វិលពីរៀន Online ច្រើនខែ! វិទ្យាល័យមួយបើកការប្រលងសាកល្បង លទ្ធផលសិស្សថ្នាក់ទី ៩ ធ្លាក់ជាង ៩០ ភាគរយ
បើការតាមរយៈការបង្ហោះនូវលទ្ធផលប្រលងសាកល្បងនៃកម្រិតមធ្យមសិក្សាបឋមភូមិ (ថ្នាក់ទី ៩) និងទុតិយភូមិ (ថ្នាក់ទី ១២) កាលពីថ្ងៃទី ២៦ តុលា ឆ្នាំ ២០២០ នៅឯវិទ្យាល័យសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដើមឬស បានបង្ហាញឲ្យឃើញថា សម្រាប់សិស្សថ្នាក់ទី ៩ គឺមានជាង ៩០ ភាគរយឯណោះដែលទទួលបានលទ្ធផល ធ្លាក់។
ក្នុងចំណោមសិស្សថ្នាក់ទី ៩ ទាំង ៤ នាក់នៃសាលាខាងលើ មានសិស្សសរុបចំនួន ៩៥ នាក់ ហើយមានតែ ៨ នាក់ប៉ុណ្ណោះ ដែលទទួលបានលទ្ធផល ជាប់ រីឯសេសសល់ប៉ុន្មានគឺធ្លាក់ទាំងអស់។
ដោយឡែកចំពោះសិស្សថ្នាក់ទី ១២ វិញ ក្នុងការប្រលងសាកល្បងនេះដូចគ្នា គឺភាគច្រើនទទួលបាននិទ្ទេស F (ស្មើនឹងធ្លាក់) ហើយបើជាប់ក៏ច្រើនទទួលបាននិទ្ទេស E, D និង C ហើយមានតែសិស្សពូកែប៉ុន្មាននាក់ប៉ុណ្ណោះ ដែលបាននិទ្ទេស B។
រំឭកថា ចំពោះដំណើរការប្រលងខាងលើ ខាងសាលាក៏បានរៀបចំយ៉ាងយកចិត្តទុកដាក់ ទាំងលើវិធានការការពារការរាតត្បាតជំងឺ COVID-19 និងការរឹតបន្ទឹងទាំងវិន័យកំឡុងពេលប្រលង ក៏ដូចជាវិញ្ញាសា ដូចទៅនឹងការប្រលងថ្នាក់ជាតិរៀងរាល់ឆ្នាំអ៊ីចឹងដែរ៕
រូបភាព៖ វិទ្យាល័យសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដើមឫស
ព័ត៌មានថ្មីៗ
