំឲ្យទិញមាសនៅពេលនេះ ព្រោះតម្លៃនឹងឡើងខ្លាំងវិញនៅខែមករា
កាលពីយប់មិញក្រុមហ៊ុននៅសហរដ្ឋអាមេរិកបានប្រកាសពីលទ្ធផលអភិវឌ្ឍវ៉ាក់សាំងការពារជំងឺ COVID-19 ដែលមានប្រសិទ្ធភាពដល់ ៩០ ភាគរយហើយនៅដំណាក់កាលសាកល្បងលើកទី ៣។
ជាមួយគ្នានេះក៏រុញឲ្យហាងឆេងតម្លៃមាស មានការធ្លាក់ចុះគួរឲ្យកត់សម្គាល់ ហើយបើតាមការណែនាំពីអ្នកគ្រូហុងស៊ុយល្បីឈ្មោះ ណាលី (Master Naly Feng Shui) ក៏បានបង្ហោះសារនៅលើគណនីផ្លូវការថា៖ " តម្លៃមាស ធ្លាក់ចុះហើយ យើងអាចទិញក្នុងកំឡុងពេលនេះ ព្រោះវានឹងហក់ឡើងខ្លាំងវិញ ហើយចាំលក់ចេញក្នុងពាក់កណ្តាលខែមករាដល់ចុងខែមករា ។ ហើយ មាស តម្លៃឡើងដល់ខែមិនា តែក្នុងខែមករាតម្លៃមាសល្អជាងគេ ប្រញ៉ាប់លក់ចេញចុះ កំទុកលុយគាំងចោលយូរ ។ សូមជូនពរដល់បងប្អូនទាំងអស់ ហេងៗ រកទទួលទានមានបាន ទាំងអស់គ្នា ( Master Naly Feng Shui )"។
បញ្ជាក់ថា កន្លងមកនៅឆ្នាំ ២០១៩ អ្នកគ្រូក៏ធ្លាប់ទស្សន៍ទាយទុកជាមុនពីប្រភេទជំងឺម្យ៉ាងដែលជាជំងឺផ្តាសាយមានលក្ខណៈធ្ងន់ធ្ងររយៈពេលយូរ និងអាចបម្លែងខ្លួនទៅជាមេរោគផ្សេងៗ លុះចូលដល់ឆ្នាំ ២០២០ ជំងឺ COVID-19 ស្រាប់តែផ្ទុះខ្លាំងមែន។ ក្រៅពីនេះអ្នកគ្រូ ណាលី ក៏រមែងទស្សន៍ទាយឆុតពីបញ្ហាអាកាសធាតុក្នុងនិងក្រៅតំបន់នានាផងដែរ៕
ព័ត៌មានថ្មីៗ
