ដាក់ពាក្យធ្វើការ ដើម្បីចូលរួមដោះស្រាយការកកស្ទះសំរាម ថែមទាំងទទួលបានប្រាក់ខែក្រាស់ទៀត
ដូចយើងដឹងហើយថាពេលនេះទីក្រុងភ្នំពេញយើងកំពុងតែមានបញ្ហាកកស្ទះសម្រាម ដោយសារតែបុគ្គលិកក្រុមហ៊ុនប្រមូលសម្រាមបានធ្វើបាតុកម្មឈប់ធ្វើការអស់រយៈពេលជាច្រើនថ្ងៃ។
ដើម្បីចូលរួមដោះស្រាយបញ្ហាសម្រាមកកស្ទះពេញទីក្រុងភ្នំពេញនោះ ក៏មានសាលាក្រុងភ្នំពេញ បុគ្គលិកពាក់ព័ន្ធនានា និងក្រុមហ៊ុនជាច្រើនបានចេញមកធ្វើការជួយប្រមូលសម្រាមតាមទីសាធារណៈផងដែរ។ ដោយក្នុងនោះ ក្រុមហ៊ុន ឡេង ណាវ៉ាត្រា បានចេញមុខមកជ្រើសរើសបុគ្គលិកប្រមូលសម្រាម និងជួលឡានបែនជាច្រើនគ្រឿង ដើម្បីចូលរួមដោះស្រាយបញ្ហាសម្រាម ដោយផ្តល់ប្រាក់ខែយ៉ាងសមរម្យ។
តាមរយៈគណនីហ្វេសប៊ុកផេករបស់ ក្រុមហ៊ុន ឡេង ណាវ៉ាត្រា បានឱ្យដឹងថា៖ «ក្រុមហ៊ុន ឡេង ណាវ៉ាត្រា ត្រូវការជ្រើសរើសបុគ្គលិក៖
-តៃកុងគ្រឿងចក្រសាស័រ ចូកសំរាម ប្រភេទតូច ចំនួន45នាក់ វេនថ្ងៃប្រាក់ខែ400ដុល្លារ វេនយប់ប្រាក់ខែ 500ដុល្លារ
-កម្មករដើរតាមសាស័រ ចំនួន300នាក់ វេនថ្ងៃប្រាក់ខែ 350ដុល្លារ វេនយប់ 400ដុល្លារ
-ត្រូវការជួលឡានប៉ែនបន្ទាន់ វេនថ្ងៃមួយខែ1500ដុល្លារវេនយប់1700ដុល្លារ មួយថ្ងៃធ្វើការ10ម៉ោង 80គ្រឿងបន្ទាន់ ដើម្បីចូលរួមដោះស្រាយការ កកស្ទះសំរាម
0963360486
069341888
0968018853
0968760516»៕
ព័ត៌មានថ្មីៗ
