ស្គាល់កញ្ញា ស៊ីន យូប៊ីន កាន់តែច្បាស់តែម្តង! អាយុជាង ២០ឆ្នាំសោះ សាងស្នាដៃសិល្បៈ ការងារសង្គម និងអាជីវកម្មធំៗច្រើនសុទ្ធតែជោគជ័យខ្លាំង
អ្នកណាដែលថាមិនស្គាល់ កញ្ញា ស៊ីន យូប៊ីន ថាជាតារាស្រីដែលមានសម្រស់ស្រស់ស្អាតបែបខ្ជូតៗ និងមានសមត្ថភាពនៅក្នុងការងារសម្តែងទាំងប្រភេទរឿងភាគ រឿងដុំ ថតបទចម្រៀង និងការផ្សាយពាណិជ្ជកម្មផ្សេងៗ។ ដោយមិនត្រឹមតែជាតារាដែលមានឈ្មោះល្បី កញ្ញា ស៊ីន យូប៊ីន ត្រូវគេស្គាល់ថាជាតារាដែលមានភាពជោគជ័យខ្លាំងលើការងារជំនួញផ្ទាល់ខ្លួនទាំងក្មងវ័យស្ទើរតែមិនគួរឱ្យជឿ។
ហើយថ្មីៗនេះផងដែរ អ្នកគាំទ្ររបស់កញ្ញា ស៊ីន យូប៊ីន ហាក់ភ្ញាក់ផ្អើលជាខ្លាំងនូវជីវប្រវត្តិការសិក្សា ការងារ សិល្ប: និងកិច្ចការងារជំនួញថាពិតជាមិនធម្មតាឡើយ។ នេះបើយោងតាមរយៈ Page អ្នកគាំទ្ររបស់កញ្ញា ស៊ីន យូប៊ីន បានធ្វើការស្រាវជ្រាវពីជីវប្រវត្តិ ចំណង់ចំណូលចិត្ត និងការងារដែលកញ្ញាបានធ្វើកន្លងមក ដោយធ្វើការបង្ហោះតាមរយៈគណនីហ្វេសប៊ុកផេក ស្រលាញ់ ស៊ីន យូប៊ីន Love Shin Yubin ដោយរៀបរាប់ថា៖
« ខ្លះៗពីចែយូប៊ីន
_ឈ្មោះ:សីុន យូប៊ីន
_ ថ្ងៃកំណើត ១៣ ០៥ ១៩៩៥
_កម្ពស់: ១.៦៣ m
_ទម្ងន់ : ៤៧kg
_អស់រយៈជាច្រេីនឆ្នាំដែលគាត់ធ្វេីខួបកំណេីតនៅថ្ងៃទី១២ ០៦ ព្រោះពីក្មេងឈឺញឹកពេកក៏ប្ដូរថ្ងៃខួបកំណើត
_បងយូប៊ីនចូលសិល្បៈនៅឆ្នាំ២០១៣តាមរយៈការប្រឡងជាបេក្ខនារីក្នុងកម្មវិធីហ្វ្រេសសីុហ្គើល អេន ប៊យ ជំនាន់ទី១២ តាមរយៈការប្រឡងគាត់ទទួលបានជ័យលាភីលេខ ១
_បងយូប៊ីនគឺជាបេក្ខនារីទី១ដែលទទួលបានពានច្រេីនជាងគេពីកម្មវិធីគឺរហូតដល់ទៅ៧
_បងយូប៊ីនគឺជាអតីតសិស្សនៅសាលាប៊ែលធី
#ស្នាដៃភាពយន្តភាគ :
+រឿង និស្ស័យស្នេហ៍ខ្ញុំ
+រឿងឧបមា
+រឿងចិត្តស្អប់បង្កប់ស្នេហ៍
+រឿងជំពាក់ចិត្តព្រោះស្រឡាញ់
+រឿងម្ដាយក្មេករើសកូនប្រសារ
+រឿងកូនក្រមុំលោកមេឃុំជេីងល្អ
+រឿងគ្រូពេទ្យខ្ញុំ
+ រឿងខ្នោះបេះដូង
+ រឿងអាថ៌កំបាំងត្រីសូល៍
+រឿង និស្ស័យស្នេហ៍នាងមនោរាហ៍
+រឿង បំណុលម្តាយ
+រឿងឥទ្ធិពលស្នេហ៍ក្នុងភ្លើងបណ្ដាសា
#រឿងដុំ:
+អត់ខ្វល់សំខាន់អូនស្អាត
+រឿងតម្លៃស្នេហ៍
+រឿង កំពូលអង្គរក្សមុខខ្មូត( the protect body guard หน้าหัก)ខ្សែភាពយន្តថៃដែលមានបងយូប៊ីនជាតារាខ្មែរដែលទៅចូលរួមសម្ដែងត្រូវបានចាក់ក្នុងរោងកុនថៃ ខ្មែរនិងបណ្ដាប្រទេសមួយចំនួននៅអាសីុ
_ក្នុងព្រឹត្តិការណ៍មហោស្រពជាតិលេីកទី៥បងយូប៊ីនទទួលបានពានរង្វាន់ជាតារាសម្ដែងស្រីឆ្នេីមប្រចាំឆ្នាំ២០១៧តាមរយៈការសម្តែងជាតួស្រីក្នុងរឿងតម្លៃស្នេហ៍
#ស្នាដៃMV:
+បទបងចាំ
+បទសូមទោសដែលសន្យាហើយធ្វើមិនបាន
+បទគេទៅចោលយេីងហេីយ
_សត្វដែលបងយូប៊ីនធ្លាប់ខ្លាចគឺសត្វឆ្មា(មកដល់ឥឡូវadminក៏មិនដឹងថាគាត់នៅខ្លាចទៀតឬអត់ដែរ)
_ពណ៌ដែលបងយូប៊ីនចូលចិត្ត :ពណ៌ស ពណ៌ខ្មៅ ពណ៌ទឹកសមុទ្រ
_ភេសជ្ជៈដែលគាត់ចូលចិត្ត :កាហ្វេ និង តែគុជ
_ចំណង់ចំណូលចិត្តពីក្មេង :លេងល្បែងកម្សាន្តដែលជាប្រភេទល្បែងក្មេងប្រុស 😂ឡេីងដេីមឈេីអីចឹង😂
_ប្រភេទមនុស្សដែលគាត់មិនចូលចិត្តគឺជាមនុស្សមិនស្ដាប់ហេតុផល
_ប្រភេទមនុស្សប្រុសដែលគាត់នឹងយកជាគូអនាគត គឺជាមនុស្សដែលឱ្យតម្លៃគាត់និងគ្រួសារគាត់
_គាត់ចូលចិត្តធ្វេីបុណ្យតែកម្របង្ហោះ ធ្វើ១០០បង្ហោះ១អីចឹង adminដឹងព្រោះគាត់មិនបង្ហោះតែadminឃេីញអ្នកផ្សេងបង្ហោះ
_បងយូប៊ីនគឺជាតារាស្រីមួយរូបដែលចាប់តាំងចូលសិល្បៈមកដល់ឥឡូវ ពុំធ្លាប់ធ្វើការlive បកស្រាយបញ្ហាអ្វីមួយនោះទេ បេីទោះមានការចុះព័ត៌មានបំផ្លើសពីគាត់ គាត់ក៏មិនដែលសរសេរសារបង្ហោះជាពាក្យគ្រោតគ្រាតដល់អ្នកទាំងនោះវិញដែរ
_បងយូប៊ីនជាតារារួសរាយ នេះក៏ជាហេតុដែលadminស្រឡាញ់គាត់ រាល់ពេលអ្នកគាំទ្រថតជាមួយគាត់តែងសំពះអរគុណ ទោះអ្នកនោះចាស់ឬក្មេងជាងគាត់ ថ្ងៃមុនadminឃេីញសំពះជម្រាបសួរអីុសន្តិសុខនៅអេអន២ទៀតណ៎
_សព្វថ្ងៃគាត់ជាម្ចាស់ហាងតែគុជ fire Tigerលំដាប់ Premiumដែលមានទីតាំងនៅផ្សារទំនេីបជីបម៉ុងណូរ៉ូម៉លជាន់ទី២និងជាម្ចាស់ប្រេនសាប៊ូកក់សក់SUPPLE SHAMPOO
សរុបមកនេះជាអ្វីដែលadminដឹងអំពីគាត់ក្នុងកំឡុងពេលដែលadminជាហ្វេនគាត់មកដល់ពេលនេះ បេីមានអីដែលអ្នកកំពុងអានដឹងពីគាត់ច្រេីនជាងនេះជួយខមមិនប្រាប់adminផង បញ្ជាក់មនុស្សដែលខ្ញុំស្រឡាញ់មិនមែនជាមនុស្សល្អឥតខ្ចោះទេតែភាពខ្វះខាតរបស់គេមិនមែនជាហេតុផលដែលខ្ញុំត្រូវឈប់ស្រឡាញ់គេ បេះដូងadminវាប្រាប់មកចឹង #សីុនយូប៊ីន #ស្រឡាញ់សីុនយូប៊ីន #LoveShinYubin #ពេលវេលាដែលយេីងចំណាយសម្រាប់ឱ្យខ្លួនឯងមានក្តីសុខវាមិនមែនជាពេលឥតប្រយោជន៍ #ព្យាយាមរកហេតុផលមកលេីកលែងកំហុសឱ្យមនុស្សដែលយេីងស្រឡាញ់ដេីម្បីបន្តក្ដីសុខ»។
តាមរយៈសំណេរនេះបានបង្ហាញឱ្យឃើញថា ត្បិតតែកញ្ញា ស៊ីន យូប៊ីន ជាតារាដែលមានអាយុទើបតែជាង២០ឆ្នាំមែនពិត តែកញ្ញាពិតជាមានស្នាដៃនៅក្នុងការសម្តែងជាខ្លាំងជាមួយសមត្ថភាពពិតៗ ពិសេសជាតារាដែលជោគជ័យនៅក្នុងមុខជំនួញ តែនៅតែរក្សាការងារសប្បុរសធម៌ក្នុងសង្គមដោយមិនអួតបង្ហាញមហាជនគួរឱ្យសរសើរខ្លាំងមែនទែន៕
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
