សុំមើលមុខអ្នកស្រលាញ់របាំបុរាណខ្មែរ និងល្ខោនខោលបន្តិច! កុំនិយាយស្រលាញ់តែមាត់ ពេលនេះឱកាសពិសេសមានការបង្ហាត់បង្រៀនមិនគិតថ្លៃទេនៅចាំអីទៀត
ដូចយើងដឹងហើយថាសិល្បៈ វប្បធម៌ និងរបាំបុរាណខ្មែរ មានភាពល្អថ្លៃថ្លាខ្លាំងណាស់ រហូតបរទេសដទៃស្រលាញ់ចង់បាន និងធ្វើការចម្លងយកធ្វើជាកម្មសិទ្ធរបស់ខ្លួនទៀត។តែយ៉ាងណារបស់ខ្មែរ នៅតែជារបស់ខ្មែរ ក្រៅពីការស្រលាញ់ និងអភិរក្សថែរក្សា ក៏គួរតែនាំគ្នាគាំទ្រឱ្យសិល្បៈខ្មែរមានដង្ហើមដែរ។
នៅក្នុងនោះដើម្បីលើកស្ទួយ និងចង់បន្តចំណេះវិជ្ជាខាងរបាំខ្មែរដល់កូនខ្មែរជំនាន់ក្រោយ ពេលនេះ ក្រុម សិល្បៈយុវជនល្ខោនខោលជំនាន់ថ្មី បានបើកឱកាសឱ្យ យុវជនយុវនារីទាំងអស់ដែលមានចិត្តចង់ចូលរួមហាត់សិល្បៈល្ខោនខោល នឹងរបាំបុរាណ អាចហាត់រៀនរៀងរាល់ថ្ងៃអាទិត្យ ចាប់ពីម៉ោង ៧ព្រឹក ដល់ម៉ោង ៤ល្ងាច។ ហើយសម្រាប់ទីតាំងហាត់រៀនគឺស្ថិតនៅ សហភាពសហព័ន្ធយុវជនកម្ពុជារាជធានីភ្នំពេញ (ព្រែកលាប) ។
ដូច្នេះប្រសិនជាប្រជាជនខ្មែរ និងយុវវជនយុវនារីខ្មែរ ចាប់អារម្មណ៍ចង់ហាត់រៀន សូមទំនាក់ទំនងមកក្រុមការងារ ក្រុម សិល្បៈយុវជនល្ខោនខោលជំនាន់ថ្មី តាមរយៈលេខទូរសព្ទ 081 51 30 19 សម្រាប់ពត័មានពីការចុះឈ្មោះចូលហាត់រៀន សិល្ប:ល្ខោនខោល នឹងរបាំបុរាណ៕
អត្ថបទ៖ ក្នុងស្រុក
ព័ត៌មានថ្មីៗ
